تانك البنزين

[mhDeeb]

تانك البنزين شغال بمزاجه يا جماعة

انا دائما بدخل البنزينة اول ما مؤشر البنزين ينزل عند شرطتين انتبه واروح البنزينة وكل مرة التانك ياخد بنزين غير المرة اللى قبلها بمعنى

مرتين ياخد من 38 - 40 لتر

وبعدين مرة = 47 لتر

غيرت البنزينة دى ومرحتلهاش تانى

بنزينة شل = 38-40 لتر
اكثر من مرة زى الفل

وبردة والمؤشر شرطتين ونفس البنزينة بس كانت الساعة 12 مساءا

44 لتر وطبعا الكلام دة بيكون في نفس يوم اللى المؤشر جاب فية شرطتين

هل حد حصل معاه كدة من قبل ؟؟؟ او حد عنده تفسير افيدونا افادكم الله ؟؟؟؟؟؟

[saddam]

صديقي المواطن
موضوعك بسيط وعادي ولا تقلق ومغندكش عطل ده الطبيعي فالغدادات العادية بالنظر مش زي الديجيتال فممكن بعينك تفرق 5 أو 7 لتر عادي وكمان بخار البنزين داخل التتك برضو بيلعب دور خداعي بحاجة بسيطة وخصوصا لما تكون اﻷجواء صيفية أو إنت سايق العربية من فترة طويلة فمتقلقش عادي جدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[DOCTOReng]

لا تشغل بالك فهذا طبيعى
شرطة البنزين مقدارها أكثر من 5 لتر أى ممكن أن تقود السيارة أكثر من 50 كيلو دون أن تتغير قراءة مؤشر البنزين والفرق فى المرات التى ذكرتها حضرتك ربما هل فولت بمجرد الوصول الى شرطتين مباشرة وكان بجوارك محطة بنزين أم قدت السيارة عشرات الكيلومترات وما زالت الشرطتين كما هما رغم استهلاك البنزين أثناء ذلك .
هناك أسباب أخرى فالطلمبة الموجودة فى محطات البنزين ليست مضبوطة 100% ويمكن أن يكون بها نسبة خطأ صغيرة مسموح بها والطلمبات الموجودة فى نفس المحطة لا تعطى نفس الأداء .
كذلك تفويل السيارة مرة فى جو حار ومرة فى جو بارد يعطى اختلاف نظرا لاختلاف الكثافة مع درجة الحرارة.
حتى نوعية البنزين المورد للمحطة قد يختلف من يوم الى يوم آخر.

[jericho]

خلي بالك يا باشا من موضوع الزور بتاع التانك اللوجان زور التانك بتاعها كبير يعني لو بتفويل التانك مع اول فصلة كده التانك اتملي ممكن يكمل تاني ويملالك الزور وهو بياخد اكتر من 10 لتر وعن تجربة وفي ناس الزور لوحده اخد معاهم 15 لتر وكان في موضوع زمان هنا علي المنتدي بيناقش الموضوع ده بالتفصيل ووصلنا لموضوع ان فعلا الزور بتاعها بياخد رقم كبير ودي ميزة طبعا

[Elmokadim]

أخي الكريم الموضوع بيفرق من بنزينه للتانية
في بنزيمات المسدس بتعاها سريع بيفصل بدري
وفي بنزيمات المسدس بتعها بطئ بيفول جزء من الزور
انا معايا لوجان اوتو
وبتأخد 15 لتر بعد اول فاصلة للمسدس
تحياتي

[mhDeeb]

كلام سليم وزى الفل انا كنت قلقان من سرقة البنزينة للبنزين واللعب في العداد

[ahmedjemy]

انا لو العربية مخلصة بنزين بفولها للاخر لحد ما البنزين يبقى باين يعني الزور كلة اتملى والعداد بتاع البنزينة بيقرا 62 لتر وطبعا علشان بسافر باضطر اعمل كدا علشان مش كل شوية اروح افول وطبعا اول شرطة بتاخد وقت كبير عقبال ما تنزل , بعد اول فصلة فى بنزينة توتال اللى فى المعادي التانك بيكمل عشرة اتناشر لتر بعدها بس طبعا اللى بيفول بيتعب شوية علشان المسدس بيفصل كل شوية .