استلمت اللوجان ^!^

[muhamad hesham]

السلام عليكم :)

الحمد لله استلمت لوجان 2014 امبارح
عندي بس كام استفسار كده :)

اول حاجه ازاي اصفر العدادت بتاعت الكومبيوتر ""عدد الكيلومترات من بدايه الرحله ومتوسط السرعه واستهلاك البنزين وكده "" ؟؟

ثانيا هل محتاج ازود ميه او اعمل ايه حاجه فيها ولا اسيبها كده عادي لحد صيانه ال 5000 ؟؟

ثالثا في اي حاجه اعملها للعربيه سواء شمع خارجي او اغير الفرش او اي حاجه ولا اسيبها كده علي حالتها ؟؟ :d

اخر حاجه العربيه مش ممسوحه كويسه خاصه الازاز وفي اجزاء عايزه تتمسح كويسه
اوديها بنزينه تتغسل ولا بلاش ؟؟

لان في عضو خوفني من حوار مسدس الميه ده انه قشرله جزء من لونها :d

[Dr.Karim Emam]

ألف مبروك يا باشا و ربنا يديك خيرها و يكفيك شرها

السلام عليكم :)

الحمد لله استلمت لوجان 2014 امبارح
عندي بس كام استفسار كده :)

اول حاجه ازاي اصفر العدادت بتاعت الكومبيوتر ""عدد الكيلومترات من بدايه الرحله ومتوسط السرعه واستهلاك البنزين وكده "" ؟؟
حتجيب العداد اللي عاوز تغيره من الزرار اللي في دراع المساحات و بعدين تضغط على الزرار اللي طالع من العدادات ضغطة طويلة هتلاقيه صفر العدادات

ثانيا هل محتاج ازود ميه او اعمل ايه حاجه فيها ولا اسيبها كده عادي لحد صيانه ال 5000 ؟؟
ماتشغلش بالك الا لو لاحظت ان العربية بتسخن أو زيت الموتور بينقص, غير كده يادوب قربة المساحات

ثالثا في اي حاجه اعملها للعربيه سواء شمع خارجي او اغير الفرش او اي حاجه ولا اسيبها كده علي حالتها ؟؟ :d
لو عاوز تعمل فرش جلد هيكون أفضل, عندك الجاهز من أول 300-400 جنيه تقريبا و النفصيل من أول 800. و أهم من دول اعمل فرش جلد للأرضية و الشنطة عشان التراب

اخر حاجه العربيه مش ممسوحه كويسه خاصه الازاز وفي اجزاء عايزه تتمسح كويسه
اوديها بنزينه تتغسل ولا بلاش ؟؟
توكل على الله و وديها بنزينة نضيفة تحميها بره و جوه :)

لان في عضو خوفني من حوار مسدس الميه ده انه قشرله جزء من لونها :d

[muhamad hesham]

ربنا يخليك يا معلم :)
الف شكر :)

[waleedrahmy]

مليون
مبررررررررررررررررووووووووووك

[lada2105]

الف مليون مبرووووك وربنا يكفيك شرها ويعطيك خيرها .... ياريت تقةلنا انت كنت حاجز عند مين ودهالك فى كام يوم وكان العداد على كام كيلو ان امكن

[muhamad hesham]

الف مليون مبرووووك وربنا يكفيك شرها ويعطيك خيرها .... ياريت تقةلنا انت كنت حاجز عند مين ودهالك فى كام يوم وكان العداد على كام كيلو ان امكن

الله يبارك فيك :)
كنت حاجز عند الطارق ""طارق اسماعيل"" لان روحت لتوكيل رينو كان عنده موديل 2013 بس وقالي 2014 ممكن تنزل كمان شهر لاربع شهور

وروحت اتعاقدت مع الطارق الاربع اللي فات وقالي ان ورق العربيه بيسافر القاهره عشان الافراج الجمركي وده بيتم في 3 ايام لكن العربيه موجوده في المخزن بتعهم
اللي اخرني بس اني كنت جايبها نصها كاش ونصها تقسيط تبع البنك فشيك البنك هو اللي اخرها شويه
واستلمتها امبارح الحمد لله "بعد 8 ايام تقريبا :)
سعرها كان ب 84500 وعطهالي ب 84000 ومعاها كفر
والعداد كان 16 كيلو بس ""ودي المسافه من المخزن بتعهم للمعرض لما جابها امبارح عشان استلم"" والمسافه صغيره جدا علي فكره
انا امبارح روحت رخصت وروحت مشوار كده بقت 35 كيلو :)

[lada2105]

يا نجم وربنا يبارك فى رزقك وزريتك اللهم امين . طيب ممكن تقولى الطارق ده مكانه فين ورقم تليفونه احسن انا من طنطا وخﻻص نويت اشترى ولكن محتار ما بين التوكيل و محمد زكى وسمير ريان .. وانا معنديش سابق معرفه بالجديد وطبعا اللى موجود فى طنطا المصريه وسمعتها عنب ربنا يكفيكم شرها ... وناوى على لوجان اتوماتيك

[assaf]

الف مبروك . العلابيه إن شاء الله حتتبسط منها جدا
انت كدا جايبها مانيوال صح ؟

[muhamad hesham]

يا نجم وربنا يبارك فى رزقك وزريتك اللهم امين . طيب ممكن تقولى الطارق ده مكانه فين ورقم تليفونه احسن انا من طنطا وخﻻص نويت اشترى ولكن محتار ما بين التوكيل و محمد زكى وسمير ريان .. وانا معنديش سابق معرفه بالجديد وطبعا اللى موجود فى طنطا المصريه وسمعتها عنب ربنا يكفيكم شرها ... وناوى على لوجان اتوماتيك

الله يبارك فيك :)
هو موجود في القاهره والاسكندريه
ودي صفحته عل الفيس

https://www.facebook.com/eltarek.auto

حتلاقي في ال info ارقامه وعنوانه

[muhamad hesham]

الف مبروك . العلابيه إن شاء الله حتتبسط منها جدا
انت كدا جايبها مانيوال صح ؟

الله يبارك فيك :)
واها انا الحمد لله عجبتني جدا خصوصا ان كان معايا قبلها لادا فمفيش مقارنه :d

واها جبتها كامله مانيوال

الاتوماتيك كانت 2014 ب 93500 تنزل ل 93000
و2013 ب 95500 تنزل ل 90000

:)

[الشريف السيد]

الف الف مبروك

[mohadb2000]

الف مليون مبروووك وانا هحصلك ان شاء الله وهجيبها

[S O P H O S]

الف مبروك يا باشا