استلمت لوجان اوتو 2014

[nightpoet]

الحمد لله استلمت بالأمس لوجان اتوماتيك 2014

السيارة ما شاء الله جميلة .. وحاسس انها اختيار موفق ..وملاحظاتي:
- موضوع نتشة الفتيس غير موجود على الاطلاق (مع العلم اني اول مرة اسوق اتوماتيك ).. الفتيس بينقل بسلاسة ودون مشاكل.
- العربية ارتفاعها عن الارض ممتاز بالنسبة للمطبات.
- التكييف ممتاز .. وصوت الموتور مش مزعج اطلاقا.
- الدركسيون .. للامانة متوسط في النعومة .. بس مش لدرجة انه ناشف او يضايق.
- الكراسي مريحة .. والشنطة عملااااااقة قياسا لحجم العربية .

فيه مشكلة صغيرة اشارة المرشدير (الاشارة اللي بتنور في الخلف عند الرجوع بالسيارة ) الناحية اليسرى لاتعمل .. فقط اليمنى .. رحت لكهربائي فتح الفانوس وقاللي مش واصل للمبة كهرباء..؟؟ بس انا مرضيتش اخليه يفك ويدور في السلك وكده عشان الضمان .. فالمفروض اعمل ايه ؟؟

سؤال كمان .. انا مسافر بالعربية بكرة ان شاء الله مسافة 300 كم .. هل عندكم نصايح ليه قبل السفر ؟؟
انا بسوق من 10 سنين بس مانيوال .. هل انتظر شوية لما اتعود على العربية ولا اتوكل على الله وعادي.؟

وبالتوفيق للجميع ..

[علاء سليمان]

الف مبرووووك يا كبير .... اختيار موفق
كل الرينو المرشدير لمبة واحدة فقط مش اتنين متخليش حد يلعبلك في العربية و متقلقش .
سافر عادي مش مشكلة بس متزودش السرعة عن 120 علشان التليين .
و ربنا يبارك لك فيها و يكفيك شرها

[M.Radwan]

الحمد لله استلمت بالأمس لوجان اتوماتيك 2014

السيارة ما شاء الله جميلة .. وحاسس انها اختيار موفق ..وملاحظاتي:
- موضوع نتشة الفتيس غير موجود على الاطلاق (مع العلم اني اول مرة اسوق اتوماتيك ).. الفتيس بينقل بسلاسة ودون مشاكل.
- العربية ارتفاعها عن الارض ممتاز بالنسبة للمطبات.
- التكييف ممتاز .. وصوت الموتور مش مزعج اطلاقا.
- الدركسيون .. للامانة متوسط في النعومة .. بس مش لدرجة انه ناشف او يضايق.
- الكراسي مريحة .. والشنطة عملااااااقة قياسا لحجم العربية .

فيه مشكلة صغيرة اشارة المرشدير (الاشارة اللي بتنور في الخلف عند الرجوع بالسيارة ) الناحية اليسرى لاتعمل .. فقط اليمنى .. رحت لكهربائي فتح الفانوس وقاللي مش واصل للمبة كهرباء..؟؟ بس انا مرضيتش اخليه يفك ويدور في السلك وكده عشان الضمان .. فالمفروض اعمل ايه ؟؟

سؤال كمان .. انا مسافر بالعربية بكرة ان شاء الله مسافة 300 كم .. هل عندكم نصايح ليه قبل السفر ؟؟
انا بسوق من 10 سنين بس مانيوال .. هل انتظر شوية لما اتعود على العربية ولا اتوكل على الله وعادي.؟

وبالتوفيق للجميع ..

ربنا يبارك لحضرتك فيها ويديك خيرها.
- بالنسبة للمرشدير هي فعلا لمبة واحدة في معظم الأوروبي..يعني انت معندكش مشكلة.
- بالنسبة للسفر انت بس متنساش تظبط ضغط الكاوتش وكله هيبقى تمام ان شاء الله ودي فرصة تتعود على العربية بسرعة، وترجع بالسلامة ان شاء الله.

[nightpoet]

شكرا جزيلا لردودكم .. ربنا يحفظنا جميعا.

[assaf]

المارشدير لمبه واحده و التانيه لمبه للفوج الخلفي
في السفر ماتزودش عن 130 زي الكتالوج وامشي علي سرعات مختلفه و متحاولش تقرص علي العربيه

[abusamra41]

المارشدير لمبه واحده اللى بتنور لان التانيه شبوره

[dryassin]

الف مبروك ربنا يبارك لك فيها
ممكن اعرف هيا موجودة فين وسعرها وامكانياتها

[nightpoet]

العربية متوافرة في الوكيل وفي معظم المعارض وفي اوتو سمير ريان ..
سعرها الرسمي 95500 والمعارض بتبيعها اقل كمان الف او اكتر..
1600 سي سي .

[S O P H O S]

الف مبروك