سير الكاتينة اتقطع

[73826h_hamdy]

سير الكلتينة اتقطع والحمد لله. وروحت للميكانيكي وحصل كالاتي سير كلتينة دايكو ب ١٣٠ ج. بلية كاتينة اوتو موتور ١٠٠ج. طقم صباب ٢٣٠ ج. تركي. كوتش صباب ٥٠ ج. الماني جوان وش سلندر ١١٥ ج. مصنعية ٣٠٠ ج. الحمد لله وبالمرة غيرت تيل فرامل امامي ريمسا اسباني ١٣٥ ج. وبلية عجل خلفي اوتو موتور ١٠٠ ج. وفانوس شبورة صيني تودو ٦٥ ج. باللمبة وبس.

[wassim_nasser]

قدر الله وما شاء فعل .. هو حضرتك العربية موديل سنة كام و كانت عاملة كام الف كيلو ؟

[73826h_hamdy]

موديل ٢٠١٠ كانت عاملة ٨٠ الف

[wassim_nasser]

المهم تاخد بالك المرة الجاية وقول الحمدلله

[محمد طايع]

قدر الله وما شاء فعل
اكتب عندك انت مغير السير على كام كيلو وتابع العربيه وما تنساش معاد التغيير القادم
وربنا يديلك خيرها ويكفيك شرها

[Egyzizo]

الحمد لله ان الموضوع اتلم
هو ده أول تغيير لسير الكاتينة؟
يا ريت لو فيه فرصة تركب السير الأصلى بدل الدايكو يبقى أفضل وأكثر أماناً للمستقبل.

[adel_edrees]

هو جضرتك أول مرة تغيره

[neemmohamed]

قدر الله و ما شاء فعل

بس عاوزين نعرف اجابة السؤال هو انت اول مرة تغيره؟
و هل كنت بتعمل الصيانة فى التوكيل؟

[73826h_hamdy]

اول مرة يتغير لاني لسة شاري العاربية من واحدة عمرها معملت فيها حاجة وبعدين اجيب الاصلي منين واسمه ايه ياريت تجاوبني

[neemmohamed]

الاصلى من التوكيل اضمن
كان بلد الصناعة uk بريطانى

[adel_edrees]

اول مرة يتغير لاني لسة شاري العاربية من واحدة عمرها معملت فيها حاجة وبعدين اجيب الاصلي منين واسمه ايه ياريت تجاوبني

في عالم كده عايزه تركب ببلاش مش لاقى وصف لهذه السيدة غير أنى أقول حسبي الله ونعم الوكيل فيكى و في أمثالك كانت حتكلف حضرتك نص عمرة لكن ربنا ستر

[ahmed_m_ashraf]

الحمد لله على قد كده، بس معلش حضرتك غلطان، طالما عارف إنها عمرها ما عملت حاجة ف العرية كان لازم تغير كل السيور أو ما إشترتها. عموما زيادة في الإحتياط، عند شراء المستعمل، المفروض تغير كل السيور وزيت الموتور. حتى لو البايع قالك إنه مغيرهم، الضمير مش مضمن.