قدر الله وماشاء فعل

[lozaregypt]

الحمدلله علي كل شي راجع من القاهرة وبعدين ركنت اجيب حاجة وبعد عربية بريلناس رجعت عليا علي الجنب اليوم والحمد لله كل الخسائر في الرفرف العربية متامن عليها ومش عارف اعمل ايه اروخ التوكيل وخايف ياخدو العربية مني ولا اروح مركز واعملها بره بصراحة الواحد في حيرة


وهو الرفرف تمنه كام كله والحمدلله علي كل شئء وشكرا ليكم هو الواحد دمه محروق بس عادي هتعدي وكل شي هيعدي

[wassim_nasser]

قدر الله و ما شاء فعل قول الحمدلله .. بص حضرتك .. لو خبطة خفيفة اعملها برة ولو الرفرف اتبهدل وديها التوكيل و غير الرفرف و استفاد بالتأمين

[adel_edrees]

قدر الله و ما شاء فعل قول الحمدلله .. بص حضرتك .. لو خبطة خفيفة اعملها برة ولو الرفرف اتبهدل وديها التوكيل و غير الرفرف و استفاد بالتأمين

أنت متفق مع الأستاذ وسيم بص حضرتك أعملها بره و خلى التأمين لاقدر الله للحاجات الكبيرة صور لنا الخبطة و في ورشة الأستاذ كريم منير في الحرفيين و أن شاء الله ترجع زى ماكانت لأن التأمين حيقوللك قيمة تحمل و 10 % من قيمة أصلاح السيارة في التوكيل و بعد كده لما تجدد الوثيقة حيزودها عليك و لازم تروح لشركة التأمين يصورو لك العربية ياعم ده حاجة وجع دماغ هما بيسرقوا و البنوك بتسرق و في الأخر كله على دماغ صاحب العربية

[الشريف السيد]

قدر الله وماشاء فعل والحمد لله انك بخير واعتقد ان الاخوة الكرام ردوا رد وافى وانا من رأيهم ايضاااا

[mahmoud869]

قدر الله و ما شاء فعل قول الحمدلله .. بص حضرتك .. لو خبطة خفيفة اعملها برة ولو الرفرف اتبهدل وديها التوكيل و غير الرفرف و استفاد بالتأمين

+111

[lozaregypt]

شكرا

شكرا لردودكم جميعا قلت اصور العربية
مخاوفي من الدق في الصاج وكمان الباب مش بيفتح مش عارف يكمن الصور تساعد في رايكم

وشكرا مرة تانية

[wassim_nasser]

يا باشا ما هو طبيعي الباب مش هايفتح لأنك لو بصيت علي اخر الرفرف من تحت هاتلاقيه من الخبطة زانق علي الباب فالباب مش واخد راحته .. بص حضرتك السمكرية برة هايردوه بس غالبا هايتسخن و يترش و التكلفة في حدود 150 بالكتير أوى .. أما في التوكيل فغالبا هايغيروه

[wassim_nasser]

وعندك ورشة نايل موتورز بتاعت استاذ كريم منير في الحرفيين ترجعهولك زيرو

[adel_edrees]

أنا رأى واحد نضيف يردها لك على البارد وبزرجينة خفيفة يعدللك الحتة اللى في الرفرف من تحت و لا تسمكر و لا تدهن و لا تعمل أنا كنت فاكر الرفرف أتطبق خالص

[gebreel]

انا شايف انها ممكن تتعمل على البارد و مش محتاجة تسخين ولا حاجة

و الباب مبيفتحش علشان الرفرف مريح عليه

[Super_Star_h]

خبطه خفيفه مش مستاهله تغير رفرف
اي سمكرى كويس هيضبطهولك وممكن يقدر يعدله على البارد احسن ما تترش