مشكلة فى الطبلة

[hobby10]

ياجماعة فجاءة الكونتاكت لما بقفله المفروض فى الاخر بيعمل تكة مع سحب المفتاح بحيث انى ممكن اقفل الدركسيون .. التكة الاخيرة دى اختفت وبقى المفتاح يتسحب فى الاخر من غيرها والدركسيون مبقدرش اعمله لوك خالص .... سالت قالولى لازم نفك الطبلة واحد قالى السن بتاع المسوجر ده اتكسر ويتغير وياخد 150 !! .. واحد تانى قالى تتفك برضه بس مفيش حاجة اسمها السن اتكسر هو بس ممكن يكون معلق لتحت فمش بيلقط زى الاول والموضوع ممكن يكلف 40 .. انتوا رابكم ايه مين اللى ممكن يكون كلامه صح واروح لمين فيهم ؟؟ .. وهل الموضوع ده ممكن يتعمل فى التوكيل ولا حيقولوا نغير الطبلة خالص ؟!!

[wassim_nasser]

انا رأيى تروحي التوكيل لأن اللعب في الطارة مش مستحب خاصة لو فيها ايرباج

[DOCTOReng]

حصلت معايا عدة مرات متفرقة من عدة شهور ثم اختفت وحدها دون أى تدخل منى

[hobby10]

هو فك الطبلة ممكن يأثر باى حاجة على الطارة نفسها او الايرباج ؟؟ ... اعتقد ان دى حاجة ودى حاجة ؟؟

[wassim_nasser]

طب وانتي ضامنة اللي هايفك يكون بيفهم ؟ ولو فيه حاجة هاتتغير واثقة انك هاتلاقيها عنده او هايجبلك حاجة اصلية ؟ برة التوكيل ممكن نسمكر او نلعب في الكهربا او نغير زيت .. لكن يفضل نلجأ للتوكيل في الحاجات الغامضة زي دي .. و بعدين لو لاقدر الله احتاجت تغير حاجة ممكن تتغير مجانا ف الضمان

[neemmohamed]

الاحتمال الارجح انه معلق مش مكسور .... لان لو كسر المفتاح مش ها يدخل لمكانه .... فيكون معلق بس من التراب ولا حاجة

[hobby10]

انا برضه متفقة مع حضرتك .. غالبا معلق بس

[atala]

ممكن تجرب حاجة بسيطة وهي اسبراي ازالة الصدأ والاوساخ والزيوت wd40 ترشه مكان دخول المفتاح وتدخل المفتاح وتخرجه عدة مرات لو الموضوع تراب وتعليق هيشتغل بمجرد ما تعمل الموضوع ده