إعـــــــلان

Collapse

.

,
See more
See less

استفسارات على اللوجان 2014 اوتوماتيك

Collapse
X
 
  • Filter
  • الوقت
  • Show
Clear All
new posts

  • استفسارات على اللوجان 2014 اوتوماتيك

    السلام عليكم ورحمه الله وبركاته,,,

    انا اسمى احمد ولسه مشترك هنا جديد ولسه جايب العربيه من شهرين موديل 2014 اوتوماتيك بس عندى استفسارات صغيره عشان انا اول مره اركب عربيه تكون بتاعتى وانا كمان مبفهمش اوى فى العربيات فياريت تساعدونى.

    - بحس بسخونيه من عند الدوسات كده بعد المشى كتير ياتري ده عشان مفيش عازل,بس انا عارف ان كل العربيات دلوقتى العيب ده راح منها بس مش عارف

    - هو انا لازم اركب للارضيه فرش او موكيت عشان احافظ عليها ولا تكفى دوسات محترمه

    - بسمع صوت الموتور كتير وبحس انه عالى وعداد النقلات لما بينقل من سرعه للاتيه بيجي عند قبل 3 وينقل وطبعا ده بيخلى صوت الموتور يعلى وانا ماشى معرفش هل ده طبيعى ولا عادى

    اعذرونى من كتر الاسئله بس انا بتعلم الفنيات ديه منكم واسف تانى على الاطاله

  • #2
    المشاركة الأصلية كتبت بواسطة احمد ابو سمره مشاهدة المشاركة
    السلام عليكم ورحمه الله وبركاته,,,

    انا اسمى احمد ولسه مشترك هنا جديد ولسه جايب العربيه من شهرين موديل 2014 اوتوماتيك بس عندى استفسارات صغيره عشان انا اول مره اركب عربيه تكون بتاعتى وانا كمان مبفهمش اوى فى العربيات فياريت تساعدونى.

    - بحس بسخونيه من عند الدوسات كده بعد المشى كتير ياتري ده عشان مفيش عازل,بس انا عارف ان كل العربيات دلوقتى العيب ده راح منها بس مش عارف

    - هو انا لازم اركب للارضيه فرش او موكيت عشان احافظ عليها ولا تكفى دوسات محترمه

    - بسمع صوت الموتور كتير وبحس انه عالى وعداد النقلات لما بينقل من سرعه للاتيه بيجي عند قبل 3 وينقل وطبعا ده بيخلى صوت الموتور يعلى وانا ماشى معرفش هل ده طبيعى ولا عادى

    اعذرونى من كتر الاسئله بس انا بتعلم الفنيات ديه منكم واسف تانى على الاطاله
    وعليكم السلام ورحمه الله وبركاته
    اهلا بيك يا احمد :)

    بما ان محدش رد فحرد مؤقتا كده لحد ما حد فاهم شويه يرد ^!^
    انا برضو لسه شاري 2014 بس مانيوال
    السخونيه محستش بيها الصراحه بس حاسس برعشه في الدواسات علي السرعه فوق ال 70

    الارضيه فكرت في حوار الفرش ده وفي منه جلد بس ناس قالتلي بيخلي شكلها زي التاكسي
    فاشتريت دواسات كويسه ""في نورع بيبقي ليه حواف كده وطويل شويه""
    وعلي فكره حتستلم دواسات في صيانه ال 5000
    فمن رأيي اشتري دواسات دلوقتي ومع صيانه ال 5000 ابقي حط الاتنين علي بعض :)

    صوت الماتور من بره عندي عالي برضو
    وسألت قالولي حيهدي ويوطي صوته بعد صيانه ال 5000 او ال 10000 وخاصه مع تغيير الزيت
    فمتقلقش هي لسه بتلين يعني :)

    اتمني اني اكون افدتك
    واي استفسار انا تحت امرك

    ومبروووووك العربيه وربنا يحفظها لك ويكفيك شرها :)

    Comment


    • #3
      الف مبروك ياباشا ؟ وربنا يباركلك فيها ويكفيك شرها
      انا معايا اتوماتك 2013 والعربية بصفة عامة كويسة وموضوع الموتور ده طبيعى فى الاول وبعد حوالى 5000 ك العربية هايكون صوتها افضل واستهلاكها احسن وهاتحس بفرق معاها .
      اما موضوع السخونية عند الدواسات انا حسيت بيها فى الصيف بس مع المسافات الطويلة والزحمة وهو حاجة نسبية من شخص للتانى ؟ بس الموضوع مازال موجود لكن مش زى ماكانت الناس بتقول انها ناااااااااار ؟ موضوع فرش الارض ده ماهامنيش لأن لو جبت دواسات حوض هاتكون كويسة وهاتقدى الغرض .
      نقل السرعات ده فى الاتوماتك عادى لما بينزل من سرعة للتانية بيعلى صوت الموتور وده تقريبا طبيعى والله اعلم ؟؟؟؟

      Comment


      • #4
        المشاركة الأصلية كتبت بواسطة walid mohamed مشاهدة المشاركة
        الف مبروك ياباشا ؟ وربنا يباركلك فيها ويكفيك شرها
        انا معايا اتوماتك 2013 والعربية بصفة عامة كويسة وموضوع الموتور ده طبيعى فى الاول وبعد حوالى 5000 ك العربية هايكون صوتها افضل واستهلاكها احسن وهاتحس بفرق معاها .
        اما موضوع السخونية عند الدواسات انا حسيت بيها فى الصيف بس مع المسافات الطويلة والزحمة وهو حاجة نسبية من شخص للتانى ؟ بس الموضوع مازال موجود لكن مش زى ماكانت الناس بتقول انها ناااااااااار ؟ موضوع فرش الارض ده ماهامنيش لأن لو جبت دواسات حوض هاتكون كويسة وهاتقدى الغرض .
        نقل السرعات ده فى الاتوماتك عادى لما بينزل من سرعة للتانية بيعلى صوت الموتور وده تقريبا طبيعى والله اعلم ؟؟؟؟

        أخبار التكيف فى حر الصيف ايه لو سمحت

        Comment


        • #5
          ممكن تقول للتوكيل على مشكلة السخونة دي وهيركبلك عازل..لو مركبوش ممكن تركبه انت عند أي سروجي قصة سهلة..
          بالنسبة لفرش الأرضية..يستحسن بلاش لأنه هيفك كل حاجة في الصالون تقريبا ما عدا التابلوه..يبقى إذا كنت معظم الوقت بتبقى في العربية لوحدك، تكتفي بدواسات حوض كبيرة هتغطيلك على الفرش الموكيت أصلا..أما لو العربية عائلية وعليها هرس كتير ركب فرش أرضية جلد عشان ميقرفكش في التنظيف..
          صوت الموتور شيء طبيعي مدقش معاه..
          [CENTER]“في الوقت اللى نص شوارع البلد زبالة..سبحان الله محدش بيسيب عربيته تتخربش وكل المستعمل بيبقى راشش نظافة :E_braces[1]:”
          [img2]http://s28.postimg.org/myt8ifkrh/Untitled_1_copy.png[/img2]
          [/CENTER]

          Comment


          • #6
            التكييف ممتاز فى الصيف . أنا نادرا ما أشغله على سرعة أكثر من 2 . اذا شعرت بأى مشكلة فى التكييف اذهب الى التوكيل لضبط ضغط الفريون فى دقائق قليلة كما حدث مع الكثير من الزملاء

            Comment


            • #7
              المشاركة الأصلية كتبت بواسطة muhamad hesham مشاهدة المشاركة
              وعليكم السلام ورحمه الله وبركاته
              اهلا بيك يا احمد :)

              بما ان محدش رد فحرد مؤقتا كده لحد ما حد فاهم شويه يرد ^!^
              انا برضو لسه شاري 2014 بس مانيوال
              السخونيه محستش بيها الصراحه بس حاسس برعشه في الدواسات علي السرعه فوق ال 70

              الارضيه فكرت في حوار الفرش ده وفي منه جلد بس ناس قالتلي بيخلي شكلها زي التاكسي
              فاشتريت دواسات كويسه ""في نورع بيبقي ليه حواف كده وطويل شويه""
              وعلي فكره حتستلم دواسات في صيانه ال 5000
              فمن رأيي اشتري دواسات دلوقتي ومع صيانه ال 5000 ابقي حط الاتنين علي بعض :)

              صوت الماتور من بره عندي عالي برضو
              وسألت قالولي حيهدي ويوطي صوته بعد صيانه ال 5000 او ال 10000 وخاصه مع تغيير الزيت
              فمتقلقش هي لسه بتلين يعني :)

              اتمني اني اكون افدتك
              واي استفسار انا تحت امرك

              ومبروووووك العربيه وربنا يحفظها لك ويكفيك شرها :)

              انا مستلمتش دواسات فى صيانه 5000 كم

              Comment


              • #8
                ربنا يباركلك فيها و يكفيك شرها
                السخونية اللى فى الدواسات قولهم عليها فى التوكيل هما هيعزلوها
                بالنسبة للارضية هو انا ماركبتش بس الموكيت بيتبهدل و بيلم تراب مع العلم ان حاطط الدواسات اللى خدتها هدية من التوكيل فى صيانة الخمسة الاف و حاطط عليها الدواسات الجلد و مع ذلك الارضية بتلم تراب
                بالنسبة لصوت الموتور هيهدى كتير بعد الخمسة الاف

                Comment


                • #9
                  المشاركة الأصلية كتبت بواسطة muhamad hesham مشاهدة المشاركة
                  وعليكم السلام ورحمه الله وبركاته
                  اهلا بيك يا احمد :)

                  بما ان محدش رد فحرد مؤقتا كده لحد ما حد فاهم شويه يرد ^!^
                  انا برضو لسه شاري 2014 بس مانيوال
                  السخونيه محستش بيها الصراحه بس حاسس برعشه في الدواسات علي السرعه فوق ال 70

                  الارضيه فكرت في حوار الفرش ده وفي منه جلد بس ناس قالتلي بيخلي شكلها زي التاكسي
                  فاشتريت دواسات كويسه ""في نورع بيبقي ليه حواف كده وطويل شويه""
                  وعلي فكره حتستلم دواسات في صيانه ال 5000
                  فمن رأيي اشتري دواسات دلوقتي ومع صيانه ال 5000 ابقي حط الاتنين علي بعض :)

                  صوت الماتور من بره عندي عالي برضو
                  وسألت قالولي حيهدي ويوطي صوته بعد صيانه ال 5000 او ال 10000 وخاصه مع تغيير الزيت
                  فمتقلقش هي لسه بتلين يعني :)

                  اتمني اني اكون افدتك
                  واي استفسار انا تحت امرك

                  ومبروووووك العربيه وربنا يحفظها لك ويكفيك شرها :)

                  حبيبى ربنا يخليك وفعلا انا لما سالت على موضوع الفرش بتاع الارضيه قالولى بلاش عشان بيخليها زى التاكسى,انت عارف ان المشكله اساسا فرش العربيه من تحت موكيت وبيلم تراب انا حصبر لحد صيانه 5000 وربنا يسهل

                  Comment


                  • #10
                    المشاركة الأصلية كتبت بواسطة wsamir مشاهدة المشاركة
                    ربنا يباركلك فيها و يكفيك شرها
                    السخونية اللى فى الدواسات قولهم عليها فى التوكيل هما هيعزلوها
                    بالنسبة للارضية هو انا ماركبتش بس الموكيت بيتبهدل و بيلم تراب مع العلم ان حاطط الدواسات اللى خدتها هدية من التوكيل فى صيانة الخمسة الاف و حاطط عليها الدواسات الجلد و مع ذلك الارضية بتلم تراب
                    بالنسبة لصوت الموتور هيهدى كتير بعد الخمسة الاف

                    ربنا يخليك ياباشا,طمنتنىعلى موضوع صوت الموتور ده انا بصراحه كنت قلقان,بيجى عند عداد السرعات يوصل 3 وبيزعق وصوت الموتور بيعلى ويكون لسه مجبتش اساسا 40 فده شى قلقنى,فيارب يروح بعد 5000

                    Comment


                    • #11
                      المشاركة الأصلية كتبت بواسطة m.radwan مشاهدة المشاركة
                      ممكن تقول للتوكيل على مشكلة السخونة دي وهيركبلك عازل..لو مركبوش ممكن تركبه انت عند أي سروجي قصة سهلة..
                      بالنسبة لفرش الأرضية..يستحسن بلاش لأنه هيفك كل حاجة في الصالون تقريبا ما عدا التابلوه..يبقى إذا كنت معظم الوقت بتبقى في العربية لوحدك، تكتفي بدواسات حوض كبيرة هتغطيلك على الفرش الموكيت أصلا..أما لو العربية عائلية وعليها هرس كتير ركب فرش أرضية جلد عشان ميقرفكش في التنظيف..
                      صوت الموتور شيء طبيعي مدقش معاه..
                      شكرا يا كبير على الكلام المطمئن ده,وانا فعلا حعمل كده ان شاء الله

                      Comment


                      • #12
                        المشاركة الأصلية كتبت بواسطة walid mohamed مشاهدة المشاركة
                        الف مبروك ياباشا ؟ وربنا يباركلك فيها ويكفيك شرها
                        انا معايا اتوماتك 2013 والعربية بصفة عامة كويسة وموضوع الموتور ده طبيعى فى الاول وبعد حوالى 5000 ك العربية هايكون صوتها افضل واستهلاكها احسن وهاتحس بفرق معاها .
                        اما موضوع السخونية عند الدواسات انا حسيت بيها فى الصيف بس مع المسافات الطويلة والزحمة وهو حاجة نسبية من شخص للتانى ؟ بس الموضوع مازال موجود لكن مش زى ماكانت الناس بتقول انها ناااااااااار ؟ موضوع فرش الارض ده ماهامنيش لأن لو جبت دواسات حوض هاتكون كويسة وهاتقدى الغرض .
                        نقل السرعات ده فى الاتوماتك عادى لما بينزل من سرعة للتانية بيعلى صوت الموتور وده تقريبا طبيعى والله اعلم ؟؟؟؟

                        الله يبارك فيك,شاكرين على المعلومات القيمه ديه,اخبار استهلاك البنزين معاك قد ايه تقريبا قد ايه عشان انا حاسس ان الاستهلاك عندى كبير شويه

                        Comment


                        • #13
                          مافيش لوجان 2014 الشكل الجديد اتوماتيك

                          ياجماعة أصلا مافيش لوجان 2014 الشكل الجديد اتوماتيك
                          انا سألت رينو نفسها
                          منين حضرتك جبتها وهي أصلا لسة ماتعملتش ؟؟؟

                          Comment


                          • #14
                            انا عربيتى 2013 اوتو و لسه مقفلتش 8000 ك
                            بالنسبة للسخونيه انا مش حاسس عندى بالموضوع ده لكن لو قلقاك بيتعمل عزل عند اى سروجى
                            صوت الموتور بعد ال 5000 بيقل لكن ممتوقعش انها بى ام
                            مع كل الاحترام لاراء الجماعه انا مركب فرش ارضيه جلد اسود و مش هتحس انه تاكسى ولا حاجه و كده مده متغطر بالدواسات و ارتحت من مشكلة الرمل و التراب اللى بيمسك فى الموكيت و مابيسيبوش و انصحك بالذات لو فى اطفال هى فوطه مبلوله بتبقى الارضية ذى الفل
                            النقلات لازم ال ار بى ام يعلى علشان بياخد عزم النقل السليم و بيوصل لغاية 3.5 و بعدين بينقل

                            و ربنا يدينا خيرها و يكفينا شرها

                            Comment

                            Working...
                            X