الزجاج الخلفى قفش !! :)

[eng_abosalma]

الزجاج الخلفى فجأة قفش و لا يستجيب للفتح و القفل....
رحت لكهربائى و طبعا أول لما جرب قاللى مكنة الرفع بايظة و الموتور محروق ولا زم تتغير(فتي السنيييين) , قلتله فك الباب بس وبص الأول و وطلعت المكنة سليمة و الموتور تمام...
المهم طلعت المشكلة إن الزراير بتعلق...
ايه الحل ؟!!
ممكن تتصلح ولا لازم تتغير ؟!!
و أجيبها منين و بكام ؟؟!!

[ahmedjemy]

لو تعرف تفك الزرار وتنظفه ما اعتقدش الموضوع صعب .

[speed_magnum]

فك الزرار ونضفه هيشتغل كويس

[darkfury2010]

السلام عليكم
ان كمان عندي الزاج الامامي يمين بيعلق لازم ادوس جامد اوي عشان يرتفع
وقلولي نظف الزرار بس مش عارف اعمله وقلت لما اروح التوكيل في صيانه 5000 اخليهم يعملوه

عمتا لو في افاده في تنظيف الزرار افيدونا

[Super_Star_h]

نضف الزرار بالهوا
بيلم تراب لانه فى مكان سيئ

[adel_edrees]

نضف الزرار بالهوا
بيلم تراب لانه فى مكان سيئ

أتفق معك تماما أي حد من العيال عندى بيعدى عليه بجزمته بأبقى مش عارف أعمل أيه أنا فكرت أغطيه بورق بلاستيك اللى بيلصق على الأطباق في السوبر ماركت و لكن شكله طلع فظيع و أتقطع مع أول دوسة ياريت لو أنت وصلت لحل للمشكلة دى ياريت تقول لنا

[Karim_Mohy]

جرب نضفه بال w-40 حصلت قبل كده وتم التنضيف وبيشتغل بعدها بشويه بس ده في حالة فقط ان الزرار عليه تراب ومعلق

[J A G U A R]

فك الزراير عند كهربائى كويس ونضفها

[م.على حجازى]

بص يا بشمهندس
المشكلة دى حصلت معايا و بعد غسيل السيارة من الداخل و انا فى الحقيقة اول حاجة شكيت فيها هو المفتاح ﻻنه اسهل احتمال وبعد ما شيكت عليه
طلع مجنزر ( مصدى يعنى ) فرشيت عليه رشة سخية من ال wd 40 ومن يومها لما بغسل العربية بتجنب دخول اى مياه للزراير
وبعدين لوجئت انها حاجة متكررة مع اللوجان لما بتغسل العربية

[eng_abosalma]

السلام عليكم:
اسف على التأخير فى الرد
أنا دلوقتى فكيت الزراير و نضفتها بس الزجاج الخلفى شمال لسه بيعلق برضه( بينزل بس مابيطلعش)
ايه الحل دلوقتى يا شباب
أفيدونى بسرعة الله يكرمكم

[georgedada82]

شوف حضرتك فك العلبة بتاعة الزراير من الكونسولة ارفعها والاسلاك فيها حرك الجاك اللي راكب في الزرار يمين او شمال حاجة بسيطة بالراحة وجرب نزل او طلع هتلاقيه بيطلع ركبه بقي علي الوضع اللي فيه الفيشة بس ركبه صح يعني ركبه لحد ما الكلبسات بتاعة العلبة تمسك كويس في الكونسولة باذن الله تلاقي كل حاجة تمام ومش هيحصل تاني الكلام ده ...