حادثة لوجان - الحمد لله

[mkaram84]

السلام عليكم
الحمد لله على كل حال وقدر الله وما شاء فعل...
انا اشتريت لوجان اوتوماتيك 2014 من شهرين بالظبط الحمد لله..

يوم الخميس وانا مروح من شغلي الساعة 8 على طريق كورنيش المعادي وماشي بسرعة 60/70 وفي حارتي الشمال.. وكان امامي (يو تيرن) بحوالي 100 متر في طريقي وكانت فيه عربية فيات 132 واقفة في البو تيرن من الطريق المقابل مستنية عشان تلف.. وفجأة لقيت العربية ال 132 اتقدمت مترين قدامي فكسرت يمين بسرعة ولحقت فاديت وش العربية الحمد لله بس جابت الجنب الشمال كله من الرفرف الامامي للخلفي - وبعد ما نزلت لقيت ان في عربية لانوس خبطت الفيات من الخلف وهي اللى زقتها المترين قدام... المهم رحنا لسمكري وقدر الخساير - والفيات اخد 600 جنيه وانا بالعافية اخدت 2000 جنيه من صاحب اللانوس...

رحت التوكيل النهاردة الصبح فرع العبور - وقابلني هناك مهندس اسمه احمد وقالى ان التصليح مبدأياً مش هيقل عن 15000 جنيه وممكن يزيد كمان.. وعلى الاقل استلام بعد شهرين..
المهم قلت له اعملي مقايسة بالظبط للتكاليف.. واتفقنا هاروح له كمان يومين عشان اخد العربية لو مش هاعملها في التوكيل وادفع 275 تمن المقايسة - او امضي على المقايسة ويحجزها عنده للتصليح واستلم بعد شهرين..

فانا عايز رأيكم اعمل ايه؟
اعمل التصليح مع التوكيل ولا اشوف ورشة او مركز خدمة معتمد؟ وهل فعلا الورشة او المركز هيفرق اوي عن التوكيل زي ما سمعت؟ وهل لو صلحتها برة التوكيل الضمان هيتأثر؟
انا خبرتي في السيارات لسه جديدة
وهل كان الاحسن اعمل محضر في الشرطة ولا اني خلصت من اللانوس ب 2000 جنيه؟

أفيدوني أفادكم الله.. وجزاكم الله كل خير

[tarek_742]

قدر الله وماشاء فعل الحمد للله على كل شى بس التوكيل غالى طبعا صلح برة شوف انت محتاج تغيير اية واية ممكن يتعدل وان شاء الله ممكن الموضوع يبقى اقل من كدة بكتير خالص وقطع الغيار كتييير جدا برة او شوف كمان ممكن تجيب انت كل قطع الغيار من برة وتروح التوكيل يركب ويرش فالتكلفة هتبقى كام لو عملت كدة

[gebreel]

التوكيل لو حاجة تتسمكر هيغير

اطلع على كريم منير في الحرفيين هيظبطهالك و قله يعملهالك بوية سكينز الالماني هتبقى اغلى بس زي اللي التوكيل بيستعملها و هتتكلف اقل بمراحل عن التوكيل

و بالنسبة للضمان فالسمكرة متأثرش على الضمان

[saddam]

صديقي المواطن
قولا واحدا اللوجان مهما كانت عرببة محترمة فهي لا تستاهل أن ينصرف عليها 15 ألف جنيه ومبالغات التوكيل معروفة وأكيد لو عملتها بره مش حتكلف أكثر من 9 آلاف جنيه بأي حال من اﻷحوال وطبعا شغل بره دائما وأبدا سيظل أنظف من شغل التوكيل
إنت الحادثة عارفها فإوصفلي حالة العربية وزجاج اﻷبواب إتكسر ولا ﻷ والفرش الداخلي للأبواب إتكسر ولا ﻷ ثم إعرضها على ورشة المواطن المؤسس كريم منير فهو يمتلك ورشة نايل موتورز لرش السيارات وإن إحتجت أي خدمة فأنا ممكن أساعدك ونوقف جنبك لغاية متخلص عربيتك مجانا ومش حناخد منك حاجة فإوصفلي الحادث بالظبط وأنا سأعطيك كلفة اﻹصلاح التجاري وكلفة اﻹصلاح أي كلام وكلفة اﻹصلاح على الزيرو من غير متبان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[heeshooheeshoo]

صديقي المواطن
قولا واحدا اللوجان مهما كانت عرببة محترمة فهي لا تستاهل أن ينصرف عليها 15 ألف جنيه ومبالغات التوكيل معروفة وأكيد لو عملتها بره مش حتكلف أكثر من 9 آلاف جنيه بأي حال من اﻷحوال وطبعا شغل بره دائما وأبدا سيظل أنظف من شغل التوكيل
إنت الحادثة عارفها فإوصفلي حالة العربية وزجاج اﻷبواب إتكسر ولا ﻷ والفرش الداخلي للأبواب إتكسر ولا ﻷ ثم إعرضها على ورشة المواطن المؤسس كريم منير فهو يمتلك ورشة نايل موتورز لرش السيارات وإن إحتجت أي خدمة فأنا ممكن أساعدك ونوقف جنبك لغاية متخلص عربيتك مجانا ومش حناخد منك حاجة فإوصفلي الحادث بالظبط وأنا سأعطيك كلفة اﻹصلاح التجاري وكلفة اﻹصلاح أي كلام وكلفة اﻹصلاح على الزيرو من غير متبان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الأستاذ صدام جاب المفيد من الآخر
لأن طبعا زى ما إنت عارف كل التوكيلات مابتسمكرش .. بيفكوا ويركبوا جديد

ربنا يخلف عليك .. وتقبل تحياتى

[K.LOTFY]

لأ طبعا اعملها بره تلاقي بقى التوكيل حيغير الاكصدام والرفرف والبابين ويرشهم وهى بره ممكن تتضبط باقل من ال2000 دول الا لو مأمن اعملها في التوكيل وياريت تنزل صور علشان الناس تقدر تفيدك اكتر

[adel_edrees]

طبعا حضرتك بتتكلم عن التوكيل ما تروحش للتو كيل ألا لو كان في حاجة في الشاسيه أنما لو ما فيش حاجة في الشاسيه وديها لأى مركزخدمةأو نايل موتورز كريم منير بنى ادم هايل وزوق جدا و بيفهم و تلاقيهم طبعا حسبولك بابين كاملين بفرشهم بأزازهم بماكينة الزجاج و بالزجاج ب السنتر ورفرفين جداد و القول الفصل حيبقى لما أنت تنزل الصور بتاعتها و الناس هنا تشوفها بس ياريت تصور حوض الموتور و الشنطة من جوه و القائم اللى فى النص ناحية الخبطة

[mkaram84]

ربنا يكرمكم ويجازيكم كل خير على تعاطفكم الكريم

انا للاسف معرفتش اصور الحادثة لانها كانت الخميس بالليل ويوم الاحد رحت للتوكيل وهاروح استلمها بكرة ان شاء الله بالمقايسة - فان شاء الله اصورها وارفعها وابقى اكتبلكم المقايسة فيها ايه بالظبط باذن الله

انا نويت ان شاء الله اوديها فعلاً برة التوكيل بس محتار بين مراكز الخدمة المعتمدة منهم او ورشة زي ورشة نايل موتورز؟ ولو ورشة هيقدر يعملي مقايسة تقريبية برضه ولا لأ؟ وقطع الغيار انا هاجيبها للورشة ولا هو هيجيبها؟ وايه الاحسن: اصلي ولا استيراد ولا توكيل ولا ايه؟

معلش طولت عليكم لكن خبرتي في العربيات محدودة ومش عارف النظام ممكن يمشي ازاى...

تقبلوا تحياتي مشكورين

[mkaram84]

ربنا يبارك فيكم

انا نويت ان شاء الله اروح بكرة بعد ما اخرج من التوكيل على مركز نايل موتورز
اتصلت على رقم المركز ورد عليا كريم منير وهو فعلاً شخص ذوق ومحترم
هابقى اصور الحادثة حتة حتة وانزلها بكرة ان شاء الله وارجع من المركز اقولكم ان شاء الله حصل ايه مع التوكيل ومع المركز
والله المستعان

دعواتكم يا رجالة

[gebreel]

اطمن يا باشا ان شاء الله العربية هترجع زي الاول و كريم انسان محترم جدا و شغلهم نضيف

[tamer61]

ودي إنت بس العربيه عند كريم وهو حيظبطلك كل حاجه وما تقلقش بإذن الله خير وأهم حاجه إنك بخير ....

[mkaram84]

السلام عليكم

معلش اتأخرت عليكم في الرد

دي أولا صور الحادثة ربنا ما يوريكم:

http://alfaris.net/up/89/alfaris_net_1390988842.jpg

http://alfaris.net/up/89/alfaris_net_1390988891.jpg

http://alfaris.net/up/89/alfaris_net_1390988903.jpg

http://alfaris.net/up/89/alfaris_net_1390988941.jpg

http://alfaris.net/up/89/alfaris_net_1390988949.jpg

رحت بقي امبارح التوكيل عشان اشوف المقايسة ووجدت الآتي:
المقايسة عاملة 15750 جنيه منهم 10750 تقريباً قطع غيار للرفرف الامامي والبابين و 5000 للمصنعية - ده كوم والجملة المكتوبة في اخر المقايسة كوم تاني: (بخلاف ما يستجد بعد الفك) فسألت المهندس يعني ايه قاللى يعني لو لقينا ازاز عايز يتغير او القوايم تتشد زرجينة او الضفيرة فيها مشاكل هنضيفها على الفاتورة بس طبعاً بعد ما نبلغك فقلت له طيب انا هاجيبلك قطع الغيار من برة وانت ركبها وخد المصنعية قاللى اسف

فاخدت العربية ودفعت 275 جنيه تمن المقايسة ورحت لورشة نايل موتورز بعد ما كلمت كريم منير ووصف لي السكة.. بجد انسان ذوق ومحترم وربنا يجازيه كل خير
بعد ما احمد قدورة شاف العربية قاللى على قطع الغيار اللى محتاجينها واتفقنا اني اجيبهم عشان يبدأوا شغل (التوكيل كان كاتب قطع غيار محتاجها في المقايسة زي مفصلات وكلبسات وكوبتيرة فبر ومكنتين رفع زجاج بس احمد قاللى لا مش عايزينها لان حالتهم سليمة ان شاء الله) وقدورة قاللى اتفق مع كريم على المصنعية..

فكلمت كريم وقاللى هنعمل سمكرة ودهان والقوايم هتتشد زرجينة عشان فيها عوج وخبطة بسيطة واحتمال يرفع العربية على جهاز الظبط وهيدهن ببوية سكينز ألماني واتفقت معاه على 5000 مصنعية - انا عارف انها اكتر مما هو محسوب بس انا متوقع انى استلم شغل من الورشة احسن من التوكيل او اى مكان تاني باذن الله...

كريم باشا برضه عمل واجب معايا ربنا يكرمه وكلملي محمد برازيلي بتاع اسكندرية عشان يشوفلنا بابين استيراد والرفرف الامامي وخلصنا على ان برازيلي هيشحنهم من اسكندرية عشان يوصلوا النهاردة - المهم برازيلي الله يكرمه شحنلي امبارح الحمد لله الباب الامامي (الباب أبيض كامل بالمكنة والازاز والأكرة بس من غير فرش) والرفرف عشان الخلفي عنده اتباع وهو مكنش عارف - فعملت كام تليفون لحد ما وصلت للباب الخلفي عند الصعيدي في الحرفيين (برضه كامل) وجبته النهاردة للورشة الحمد لله...

المهم عندي بقى كان عامل الوقت - التوكيل كان هيلطعني شهرين ولكن نايل موتورز ان شاء الله اسبوع او اقل الحمد لله..


وبكدة تكلفة التصليح باذن الله:
5000 : مصنعية ورشة نايل موتورز
1600: باب شمال امامي استيراد كامل (برازيلي)
1800: باب شمال خلفي استيراد كامل (الصعيدي)
250: رفرف امامي شمال استيراد بالغماز (برازيلي)
ويارب يتمها على خير واستلم في الميعاد المحدد باذن الله وبتكلفة متزيدش عن كده

واحب اشكركم جميعاً على تعاونكم ونصايحكم وربنا يبعدكم عن كل سوء

[saddam]

السلام عليكم

معلش اتأخرت عليكم في الرد

دي أولا صور الحادثة ربنا ما يوريكم:

http://alfaris.net/up/89/alfaris_net_1390988842.jpg

http://alfaris.net/up/89/alfaris_net_1390988891.jpg

http://alfaris.net/up/89/alfaris_net_1390988903.jpg

http://alfaris.net/up/89/alfaris_net_1390988941.jpg

http://alfaris.net/up/89/alfaris_net_1390988949.jpg

رحت بقي امبارح التوكيل عشان اشوف المقايسة ووجدت الآتي:
المقايسة عاملة 15750 جنيه منهم 10750 تقريباً قطع غيار للرفرف الامامي والبابين و 5000 للمصنعية - ده كوم والجملة المكتوبة في اخر المقايسة كوم تاني: (بخلاف ما يستجد بعد الفك) فسألت المهندس يعني ايه قاللى يعني لو لقينا ازاز عايز يتغير او القوايم تتشد زرجينة او الضفيرة فيها مشاكل هنضيفها على الفاتورة بس طبعاً بعد ما نبلغك :copy of m-s5: فقلت له طيب انا هاجيبلك قطع الغيار من برة وانت ركبها وخد المصنعية قاللى اسف

فاخدت العربية ودفعت 275 جنيه تمن المقايسة ورحت لورشة نايل موتورز بعد ما كلمت كريم منير ووصف لي السكة.. بجد انسان ذوق ومحترم وربنا يجازيه كل خير
بعد ما احمد قدورة شاف العربية قاللى على قطع الغيار اللى محتاجينها واتفقنا اني اجيبهم عشان يبدأوا شغل (التوكيل كان كاتب قطع غيار محتاجها في المقايسة زي مفصلات وكلبسات وكوبتيرة فبر ومكنتين رفع زجاج بس احمد قاللى لا مش عايزينها لان حالتهم سليمة ان شاء الله) وقدورة قاللى اتفق مع كريم على المصنعية..

فكلمت كريم وقاللى هنعمل سمكرة ودهان والقوايم هتتشد زرجينة عشان فيها عوج وخبطة بسيطة واحتمال يرفع العربية على جهاز الظبط وهيدهن ببوية سكينز ألماني واتفقت معاه على 5000 مصنعية - انا عارف انها اكتر مما هو محسوب بس انا متوقع انى استلم شغل من الورشة احسن من التوكيل او اى مكان تاني باذن الله...

كريم باشا برضه عمل واجب معايا ربنا يكرمه وكلملي محمد برازيلي بتاع اسكندرية عشان يشوفلنا بابين استيراد والرفرف الامامي وخلصنا على ان برازيلي هيشحنهم من اسكندرية عشان يوصلوا النهاردة - المهم برازيلي الله يكرمه شحنلي امبارح الحمد لله الباب الامامي (الباب أبيض كامل بالمكنة والازاز والأكرة بس من غير فرش) والرفرف عشان الخلفي عنده اتباع وهو مكنش عارف - فعملت كام تليفون لحد ما وصلت للباب الخلفي عند الصعيدي في الحرفيين (برضه كامل) وجبته النهاردة للورشة الحمد لله...

المهم عندي بقى كان عامل الوقت - التوكيل كان هيلطعني شهرين ولكن نايل موتورز ان شاء الله اسبوع او اقل الحمد لله..


وبكدة تكلفة التصليح باذن الله:
5000 : مصنعية ورشة نايل موتورز
1600: باب شمال امامي استيراد كامل (برازيلي)
1800: باب شمال خلفي استيراد كامل (الصعيدي)
250: رفرف امامي شمال استيراد بالغماز (برازيلي)
ويارب يتمها على خير واستلم في الميعاد المحدد باذن الله وبتكلفة متزيدش عن كده

واحب اشكركم جميعاً على تعاونكم ونصايحكم وربنا يبعدكم عن كل سوء

صديقي المواطن
أنت بيد المواطن المؤسس كريم منير
إذن أنت بيد أمينة

أرجو الكل يرجع لمشاركتي في أول الموضوع عندما قلت مش حتكلف 9 آلاف وفي اﻵخر طلع كلامي بالمللي

أما الحقيقة بصراحة يا صاحب الموضوع من مثلك هو من دلع الصنايعي المصري وخلاه مبيفهمش أي حاجة في أي حاجة وعايز مبيشتغلش وبيغير على طول طب إفرض عربيتك ملهاش قطع غيار كان قالولك حنطها وإعملها ميدالية

فيه مثل بره بيقول أوريه الموت عشان يرضى بالسخونية
وإنت من خدعك وفهمك إن فيه حادثة هو التوكيل الفاشل
العربية قولا واحدا مفيهاش ولا قطعة خارجية عايزة تتغير
وكل سمكري في الجمهورية ميعرفش يرد الخبطة دي من غير ميغير ولا حاجة فده لا يستحق إسم المهنة اللي شايلها يستثنى من ذلك إلا لو كان مشغول ومش فاضي أو يكون الزبون مقلق ومش فاهم وأمر بالتغيير بس نرجع ونقول المصيبة في موضوعك إنك وقعت بين يد إنسان أمين ومحترم وأنا أشهد له بحسن خلقه ولكن هو كان اﻷفضل ياخد منك 7 آلاف جنيه وتروح تنام في بيتك وترجع بعد 20 يوم وتستلم عربيتك زيرو وبرضو سكنس وملكش إنت دعوة بأي قطع غيار وهو فاهم كلامي كويس وهو عارف إزاي يشغل الصنايعية وعارف إزاي يخلي السمكري يعملها وميغيرش أي حاجة من اللي أنا شايفها بره وبعدين بتاع التوكيل الفاشل اﻹمعه بيقوللك لو فيها زرجينة نزود عليك وإنت كشيت الزرجينة دي حاجة تافهة وبسيطة أي نعم محتاجة فن وصنعة بس مش عيب ده فيه عربيات عقبال متتظبط فبريكة تاخدلها بتاع 150 زرجينة وممكن تبات العربية على زرجينة عشان تفرد حاجة ملتوتة

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ملحوظة عشان مش عايزين مزايدة وعنتريات من حد وجايز السمكري ميعجبوش كلامي فأنا مستعد قولا واحدا المواطن المؤسس كريم منير يخلص العربية وحتطلع حلوة طبعا ونرجع نخبطها تاني نفس الخبطة وأوريكم إزاي حصلحها ومش حغير فيها حاجة وأنا لو صلحتها لنفسي مش حتكلفني غير 800 للسمكري و300 خامات وحدي للبوهيجي 300 ولكن ده لنفسي ﻷني أعرف أسطوات عظيمة بس مثلا ورشهم في بيوتهم وبعيد عن القاهرة عايزين يشتغلوا وحتخش فرن برضو وحتترش سكنس ﻷنها مش حتحتاج ربع كيلو بوهية والفرن ب 40 جنيه مرمه ولكن متفهمش كلامي غلط اﻷسعار اللي طلبها أستاذ كريم هو ده حقها في مصر يعني أشهد بالله مخدش منك زيادة والحرفيين كلها كده ولو وقعت في غيره هناك كان دمرك وعربيتك طلعت وحشة ومش معنى أنا عربية زي دي أعملها ب 1500 وأقل معناها أنا كنت حعملهالك ب 1500 ﻷ قولا واحدا مكنتش حظغط عالصنايعية اللي بتعامل معاهم وكنت حقوللك شهر وحقوللك 7 آلاف وكنت حديهم بتاع 2000 جنيه ولكن بشرط لو حد عرف إن العربية مرشوشة جنب ترجع تاخد فلوسك ولكن بما إني عمري مدخلت فلوس من هوايتي وهي إصلاح وشد وتعديل عربياتي ﻷني بشتغل لنفسي ولكن لو كنت حضرتك محتاج وأجمع اﻷعضاء إن حالتك المادية تعبانة كنت حعملهالك مجانا لو كانت عربية اﻷسرة عايشة عليها مثلا ومكانتش طبعا إتعرضت من اﻷول على المواطن الحبيب المؤسس كريم منير وهو قولا واحدا حيطلعهالك حلوة وبالتوفيق

[adel_edrees]

ماعلش ما تزعلش منى أنا أتغاظت و مش فاهم هي بقت كده الكل بيدبح كده مافيش رحمة أولا العربية أنا شايف أنها لا تحتاج ألى أكثر من طبلة باب أمامى شمال وعلشان مافيش طبلة فأنا شايف لأن الموضوع بسيط و لا يحتاج ألا أسبوع الموضوع أن حضرتك حتجيب باب أمامى فقط و الباب الخلفى يتسمكر و الله العظيم أنا مش عارف في أيه خمسة ألاف و بابين ورفرف ليه ده كله أمال أنت سمكرى أزاى وليه و الرفرف الأمامى يتسمكر والله يتسمكر أنا مش عرف في أيه !!!!!!!!!!!!!!!!!!!!!!!!!!!!!!!!!! و الله العظيم أنا قرفان وحزين على ما وصلنا أليه الكل بيدبح في كله و مافيش رحمة بصراحة ربنا الأستاذ صدام عنده حق طيب أنت أشتريت بابين كاملين بأزازهم و بماكينة الزجاج بالسنتر طيب ماكنت تشترى باب خلفى هاف من غير ماكينة أزاز و من غير فرش و تشيل اللى في عربيتك و تركب الحاجات القديم اللى عندك يالا أنت مش خلاص أتفقت و خلصت على بركة الله و ان شاء الله العربية ترجع كويسة و الحمد لله أنها جت على قد كده و لو تفتح عمل الشيطان و ما حدش عارف الخير فين بس أنا متغاظ !!!!!!!!!!!!!!!!!!!!!!!!!!!!

[ayman808]

بصراحه بعد ماشوفت الصور فالعربيه لاتحتاج تغيير الابواب او الرفرف انا زميلى عربيته فيرنا وكانت الخبطه مشابهه ان لم تكن اكبر فذهب لسمكرى طلب منه تغيير باب ورد ورش باب وروفرف مارضيش فراح لواحد تانى وسمكر ورش حزام ب1800 جنيه اعتقد ان ده استسهال والمكان الوحيد اللى ممكن يقولك اغير على طول هو التوكيل لانها سياسته لكن على العموم خلاص انا كما عربيتى مخبوطه من الجانب الايسر ورحت لكذا واحد قالوا رد على الساخن ورش لكن انا فضلت لحد مارديتها على البارد وروحت برده لكذا واحد اللى يطلب 600 جنيه وفى الاخر عملتها ب150 جنيه صحيح بنسبه 90 لكن افضل من الرش لحد ماارشها مره واحده