صوت ورة على السرعات العاليه

[amintaha]

السلام عليكم ورحمه الله وبركاته
كنت عايز اسئلكم على صوت غريب ابتديت اسمعه على السرعات العاليه من بداية ال 80 و انا بهدى من بعد 120 صوت كأن فى هواء جامد بيلف تحت العربية صوت ورة . معرف جى منين او ايه سببه فحد ممكن يفيدنى و بيبقى واضح اوى لو مفيش حد ماشى جانبى او الطريق فاضى

[sameh_yassin99]

انا لاحظت نفس الموضوع ده و أنا ماشي على محور 26 يوليو.
صوت مع رجة خفيفة كأني ماشي على "عيون القط" الموجودة بين الحارات
لكن الصراحة مش مأثر على ثبات السيارة
ملحوظة : لسه معملتش صيانة ال 5000 كم

[ahmednavigator]

نفس المشكله ظهرت معايا مرتين صوت كأنه بليه عجل المشكله انه ظهر مرتين في 7 شهور ولم رحت للميكانيكي قالي مفيش حاجه عربيتي 2010 ماشيه 68000 كم

[vodo2]

حصلت معايا المشكلة بعد ال20000 و فى التوكيل قالولى فى حاجة اسمها ماستر الضفدعة محتاجة تشحيم و فعلا راح الصوت و بعد كام يوم رجع تانى و رجعتلهم فى العبور و قالوا نفس الكلام و شحموها و الصوت اختفى بصراحة

[ahmednavigator]

لو حد عنده تفاصيل يا ريت يشاركها معانا

[amintaha]

السلام عليكم
انا روحت التوكيل على فكره من يومين و قالولى ان المشكله فى رومان البلى الخاص بالعجله الخلفية شمال و قولتيلهم غيروها لان طبعا ان خرجت من الضمات و صوت العربية بقى تمام الحمد لله بس المشكلة ان عمل تصليحات هناك بجد هيبقى مكلف شويتين
وجزاكم الله كل خير لكل من ساعد بالرد فى هذا الموضوع