مصدووم من اللوجان

[Mohamed Bander]

أزيكم يا رجالة اللوجان

انا روحت معرض النهاردة علشان تتفرج علي اللوجان قبل ما أجيبها للمدام،، صعقت و اتصدمت لما شفت ان العربية اللي وصل سعرها ل ٩٥٠٠٠ جنيه مافيهاش فتح الشنطة والتانك من جوة العربية،، يعني لو في بنزينه لازم أدي المفتاح للعامل او لو داخل المول وطلبوا يفتحوا الشنطة لازم ابطل العربية.

بصراحه من ساعتها و انا عندي صداع و مش عارف اعمل ايه اما في التسعينات و العربية ناقصة حاجات مهمة كدة!!!

[تامر.محمد]

متأكد ان بالمفتاح مش مع اللوك ؟
الميجان مع اللوك من غير مفتاح

[تامر.محمد]

متأكد ان بالمفتاح مش مع اللوك ؟
الميجان مع اللوك من غير مفتاح

[Mzeid]

التنك يعتبر كامان أثناء التموين
اما الشنطة فحضرتك بتفتحها و تقفلها مع اللوك عادي و مش محتاج تبطل العربية لأن اللوك بتفتحه او تقفله من داخل العربية حتى و هي شغالة عادي

[Mohamed Bander]

متأكد ان بالمفتاح مش مع اللوك ؟
الميجان مع اللوك من غير مفتاح

ولله اللي حصل انه اول ما فتحنا السنتر من الريموت حاولنا نفتح الشنطة معرفناش ،، ده اللي حاول الراجل بتاع المعرض يعمله

[Mohamed Bander]

التنك يعتبر كامان أثناء التموين
اما الشنطة فحضرتك بتفتحها و تقفلها مع اللوك عادي و مش محتاج تبطل العربية لأن اللوك بتفتحه او تقفله من داخل العربية حتى و هي شغالة عادي

حضرتك تقصد باللوك الزرار اللي في التابلوه اللي بيفتح و بقفل الأبواب بيفتح الشنطة حتي لو مقفولة بالمفتاح؟

[M.Radwan]

حضرتك تقصد باللوك الزرار اللي في التابلوه اللي بيفتح و بقفل الأبواب بيفتح الشنطة حتي لو مقفولة بالمفتاح؟

الموضوع بسيط جدا..حضرتك فاتح السنتر، يبقى لوك الشنطة مفتوح، بتدوس على الزرار اللى فيها تفتح معاك..والعكس لو قافل السنتر لوك الشنطة بيقفل معاه. لو قفلتها بالمفتاح وبعدين فتحت السنتر هتفتح، لأن العربية نفسها أساسا كده مفتوحة اشمعنى الشنطة يعني ؟ ))))

[Mohamed Bander]

الموضوع بسيط جدا..حضرتك فاتح السنتر، يبقى لوك الشنطة مفتوح، بتدوس على الزرار اللى فيها تفتح معاك..والعكس لو قافل السنتر لوك الشنطة بيقفل معاه. لو قفلتها بالمفتاح وبعدين فتحت السنتر هتفتح، لأن العربية نفسها أساسا كده مفتوحة اشمعنى الشنطة يعني ؟ ))))

شكرًا لرد حضرتك ،، اللي حصل امبارح ان اللي شغال في المعرض فتح باب العربيه بالريموت و بعدين انا دخلت العربية بسأله فين دراع فتح الشنطة و التنك رجع يفتح الشنطة متفتحتش ،، قاللي لازم تتفتح بالمفتاح ،، وقاللي المفاجأة كمان ان التانك من برة بس كمان :))))

[adel_edrees]

أولا التانك بس هو اللى لازم يتفتح من بره بالمفتاح ودى مش عيب أنا أنزل و أفتح تنك العربية بنفسى و أقفله بنفسى العنوان بتاع الموضوع أن حضرتك مصدوم أن تانك البنزين ما بيفتحش من جوه ده اللى صدمنى أنا فاكر حضرتك سوقت العربية و في مشاكل في المشى لا قدر الله بتعوم بتتتش التكيف مش كويس أنما موضوع تنك البنزين أنه يفتح من جوه مش مع النوع ده من العربيات النوع ده بتاع الناس الاقتصادية و العربية عربية أقتصادية مش رفاهية الأول ندور على الحاجات الأساسية و بعدين ندور على الحاجات مش الأساسية دى حاجة الحاجةالتانية أن العربية فعلا باب الشنطة ما بيفتحش من جوه لأ بيفتح بس ممكن يكون السنتر مش واصل بالكالون بتاع الشنطة و دى حصلت مع ناس كتير جدا أول ما أشتروا العربية و لما بتروح في أول صيانة بيعملوها على طول و شكرا

[Mohamed Bander]

أولا التانك بس هو اللى لازم يتفتح من بره بالمفتاح ودى مش عيب أنا أنزل و أفتح تنك العربية بنفسى و أقفله بنفسى العنوان بتاع الموضوع أن حضرتك مصدوم أن تانك البنزين ما بيفتحش من جوه ده اللى صدمنى أنا فاكر حضرتك سوقت العربية و في مشاكل في المشى لا قدر الله بتعوم بتتتش التكيف مش كويس أنما موضوع تنك البنزين أنه يفتح من جوه مش مع النوع ده من العربيات النوع ده بتاع الناس الاقتصادية و العربية عربية أقتصادية مش رفاهية الأول ندور على الحاجات الأساسية و بعدين ندور على الحاجات مش الأساسية دى حاجة الحاجةالتانية أن العربية فعلا باب الشنطة ما بيفتحش من جوه لأ بيفتح بس ممكن يكون السنتر مش واصل بالكالون بتاع الشنطة و دى حصلت مع ناس كتير جدا أول ما أشتروا العربية و لما بتروح في أول صيانة بيعملوها على طول و شكرا

الصدمة اللي عندي من سعر العربية اللي غلي فجاه و كمان ملقيتش الحاجات دي، بالنسبة لتنك البنزين مش مشكلة أوي معايا لأن انا كدة كدة لندن أقف مع العامل اللي بيمون العربية علشان أتأكد ان فول للآخر ،، اما بالنسبة للمدام أكيد مش هتنزل و هتضطر تديله المفتاح و الله اعلم هيقفله كويس ولا لأ

اما موضوع الشنطة ده هو الآي مهم جداً لأن مش معقول مع كل دخلة مول اطلع المفتاح ،، هي دي اكتر حاجة صدمتني،، لان في عربيات اقل منها في السعر و الكفاءة زي الساجا و الفيرنا(من وجهة نظري) وأقل في السعر بس فيها فتح التانك و الشنطة من الداخل

بس مدام حضراتكم اكدتولي ان هي بتفتح مع السنتر يبقي تمام ،، بس ربنا يستر مايبقاش شالوها في موديل ٢٠١٤ ،، الواحد بيقلق من توكيلات مصر و حركاتهم القرعة

شكرًا لمرورك

[horas3000]

هههههههه انت مصدوم من ده
طب اوعي بقي تروح تتفرج علي الهيونداي ال i10 و خصوصا الاوتو
سعرها مبدايا 90 الف
و مفيهاش سنتر اصلا و لازم تقفل كل باب لوحده
باب الشنطه منفصل برضه و لازم تنزل تفتحه بنفسك
و الادهي من ده كله لو ركبت سنتر او اي حاجه تانيه انت كده بره الضمان

[muhamad hesham]

الصدمة اللي عندي من سعر العربية اللي غلي فجاه و كمان ملقيتش الحاجات دي، بالنسبة لتنك البنزين مش مشكلة أوي معايا لأن انا كدة كدة لندن أقف مع العامل اللي بيمون العربية علشان أتأكد ان فول للآخر ،، اما بالنسبة للمدام أكيد مش هتنزل و هتضطر تديله المفتاح و الله اعلم هيقفله كويس ولا لأ

اما موضوع الشنطة ده هو الآي مهم جداً لأن مش معقول مع كل دخلة مول اطلع المفتاح ،، هي دي اكتر حاجة صدمتني،، لان في عربيات اقل منها في السعر و الكفاءة زي الساجا و الفيرنا(من وجهة نظري) وأقل في السعر بس فيها فتح التانك و الشنطة من الداخل

بس مدام حضراتكم اكدتولي ان هي بتفتح مع السنتر يبقي تمام ،، بس ربنا يستر مايبقاش شالوها في موديل ٢٠١٤ ،، الواحد بيقلق من توكيلات مصر و حركاتهم القرعة

شكرًا لمرورك

لا ياباشا مش شايلنها في 2014 ولا حاجه

انا لسه شاري 2014 ومش محتاج تبطل العربيه عشان تفتح الشنطه
بتفتح عادي جدا منغير مفتاح

انا حتي مش عارف المفتاح اللي في زرار الشنطه ده لزمته ايه :d

تانك البنزين امان ليك انت :)
95 الف ده سعرها في التوكيل صح ؟؟
سيبك منهم وروح عند الطارق او اي معرض عندهم الاوتو ب 91 او 92 تقريبا :)
وسعرها يستاهل علي فكره مقارنه باللانوس او الفيرنا
فيرنا اوتوا ب 91 ومفهاش ايموبلايزر ولا كومبيوتر رحلات وواطيه عل الارض ومش ثابته :)

[Mohamed Bander]

هههههههه انت مصدوم من ده
طب اوعي بقي تروح تتفرج علي الهيونداي ال i10 و خصوصا الاوتو
سعرها مبدايا 90 الف
و مفيهاش سنتر اصلا و لازم تقفل كل باب لوحده
باب الشنطه منفصل برضه و لازم تنزل تفتحه بنفسك
و الادهي من ده كله لو ركبت سنتر او اي حاجه تانيه انت كده بره الضمان

عارفها يا باشا،، زيادة عن اللي بتقولو ده انها ٢ زجاج كهربائي أمامي بس!!و ب٩٤٠٠٠ تقريبا،، تمن الاوبترا اللي جبتها في ٢٠٠٨ و هي متسواش عجله من الاوبترا

[Mohamed Bander]

لا ياباشا مش شايلنها في 2014 ولا حاجه

انا لسه شاري 2014 ومش محتاج تبطل العربيه عشان تفتح الشنطه
بتفتح عادي جدا منغير مفتاح

انا حتي مش عارف المفتاح اللي في زرار الشنطه ده لزمته ايه :d

تانك البنزين امان ليك انت :)
95 الف ده سعرها في التوكيل صح ؟؟
سيبك منهم وروح عند الطارق او اي معرض عندهم الاوتو ب 91 او 92 تقريبا :)
وسعرها يستاهل علي فكره مقارنه باللانوس او الفيرنا
فيرنا اوتوا ب 91 ومفهاش ايموبلايزر ولا كومبيوتر رحلات وواطيه عل الارض ومش ثابته :)

الحمد لله كده طمنتني ،، و فعلا انا شايف انها أحسن من الفيرنا و اللانوس بكتيييير،،، بس هي ايه أخبارها في السفر؟

[horas3000]

عارفها يا باشا،، زيادة عن اللي بتقولو ده انها ٢ زجاج كهربائي أمامي بس!!و ب٩٤٠٠٠ تقريبا،، تمن الاوبترا اللي جبتها في ٢٠٠٨ و هي متسواش عجله من الاوبترا

هي وصلت 94 الف
انا اعرف السعر ده سعر الفل مش الهاف
انا كده لحقتها بقي بال 85