مياه التبريد و شوية اسئلة

[walloo1978]

يا شباب عندي كام سؤال حد جرب ينضف دورة التبريد للوجان ، و إيه أفضل طريقة ؟

كمان إيه نوع المياه المستخدمة الخضرا ولا الحمرا ؟ و إيه أفضل نوع ؟

حد غير ثرموستات الكوعه قبل كدة ؟

لأن العربية عندي بقلها فترة بترجع الحرارة لشرطتين و لمدة طويلة بعد ماتكون وصلت لأربع شرط ،
و الموضوع دة حصل بعد ما غيرت سير الكتينة فهل ممكن يكون في علاقة ؟


معلش اسئلة كتير بس قسم اللوجان ده بيتنا كلنا


wael elshishini

[amrelzawawy]

بالنسبة لموضوع الشرطتين عمليا ده طبيعى وميقلقش نهائى طالما بينزلوا يبققوا 2 مش يغلوا يبقم 6 وبلاش تسمع كلام محطات البنزين بان العربيه محتاجه تنظيف دورة تبريد وكلام الهجص بتاعهم .........بالنسبه لنوع الميه وصورتها هنا ....

http://www.nilemotors.net/Nile/310769-a.html

[walloo1978]

بالنسبة لموضوع الشرطتين عمليا ده طبيعى وميقلقش نهائى طالما بينزلوا يبققوا 2 مش يغلوا يبقم 6 وبلاش تسمع كلام محطات البنزين بان العربيه محتاجه تنظيف دورة تبريد وكلام الهجص بتاعهم .........بالنسبه لنوع الميه وصورتها هنا ....

http://www.nilemotors.net/Nile/310769-a.html

الف شكر على الرد والمعلومة
بس انا قريت أن تغيير ثورموستات الكوعه مهم لو حرارة العربية بتقل عن الطبيعي علشان ده بيزود استهلاك البنزين ويقلل كفائه الموتور

كمان تغيير الميه انا بفكر فىه علشان الميه اللي في العربيه من ثلاثة سنين ونص
ولاحظت أن فيه شويه شوائب

أفيدونا يا شباب


Wael Elshishini

[Differential]

بالنسبة لتغيير المياه المفروض انه بيحصل كل سنتين عشان بتفقد خصائصها بالوقت .. وفيه طريقتين تنظف بيها:

الطريقة الاولى سهلة وبنت ناس .. هتشتري علبة Radiator Flush ب 15 جنيه وترجها كويس وتحطها فوق المياه اللي موجودة .. ولو عديت المؤشر بتاع الMax مش مشكلة .. هتدور العربية من 10 ل 20 دقيقة ومتسوقش خليها واقفة .. بعد كدا تبطلها وتفتح طبة الرادياتير (متنساش تحط حاجة تلم فيها المياه اللي هتنزل) وتنزل المياه اللي موجودة بالكامل بعد ما تكون العربية بردت .. يعني بعد ساعة او ساعتين .. بعد كدا تقفل الطبة وتملا مياه عادية خالص وتعمل نفس الحوار وتنزلها ولازم تتأكد ان المياه نازلة من العربية نضيفة والا هتحتاج تنضيف تاني .. وممكن بدل كدا تسيب الطبة مفتوحة وتحط خرطوم مياه في القربة وتدور لمدة 5 دقايق ولازم تتأكد بعينك ان المياه مالية القربة دايما .. بعد كدا املاها بمياه تبريد محترمة ودورها فترة عشان تتأكد ان الدورة اتملت بالكامل ..

اهم حاجة متنساش ان مينفعش تسوق وانت بتعمل الموضوع دا .. ولازم تستنى العربية تبرد قبل ما تنزل المياه وتحط مياه جديدة عشان متضرش البلوك بتاع الموتور .. واقرا التعليمات اللي على العلبة مرة تانية قبل ما تشتغل .. ولو حسيت انك مش هتعرف تعمل الكلام دا روح لميكانيكي..

الطريقة التانية دي لو حاسس ان المياه متبهدلة بشكل مش طبيعي وبتحتاج تكون فاهم كويس اوي انت هتعمل ايه .. الطريقة بسيطة الى حد ما .. هتشوف الخرطوم اللي متوصل بالرادياتير تحت خالص وتفكه تماما .. والخرطوم اللي بيدخل مياه للموتور وتفصلة .. والخرطوم اللي بيدخل للتكييف وبيطلع وتفصلهم .. هتجيب خرطوم مياه وتحطه في مدخل المياه بتاع الموتور اللي انت فكيته وتفضل موصل المياه لحد ما تنزل من تحت نضيفة تماما .. وتمسك خرطوم الرادياتير اللي فوق تحط فيه خرطوم المياه لحد ما تنزل نضيفة .. وتحط في القربة لحد ما تنزل نضيفة .. وزيها مع دورة التكييف .. بعد كدا تربط كل دا زي ما كان وتحط مياه عادية تاني .. دور العربية لغاية متتأكد ان مفيش تسريب في اي مكان .. بطل العربية واستناها تبرد ونزل المياه اللي فيها وحط مياه تبريد نضيفة

اهم حاجة مع الطريقة التانية انك لازم تتأكد ان مفيش اي نوع من انواع التسريب .. ولو فيه افيز حسيت انه هيبوظ غيره على طول .. ومتحطش مياه التبريد بعد التنظيف على طول عشان لو فيه تسريب هتضطر تنزلها على الارض وتحط غيرها

بص على الفيديو دا بالمرة

https://www.youtube.com/watch?v=mxm3E5SkHrI

لو شكيت انك مش هتعرف تنفذ صح وديها لميكانيكي او اعملها في بنزينة احسن

انا للاسف مجربتش انضف دورة تبريد اللوجان بس عملتها في عربية تانية .. جايز تحتاج تغيير في الخطوات في الطريقة التانية..

[walloo1978]

بالنسبة لتغيير المياه المفروض انه بيحصل كل سنتين عشان بتفقد خصائصها بالوقت .. وفيه طريقتين تنظف بيها:

الطريقة الاولى سهلة وبنت ناس .. هتشتري علبة radiator flush ب 15 جنيه وترجها كويس وتحطها فوق المياه اللي موجودة .. ولو عديت المؤشر بتاع الmax مش مشكلة .. هتدور العربية من 10 ل 20 دقيقة ومتسوقش خليها واقفة .. بعد كدا تبطلها وتفتح طبة الرادياتير (متنساش تحط حاجة تلم فيها المياه اللي هتنزل) وتنزل المياه اللي موجودة بالكامل بعد ما تكون العربية بردت .. يعني بعد ساعة او ساعتين .. بعد كدا تقفل الطبة وتملا مياه عادية خالص وتعمل نفس الحوار وتنزلها ولازم تتأكد ان المياه نازلة من العربية نضيفة والا هتحتاج تنضيف تاني .. وممكن بدل كدا تسيب الطبة مفتوحة وتحط خرطوم مياه في القربة وتدور لمدة 5 دقايق ولازم تتأكد بعينك ان المياه مالية القربة دايما .. بعد كدا املاها بمياه تبريد محترمة ودورها فترة عشان تتأكد ان الدورة اتملت بالكامل ..

اهم حاجة متنساش ان مينفعش تسوق وانت بتعمل الموضوع دا .. ولازم تستنى العربية تبرد قبل ما تنزل المياه وتحط مياه جديدة عشان متضرش البلوك بتاع الموتور .. واقرا التعليمات اللي على العلبة مرة تانية قبل ما تشتغل .. ولو حسيت انك مش هتعرف تعمل الكلام دا روح لميكانيكي..

الطريقة التانية دي لو حاسس ان المياه متبهدلة بشكل مش طبيعي وبتحتاج تكون فاهم كويس اوي انت هتعمل ايه .. الطريقة بسيطة الى حد ما .. هتشوف الخرطوم اللي متوصل بالرادياتير تحت خالص وتفكه تماما .. والخرطوم اللي بيدخل مياه للموتور وتفصلة .. والخرطوم اللي بيدخل للتكييف وبيطلع وتفصلهم .. هتجيب خرطوم مياه وتحطه في مدخل المياه بتاع الموتور اللي انت فكيته وتفضل موصل المياه لحد ما تنزل من تحت نضيفة تماما .. وتمسك خرطوم الرادياتير اللي فوق تحط فيه خرطوم المياه لحد ما تنزل نضيفة .. وتحط في القربة لحد ما تنزل نضيفة .. وزيها مع دورة التكييف .. بعد كدا تربط كل دا زي ما كان وتحط مياه عادية تاني .. دور العربية لغاية متتأكد ان مفيش تسريب في اي مكان .. بطل العربية واستناها تبرد ونزل المياه اللي فيها وحط مياه تبريد نضيفة

اهم حاجة مع الطريقة التانية انك لازم تتأكد ان مفيش اي نوع من انواع التسريب .. ولو فيه افيز حسيت انه هيبوظ غيره على طول .. ومتحطش مياه التبريد بعد التنظيف على طول عشان لو فيه تسريب هتضطر تنزلها على الارض وتحط غيرها

بص على الفيديو دا بالمرة

https://www.youtube.com/watch?v=mxm3e5skhri

لو شكيت انك مش هتعرف تنفذ صح وديها لميكانيكي او اعملها في بنزينة احسن

انا للاسف مجربتش انضف دورة تبريد اللوجان بس عملتها في عربية تانية .. جايز تحتاج تغيير في الخطوات في الطريقة التانية..

ألف شكر يا باشا على الرد الرائع

[adel_edrees]

مبدئيا دى ترموستات الكوعة و تمنها من أحد الزملاء بالمنتدى 450 جنيه في التوكيل

[walloo1978]

مبدئيا دى ترموستات الكوعة و تمنها من أحد الزملاء بالمنتدى 450 جنيه في التوكيل

السعر دة غالي جداً حضرتك متأكد ؟



أنا كنت سألت بالتلفون عند موزع رينو و قالي التركي 120
و الأصلي ب 170

Wael Elshishini