حادث أليم (قدر الله وما شاء فعل)

[Porsche911TT]

من أسبوع ماشي في حالي على الدائري قبل كوبري المعادي اتجاه المنيب
في الحارة أقصى الشمال فجأة تريلا من اليمين جاب شمال بسرعة ملحقتش افكر خيش في الجنب
اليمين كله للعربية لولا اني لحقت افرمل ودخلت شمال لغاية الرصيف والكاوتش فرقع كان زماني اتهرست(حسبي الله ونعم الوكيل لو كان قاصد)
صاحبنا ولا وقف ولاحاجة طلعت بصيت على العربية وكانت كالتالي







لحد دلوقت والحادث مأثر فيا ومش عارف أصلح العربية لظروف ربنا مايحطش حد فيكم فيها أبداً
ارجو من الاخوة الأعضاء النصيحة و معرفة تكلفة التصليح

[Ahmed.Essam]

اللهم اجره في مصيبته واخلفه خيرا منها
الحمدلله انك كويس وسليم فداك العربية والحمدلله انها على جت كده
وان شاء الله هتصلحها بس واحدة واحدة
وحسبي الله ونعم الوكيل في السواق معدوم الضمير ده

[amrelsaqqa]

لا حول ولا قوة الا بالله
حسبى الله ونعم الوكيل في المستهترين
معلش اي حاجة فدا بنى ادم

كان في حادثة شبه بتاعتك بالظبط بس الجنب التانى واتصلحت في ورشة كريم وتقريبا التكلفة كانت في حدود 9 الاف جنيه بس ان شاء الله انت اقل بكتير لان معتقدش عندك حاجة في القايم

http://www.nilemotors.net/Nile/402378-a.html

[J A G U A R]

لا حول ولا قوه الا بالله والله زعلتنى وربنا يعوضك ان شاء الله ..
كده البابين والرفرفين هايعوزو يتغيرو علشان صعب يتصلحو ولو اتصلحو مش هايبقى كويسين .

[mahmoud_ali]

لا حول ولا قوة الا بالله وقدر الله وما شاء فعل يالا نصيبك كده الحمدلله

[walloo1978]

حمد الله على سلامتك
وفداك الف عربيه
وربنا يعوض عليك ويجازي المستهتر بما يستحق

[Porsche911TT]

لا حول ولا قوة الا بالله
حسبى الله ونعم الوكيل في المستهترين
معلش اي حاجة فدا بنى ادم

كان في حادثة شبه بتاعتك بالظبط بس الجنب التانى واتصلحت في ورشة كريم وتقريبا التكلفة كانت في حدود 9 الاف جنيه بس ان شاء الله انت اقل بكتير لان معتقدش عندك حاجة في القايم
http://www.nilemotors.net/nile/402378-a.html

ايه المبلغ ده ؟؟؟؟؟؟ شيل وارمي وهات جديد؟؟؟؟
القايم سليم الحمد لله

[saddam]

صديقي المواطن
قولا واحدا الحزن يملئنا لحزنك
وشفاك الله وعافاك وعوضك عنها خيرا
أما الحادث فبسيط جدا جدا جدا ومفيش أي مشاكل وورشة أخونا المواطن المؤسس كريم منير حتسعفك
ومش حتعوز تغير غير مراية جنب
أما عن كلفة اﻹصلاح
فهي 2000 جنيه إصلاح تجاري أي كلام نستورة يعني
1500 إصلاح شعبي كفته
3000 إصلاح فوق المتوسط
5000 ترجع زيرو وميبانش عاملة حادثة بس تجيبله المرايه والبوية سكنس بكود اللون
7000 ترجع زيرو بالقسط بمقدم 1500 و1000 جنيه كل شهر

ونظرا ﻷن حضرتك عضو قديم أنا أجله وأحترمه وأحزن لحزنه وأنا معاهد نفسي إني لما أشوف حد في مصيبة أوقف جنبه ومعملش زي مكل الناس عملت معايه في أول حياتي عمر ما حد وقف جنبي غير شخص من الكويت لن أنسى أفضاله ما حييت ودائما عندما أحب أدخل في موضوع يكون تدخلي مفيدا فحضرتك مستني آخر جملة من كلامك بأنك قلت ظروف ربنا مايوريها لحد فيكم وأنا من هذا المنطلق قررت أن أقف بجنبك وأصلحلك العربية وكلمني على الخاص وشوف تقدر تدفع إيه كل شهر وأنا مش حاخد منك حاجة بتاتا حزقها وسط عربياتي شوف معاك كام وهاتلي مراية الجنب وسيبها على أخوك صدام المواطن وطبعا برضو أخونا كربم منير مش حيتأخر وأكيد حيعينك على اﻷقل بفلوس الخامات والشغل وهو بوابة للخير وجسر للطيبين من أمثالك ويمكنك متابعتي عالخاص إن إحتجت شيئا فالعضو بورش حضوره في المنتدى حضور محبوب ويفتقد إن لم أرى تعليقاته
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[adel_edrees]

هو اللى محتاج يتغير بجد لأنه أتفعص الرفرف اللى أدام لكن باقى الحاجات ممكن تتسمكر و أنا شايف أن 4000-5000 جنيه هي أقصى قيمة تقديرية للأصلاح زيادة عن كده حيبقى جنان أقل من كده حيبقى كروتة وزى ماقلت لحضرتك البابين ممكن يتسمكروا و الرفرف اللى ورا لكن اللى ادام ده صعب لأن ملامحه راحت فين مناخيره و بقه ده أتهرى ضرب و عموما أقسم بالله اأن ما حدث لك هو خير من عند الله وربنا ما بيجيبش غير كل خير

[saddam]

هو اللى محتاج يتغير بجد لأنه أتفعص الرفرف اللى أدام لكن باقى الحاجات ممكن تتسمكر و أنا شايف أن 4000-5000 جنيه هي أقصى قيمة تقديرية للأصلاح زيادة عن كده حيبقى جنان أقل من كده حيبقى كروتة وزى ماقلت لحضرتك البابين ممكن يتسمكروا و الرفرف اللى ورا لكن اللى ادام ده صعب لأن ملامحه راحت فين مناخيره و بقه ده أتهرى ضرب و عموما أقسم بالله اأن ما حدث لك هو خير من عند الله وربنا ما بيجيبش غير كل خير

صديقي المواطن
رأيك طبعا جميل وشكرا للنصيحة الغالية لصاحب الموضوع
ولكن لي تعقيب بسيط أي سمكري تروح عنده وعايز تعرف إن ده كويس ولا أي كلام فلو قال لك تغير أي حاجة غير المراية فتاخد عربيتك وتمشي بسرعة ﻷن ده مدعي السمكرة وليس أسطة بمعنى أسطة
الرفرف حالته جميلة جدا أمال لو كان الرفرف مشقوق نصين من أوله ﻵخره كنت قلت عليه إيه يا راجل يا طيب هناك عربيات الجنب كله بيتشال وبيكون ملوش قطع غيار في الجمهورية أصلا وبيتعمل وبيتصلح وبيرجع زيرو ومتبانش لكن مفتاح السر سمكري يحترم إسمه وصنعته
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[adel_edrees]

صديقي المواطن
رأيك طبعا جميل وشكرا للنصيحة الغالية لصاحب الموضوع
ولكن لي تعقيب بسيط أي سمكري تروح عنده وعايز تعرف إن ده كويس ولا أي كلام فلو قال لك تغير أي حاجة غير المراية فتاخد عربيتك وتمشي بسرعة ﻷن ده مدعي السمكرة وليس أسطة بمعنى أسطة
الرفرف حالته جميلة جدا أمال لو كان الرفرف مشقوق نصين من أوله ﻵخره كنت قلت عليه إيه يا راجل يا طيب هناك عربيات الجنب كله بيتشال وبيكون ملوش قطع غيار في الجمهورية أصلا وبيتعمل وبيتصلح وبيرجع زيرو ومتبانش لكن مفتاح السر سمكري يحترم إسمه وصنعته
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

و الله العظيم يا أستاذ صدام أنت أستاذ لأنك قلت اللى أنا عايز أقولله و طبعا ياريت لو الرفرف اللى أدام يتسمكر يبقى حاجة جميلة جدا و للأسف أغلب الصنايعية دلوقتى مش بيسمكروا بيغيروا و ياؤيتهم بيعرفوا يركبوا الجديد عدل بيغرموا صاحب العربية و مابرجعوش الحاجة لأصلها أنا بس كانت وجهة نظرى في الرفرف اللى أدام أن السوكة اللى في الداير بتاع الرفرف ملامحها ضاعت فدى تتغير لأنها صعبة وفى حتة رخمة لكن في عربيات أنا عايز أشوف الصنايعية حيعملوا فيها أيه لما تتخبط زى الهيونداى الألنترا السوكة المجوفة اللى ماسكة العربية من أولها لأخرها تحس أنك قدام عربية منحوتة عموما أنا مش بأحبها و بأفضل الكيا سيراتو عليها لكن في الشكل القديم كنت بأفضل الألنترا على السيراتو

[saddam]

و الله العظيم يا أستاذ صدام أنت أستاذ لأنك قلت اللى أنا عايز أقولله و طبعا ياريت لو الرفرف اللى أدام يتسمكر يبقى حاجة جميلة جدا و للأسف أغلب الصنايعية دلوقتى مش بيسمكروا بيغيروا و ياؤيتهم بيعرفوا يركبوا الجديد عدل بيغرموا صاحب العربية و مابرجعوش الحاجة لأصلها أنا بس كانت وجهة نظرى في الرفرف اللى أدام أن السوكة اللى في الداير بتاع الرفرف ملامحها ضاعت فدى تتغير لأنها صعبة وفى حتة رخمة لكن في عربيات أنا عايز أشوف الصنايعية حيعملوا فيها أيه لما تتخبط زى الهيونداى الألنترا السوكة المجوفة اللى ماسكة العربية من أولها لأخرها تحس أنك قدام عربية منحوتة عموما أنا مش بأحبها و بأفضل الكيا سيراتو عليها لكن في الشكل القديم كنت بأفضل الألنترا على السيراتو

صديقي المواطن
شكرا لرأيك الكريم وشهادتك التي أعتز بها ولكن وليس تهوينا على صاحب الموضوع رفيقنا في النضال ولكن والله الحادث يعتبر أبسط من البساطة والواحد يتمنى كل حادثة يعملها تكون واضحة وبسيطة بالبساطة دي ده الواحد لما بيعمل حادثة بيغير نص العربية قطع غيار والرفرف اﻷمامي حالته فوق الممتازة وخد بالك السمكري القديم بيزعل أوي لما يغير رفرف أو سقف وبيحب يصلحه ﻷنه لما يجيب رفرف جديد ويغيره حيظطر يظبط كل العربية على الرفرف الجديد وده شغل مش سهل وحياخد عنده وقت أكتر من إنه يصلح الرفرف القديم وكمان زي محضرتك قلت السمكري الكفته مستديم الفشل مفكر إنه لما يغير مش حيشتغل بالعكس ده الدواخل بيبقه حالتها صعبة زي مره عربية أخ غيرولها تقريبا جنب كامل برضو بحادث بسيط ولما جينا شفنا الصور كانت فروقات الرفرف من ورا غير مشرفة وعديناها وصاحبها مبسوط بيها واللي عملها شخص شديد اﻹحترام فعديناها ولكن الحادث ده أبسط بس مش أوي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[S O P H O S]

ربنا يعوضك خير

[Porsche911TT]

تم بحمد الله تصليح عربيتي بورشة نايل موتورز
الناس هناك محترمة و أمناء خصوصأ مدير الورشة أحمد قدورة وأخوه
كنت حابب أتعرف ببشمهندس كريم منير بس للأسف كان وقتها كان في الصين

صور قبل








صور بعد








*ملاحظة: تم تغيير الرفرف الأمامي

[mkaram84]

الله ينور على الشغل - وربنا يعوض عليك بالخير
وربنا يرزقك خيرها ويكفيك شرها

والله الموفق