** ريـــــنو / داتشيـــا لوجـــان الجديـــدة **

[CryptonX]

مازلت مش طايق التابلوه ...

وده الي حقضي في معظم وقتي في السيارة ولا ايه؟

بس الزرقاء بتاعة السباق دي شكلها حلو فعلا .

[sab3aawy]

إيه يا بشمهندس سبعاوي العربية مالها بتلعب في دماغك كده ليه:)؟؟؟؟!!!!
إنت ناوي تغير ولا تكونشي ليك أسهم مع الوكيل:):):)
أنا بهرج طبعا:)

لا هذا ولا ذاك والله لكن هى محاولة لتوسيع الأفق، لأن الناس مش شايفين فى الحتة دى غير لانوس وفيرنا وفيرنا ولانوس ولانوس وفيرنا وفيرنا ولانوس ولانوس وفير............الى الأبد ، وكأن اللى عمل الفيرنا واللانوس معملش غيرهم، والحتة دى اول المساحة اللى الطبقة المتوسطة بتتحرك فيها، يعنى مساحة سيارت اكل العيش ، وبالتالى لازم تكون فيها اختيارات متعددة وليس سيارتين فقط

[elpasha009]

لا هذا ولا ذاك والله لكن هى محاولة لتوسيع الأفق، لأن الناس مش شايفين فى الحتة دى غير لانوس وفيرنا وفيرنا ولانوس ولانوس وفيرنا وفيرنا ولانوس ولانوس وفير............الى الأبد ، وكأن اللى عمل الفيرنا واللانوس معملش غيرهم، والحتة دى اول المساحة اللى الطبقة المتوسطة بتتحرك فيها، يعنى مساحة سيارت اكل العيش ، وبالتالى لازم تكون فيها اختيارات متعددة وليس سيارتين فقط

والله جزاك الله خيرا يا بشمهندس سبعاوي.بجد ربينا يديك على قد نيتك.

[emadno1]

شكلها مش بطال
بس حاسس انه لايرقي لاسم رينو
كانو نزلوها باسم داتشيا احسن
و تابلوها شكله مش حلو

1+++++++
فعلا لو كانت باسم داشيا كانت حتبقى احسن لانه يعتبر تقدم كبير ليها و يمكن تكون فاتحه غير ليها على راى الباشمهندس سبعاوى عربيه اكل عيش لكن بالنسبه لاسم رينو بعد الاشكال الجميله اللى بتنزلها اعتقد انه تاخر لاسم رينو

عامه لسه بدرى اننا نحكم على العربيه لما نشوف حد جرب و نشوف الصيانات و اسعار قطع الغيار هى اللى حتحكم

[sab3aawy]

1+++++++


عامه لسه بدرى اننا نحكم على العربيه لما نشوف حد جرب و نشوف الصيانات و اسعار قطع الغيار هى اللى حتحكم

انت فعلا جبت من الآخر ، لو الوكيل عايز ينجح العربية دى فى مصر لازم يعمل لها مظلة محترمة من مرافق الصيانة ويساعد على توفير قطع الغيار بسهولة، لكى تحظى بمكانها الطبيعى بين سيارات هذة الفئة ، ولو فعلا السيارة عملت سمعة انها سيارة اقتصادية وعملية كما هو حالها فى شرق ووسط اوروبا والمغرب وايران والهند هيكون سهل جدا عليها انها تلتهم قطعة كبيرة من كعكة السوق المصرى، لكن لو الوكيل عامل ملاك هذة السيارة معاملة الصفوة فى تكاليف الصيانة بالفعل العربية هتموت لأنها اصلا مصممة بفلسفة اكل العيش ولن تحقق مبيعات فى اوساط الصفوة، وبالتالى لو الوكيل مقدرش يعامل زبون سيارة اكل العيش بالفلسفة التى يستطيع استيعابها-وهى فلسفة سهولة الصيانة وتوافر قطعة غيار معقولة ومعمرة بسعر مناسب-فأن السيارة ستفقد زبونها الوحيد

[Abo_Lina]

لا هذا ولا ذاك والله لكن هى محاولة لتوسيع الأفق، لأن الناس مش شايفين فى الحتة دى غير لانوس وفيرنا وفيرنا ولانوس ولانوس وفيرنا وفيرنا ولانوس ولانوس وفير............الى الأبد ، وكأن اللى عمل الفيرنا واللانوس معملش غيرهم، والحتة دى اول المساحة اللى الطبقة المتوسطة بتتحرك فيها، يعنى مساحة سيارت اكل العيش ، وبالتالى لازم تكون فيها اختيارات متعددة وليس سيارتين فقط

الكلام المنطقي مايختلفش عليه اتنين

[CryptonX]

انت فعلا جبت من الآخر ، لو الوكيل عايز ينجح العربية دى فى مصر لازم يعمل لها مظلة محترمة من مرافق الصيانة ويساعد على توفير قطع الغيار بسهولة، لكى تحظى بمكانها الطبيعى بين سيارات هذة الفئة ، ولو فعلا السيارة عملت سمعة انها سيارة اقتصادية وعملية كما هو حالها فى شرق ووسط اوروبا والمغرب وايران والهند هيكون سهل جدا عليها انها تلتهم قطعة كبيرة من كعكة السوق المصرى، لكن لو الوكيل عامل ملاك هذة السيارة معاملة الصفوة فى تكاليف الصيانة بالفعل العربية هتموت لأنها اصلا مصممة بفلسفة اكل العيش ولن تحقق مبيعات فى اوساط الصفوة، وبالتالى لو الوكيل مقدرش يعامل زبون سيارته اكل العيش بالفلسفة التى يستطيع استيعابها-وهى فلسفة سهولة الصيانة وتوافر قطعة غيار معقولة ومعمرة بسعر مناسب-فأن السيارة ستفقد زبونها الوحيد

بالبظبط لاني اعتقد رينو مصر كدة بتخاطب شريحة جديدة من المستهلكين لم تكن موجودة عندها من قبل - حتى مع تقارب سعرها مع الكليو و لكن زبون الكليو غير زبون اللوجان نهائي .

ولازم رينو تعمل حساب زبون اللوجان كويس لانه غالبا كان حيجيب فرنا يا لانوس و حيطلع الققط الفاطسة في العربية و في الصيانة .

يعني اخر اكلام هما لو فعلا اهتموا شوية حتصبح السيارة منتشرة مثل الفرنا و الانوس بس ياريت متبقاش حكاوي الصيانة زي حكاوي غبور .

لازم يبقوا جاهزين للانتشار .

حتى لو انا مش معجب بالسيارة بس فعلا .. الواحد حتى عينه تغير شوية في الشارع :)

[Nile_Storm]

كلام صحيح لان فشل الكليو في الانتشار زي الفيرنا و اللانوس كان ان التوكيل تعامل مع زبون الكليو علي انه من الطبقه المتوسطه في سعرها بس
و نسي انه فيه صيانه و قطع غيار و ..... و ..... و........ و نزلها باسعار تقترب من الميجان
و لهذا نحن بانتظار ما يفعله التوكيل
قطع غيار مصاريف صيانه كويسه هتكون منافس قوي للفيرنا و اللانوس و الافيو
غاليه زي الكليو يبقي هتحصلها ... للأسف

[memo_hefnawy]

الله ينور يا خالود

أنا متوقع للعربية دى نجاح و طفرة جامده جدا خلال السنتين القادمتين و فعلا هاتاكل تقريبا 80% من حصة اللانوس و الفيرنا و نصير إختار صح - اللانوس آخرها السنة دى و الفيرنا خلاص شبعت و الناس عايزين عربية تتحمل و تكون ذات جودة و وكيل محترم

أما عن كونها داتشيا ولا رينو مش عيب إنها تنزل تحت إسم رينو أبدا رينوا مش متخصصه فى العربيات الفخمه يعنى ماهياش مايباخ مثلا عشان نقول عيب و شركات كثير فى الخمس سنوات القادمة هاتعمل عربيات رخيصة و بكره ياما نشوف

[Nile_Storm]

أما عن كونها داتشيا ولا رينو مش عيب إنها تنزل تحت إسم رينو أبدا رينوا مش متخصصه فى العربيات الفخمه يعنى ماهياش مايباخ مثلا عشان نقول عيب و شركات كثير فى الخمس سنوات القادمة هاتعمل عربيات رخيصة و بكره ياما نشوف

كلام صحيح
بس اسم رينو في مصر في ناس مش بيتبصله كده
في ناس فاكره ان الرينو دي زي البي ام
كنت لسه بتكلم مع واحد وانا بغسل العربيه هوا الصراجه كان شكل جاهل جدا
و كان فاكر ان الرينو دي حاجه زي الفيراري كده هههههههههههه اه و الله
اما العربيات الرخيصه فيارييييييييييييييييت بس تيجي مصر رخيصه :(

[Abo_Lina]

الله ينور شكلها هتعمل شغل بس ممكن إعرف بلد الصنع إية

رومانيا..
بمحرك الجيل الاول من ميجان

[Abo_Lina]

هوا الصراجه كان شكل جاهل جدا
و كان فاكر ان الرينو دي حاجه زي الفيراري كده هههههههههههه

بالعكس ده بيفهم في العربيات كويس قوي

[El Prince]

الايام هى الحكم

[Mzeid]

شكراَ على الصور ..
:):)

[ALIHUSSIEN]

السلام عليكم كل عام وانتم بخير - هل اللوجان المغربي نازلو اوتوماتيك ولا مانيوال وكم سي سي ؟؟ وشكرا