حصريا تقرير كامل عن لوجان 2014

[wolfin]

بسم الله توكلنا على الله

اولاً : الماتور
سمعنا كلام كتير عن ماتور الوجان ياترى هتنزل 1600 ولا 1400 ولا 1200 ولا 900 ولا ايه
وياترى هتنزل فتيس مانيوال ولا ايه ؟
الماتور هو هو K7M 710 64 kilowatts (87 PS; 86 hp) 5500 rpm يعنى ايه الكلام ده يعنى ماتور 1600 سى سى مانيوال 64 كيلو وات بيقولو 90 حصان أو 87 حصان ( بس معيار اروبى ) مع ان الا عايز يعرف كام حصان يضرب الكيلو وات × 1.34 = كام حصان ولا عايز يزود ممكن بس ليه طرق كتير ابسطها و اقلها خطر هى دى من هنا بيلف 5500 لفة فى الدقيقة ويطلع 128 نيوتن / متر عند 3000 لفة .يعنى ايه نيوتن / متر ؟ يعنى القوة الا تحرك 1 كليو لمسافة متر فى ثانية وحدة . ماتور حقن الكترونى متعدد النقاط يعنى زى الـــ VVT بتاع متسوبيشى !!! موجود فى السانديرو برضه



ثانيا : العفشة هي هي

ثالثاً: الشكل


من الامام



من الجنب



من الضهر





دى بقا الشنطة متعرفش تجيب اخرها كأنهم عملين درج بطول العربية



الكنبة الخلفية تشيل من الحبايب 100



لو حبيت توسع الشنطة شويا . ممكن تاخد معاك تلاجة لو مسافر مصيف مثلاً



ده الصالون مختلف تماماً عن 2013 . ده فول اوبشن



العدادات والطارة المالتى . وباين اماكن الزراير الا اتغيرت



التكييف و الكاست. طبعا Bluetooth.USB. AUX وبيشغل MP3



ده التكييف الاوتوماتيك






ده التكييف العادى

انا معنديش لوجان بس هاجيبها اول منزل مصر إن شاء الله ......

........ بس خلاص فاضل انك تشترى بقا

بكام بقا شوف انت بقا من هنا

[adel_edrees]

تقرير رائع

[mohamed hussei]

عربية جميلة من توكيل جميل من شركة جميلة والعربية دية هتوقف حال عربيات كتير في انتظار الاتوماتيك

[adel_edrees]

أيه ده يا جماعة أنا كده مش فاهم حاجة العربية اللوجان الشكل القديم كانت بتتصدر لمصر طبقا لأتفاقية أغادير بأعفاء جمركى كبير لهذه السيارة و كانت بتيجى من المغرب أذن علشان العربية الجديدة تخش لازم تبقى يا تونسى يا مغربى يا المفاجأة جزائرى و بما أ، الجزائر بتنتج العربية دى 1600 سي سي يبقى العربية دى جاى لنا من الجزائر الحاجة التانية اللى أنا لاحظتها أنه هو موتور المانيوال القديم بعمته و ده أكبر دليل على أن الموتور اللى كان في المانيوال كان رائع و ألى الأمام يا لوجان و من المغرب مصنع سوماكا ألى الجزائر - مصنع وهران

[adel_edrees]

اللى عايز يتأكد من كلامى ده لينك لمصنع وهران في الجزائر و اللى فيه بدأو أنتاج اللوجان الشكل الجديد في مطلع 2014

https://www.youtube.com/watch?v=l9aXPGKkYGY

[wolfin]

مفيش حاجة اسمها رينو لوجان اصلان كلها داتشيا

بص يا استاذ عادل انا عايز اشترى لوجان . بس انا عايش فى السودان فقررت لما انزل هشترى الاتوماتيك بس لما ارحت شوفت الشكل الجديد هنا فى توكيل رينو قولت مش مهم هشترى مانيوال. المهم كلمت الراجل بتاع المعرض وبتفرج . مش دى لوجان 2014 الشكل الجديد قالى لا دى 2013 استغربت قالى الشكل ده بينزل من 2012
قولتلو ماتور كام قال 1600 90 حصان قولتله المغربى قالى لا دى رومانى قالتله مفيش اتوماتيك قالى لا مش هينزل منها اتوماتيك المهم ركبت وصورت فبقوله التانك و الشنته من جوا ابتسم وقالى لا . قالتله ولسه الكلاكس فى الدراع قالى اه ضربت الكلاكس كنت هتخض . وبعدين قالى في بقا ماتور 1200 تربو بيولد 90 حصان هينزل السنة الجايا 2015 قولتله لالالالالا 1200 طب بكام ياعم قالى 218000 جنيه سودانى قولتله دى 82000 مصرى قالى الجمارك هنا 200 % المهم صورت حبت صور















تمام

[wolfin]

بصو السرقة يا جدعان واحد واخد موضوعى بالظبط و عمله على منتدى مش عارف ايه

اهو شوفو دانا المفروض اسجل براءة موضوع عشان ميتسرقش

[S O P H O S]

تسلم عالتقرير

[J A G U A R]

بصو السرقة يا جدعان واحد واخد موضوعى بالظبط و عمله على منتدى مش عارف ايه

اهو شوفو دانا المفروض اسجل براءة موضوع عشان ميتسرقش

ههههههههههه

[meemo]

انا في الميكانيكا علي ادي بس ازي عربية 1600 تدي قوة 90 حصان والايمي والانفي الصيني 1500 تدي 107 و109 حصان

[YahiaAshraf]

تقرير رائع والعربية بقت جميله جدا خصوصا شوية الاوبشنز اللى نازله بيهم

[wolfin]

انا في الميكانيكا علي ادي بس ازي عربية 1600 تدي قوة 90 حصان والايمي والانفي الصيني 1500 تدي 107 و109 حصان

معلش اصل الناس دى شغالة معايير اروبية مش اى حاجة

* وعلى فكرة 90 حصان ده بتاع الماتور لوحده لكن لو عايز تعرف الباور هورس الحقيقة نقص 15 تعرف الحقيقى بتاع العربية كام

* الناس دى مش محتاجة تزود قوة العربية عشان يثبتو نفسهم زى الصينى . وبعدين للازم نعرف الحصان ده بيعمل ايه عشان اقول اه كويس ولا لا . كل ما كتر الحصان زادة سرعة العربية و احتمالية عدم ثابتها و امنها بيقل بالنسبة لوزنها و ابعدها . بمعنى اصح هى كده معقولة

طب الحصان ده ايه الا بيزود فى الماتور ؟ نسبة الانضغاط

طب يعنى ايه ؟

يعنى قوة ضغط المخلوط لما بتحرق على البستم

طب اعرف ازاى

كده

حجم الازاحة + حجم غرفة الحريق ÷ حجم غرفة الحريق

حجم الازاحة = المسافة الا بيقطعها البستم لحد قبل غرفة الحريق . يعنى هى حجم الشميس
غرفة الحريق = المسافة الا بين وش السلندر و اخر نقطة بيوصلها البستم

يعنى الماتور 1600 سى سى 4 سلندر ده معناه ان كل سلندر 400 سى سى

يبقا
حجم الازاحة 400

طب حجم الغرفة 50 سنتىمتر مكعب او سى سى

يبقا
400+50 ÷ 50 = 9 يعنى 90 حصان

يبقا الحصان بيتحدد حسب حجم غرفة الحرق كل متصغر يطلع حصان اكتر . بس برضة مينفعش يصغر بمزاجه عشان كده معناه ان المخلوط مش هيتحرق كويس و الانبعثات هتزيد . فليها محددات

لكن العزم بقا هو القوة × الزراع
كل ما طول دراع البستم يزيد عزم العربية


شكراً

[DR/WAFEK]

العربيه دى من اكبر العيوب فيها ان الدربرياج لسا وير والباور زيت مش كهربا والكلاكس اللى لسا فى الدراع غير كدا عربيه ممتازه

[DR/WAFEK]

واللى معاه اللوجان القديمه مانيوال مش حيحس بنقله الا لو ركب العربيه دى اوتو