عاوز رأيكم فى اللوجان بصراحة

[ramymechanics]

السلام عليكم
أنا والدى معاه شاهين 2003 وبصراحة انا عمال أزن عليه يغيرها ﻷنها كل شوية تعمل معاه مقالب ... مرة الفرامل تسيب . بعد سرعة 90 بحس انها بتعوم باﻹضافة طبعا لفقرها الشديد وانعدام وسائل اﻷمان فيها

المهم بعد ما جبت فلوانس ليا وعجبتنى الرينو عموما رحت شفت اللوجان فى القرش المانوال ب 78 الف يعنى سعرها مناسب فبنسبة كبيرة هخليه يجيبها بإذن الله

فعاوز اعرف هل فى مشاكل كبيرة للعربية دى وأيه التجهيزات الى فيها وهل فى فرق يستاهل انه يجيبها ويبيع الشاهين؟؟ ﻷنه لو جابها وحصل فيها حاجة هتبقى فى وشى
وبالمناسبة مش فارق معايا الموديل الجديد ﻷنه مش بيستثمرها واستعماله للعربية خفيف بدرجة كبيرة

[the lawyer]

سيدي الفاضل الشكل الجديد نزل خلاص ليه حتيجب القديم ؟

[ramymechanics]

اولا يا باشا عشان استفيد بفرق السعر ﻷنى بقنعه بالعافية ﻷنى فعلا بقيت اقلق اما يخرج بالشاهين
ثانيا احتياجاته بسيطة جدا يعنى هو عامل بالشاهين من 2003 حوالى 42 ألف كيلو
فأنا بسأل عالشكل القديم اللى ب 78 الف و 83 ألف أيه تجهيزاتهم وهل فى مشاكل مشهورة ليهم ؟؟؟؟

[memo823000]

الشكل القديم اول فئه فقط اللى موجود دا لو لقيته وب 76500 لقيته اغلى من كدا كبر مخك
واشترى الشكل الجديد ب 82000 استلام بعد 3 شهور او 86000 استلام فورى وبتزيد عن القيم
دراع هيدرولك للكبوت وعازل حرارى
الموتور بقى انعم مع انه نفس الموتور متفهمش ازاى سبحان الله
الزراير بقت فى البيبان
الشكل بقى احلى كتير من بره ومن جوه
زادت 2 ايرباج من اول فئه
الدهان افضل
الفوانيس والخامات مفيش مقارنه اصلا

[the lawyer]

اولا يا باشا عشان استفيد بفرق السعر ﻷنى بقنعه بالعافية ﻷنى فعلا بقيت اقلق اما يخرج بالشاهين
ثانيا احتياجاته بسيطة جدا يعنى هو عامل بالشاهين من 2003 حوالى 42 ألف كيلو
فأنا بسأل عالشكل القديم اللى ب 78 الف و 83 ألف أيه تجهيزاتهم وهل فى مشاكل مشهورة ليهم ؟؟؟؟

مفيهاش مشاكل ، لكن فيها عيوب ، صوت الموتور عالي شوية ، سخونية في الكونسول ودي ببتحل في التوكيل بزيادة العزل انما كعفشة واداء افضل من الفيرنا واللانوس ،
وبالمناسبة هي اقتصادية جدا في استهلاك البنزين ، بس هات الفول اوبشن

[ramymechanics]

مفيهاش مشاكل ، لكن فيها عيوب ، صوت الموتور عالي شوية ، سخونية في الكونسول ودي ببتحل في التوكيل بزيادة العزل انما كعفشة واداء افضل من الفيرنا واللانوس ،
وبالمناسبة هي اقتصادية جدا في استهلاك البنزين ، بس هات الفول اوبشن

أولا متشكر لحضرتك أوى على سرعة الرد وواضح ان حضرتك معاك نفس اللى احنا هنجيبها ان شاء الله

طب استحملنى شوية ... سحبها أحسن ولا الشاهين
هل التكييف اعتمادى ؟؟ يعنى هل بيسخن العربية مثلا
هل قطع غيارها متوفرة برة التوكيل والميكانيكية بيفهموا فيها لأن كل ما اجى أقنعه يقولى الرينو ملهاش قطع غيار وأقول له يا حاج دى جديدة وانا جايب الفلوانس الجديدة اهو بس هو مزمزق شوية
معلش بقا اخر سؤال ايه تجهيزات الفئة اللى ب 78 واللى ب 83 والفرق بينهم
ومتشكر لحضرتك مقدما

[the lawyer]

أولا متشكر لحضرتك أوى على سرعة الرد وواضح ان حضرتك معاك نفس اللى احنا هنجيبها ان شاء الله

طب استحملنى شوية ... سحبها أحسن ولا الشاهين
هل التكييف اعتمادى ؟؟ يعنى هل بيسخن العربية مثلا
هل قطع غيارها متوفرة برة التوكيل والميكانيكية بيفهموا فيها لأن كل ما اجى أقنعه يقولى الرينو ملهاش قطع غيار وأقول له يا حاج دى جديدة وانا جايب الفلوانس الجديدة اهو بس هو مزمزق شوية
معلش بقا اخر سؤال ايه تجهيزات الفئة اللى ب 78 واللى ب 83 والفرق بينهم
ومتشكر لحضرتك مقدما

انا مركبتش الشاهين ... بس هيا اكيد سحبها افضل بكتير من الشاهين
التكييف محترم جدا وبيأثر بنسبة بسيطة علي السحب ، سحبها افضل من اللانوس مع التكييف .
قطع الغيار موجودة في الحرفيين والتوفيقية وفي اماكن كتير ، فيه منها صيني وتايواني وفيه الأصلي وفيه ميكانيكية كتير ، وبعدين انت عندك أول 3 سنين او 100 ألف كم في الضمان مش حتحتاج ليمكانيكي ان شاء الله .
الفرق بين الفول اوبشن والهاف اوبشن التالي :-
الفول اوبشن فيها فوانيس ضباب ، واير باج ، وكمبيوتر رحلات ، وحليات كروم جوا التابلوه ومقابض الأبواب من جوا ، وعلي الشنطة من برا

اخيراً خلي بالك ان سعر اللوجان الشكل القديم نزل لأن الهاف اوبش في الشكل الجديد ب 81 ألف تقريباً ، واياك تشتري من المصرية ، هاتها من الطارق أو اي موزع معتمد .

تحت امرك في اي سؤال

[ramymechanics]

شكرا يا باشا انت كدة حسمتلى الموضوع بنسبة كبيرة ان شاء الله ربنا يكرم ويكون اختيار موفق لحسن يمسك فى زمارة رقبتى ويقول لى انا عاوز الشاهين بتاعتى ههههههه

[ramymechanics]

هو المعرض قاللى ان الفول أوبشن ب 83 ألف كدة بعد ما نزل ولا قبل ما ينزل عشان انا مش متابع اﻷسعار من فترة

[mida elmageed]

شكرا

[adel_edrees]

هو المعرض قاللى ان الفول أوبشن ب 83 ألف كدة بعد ما نزل ولا قبل ما ينزل عشان انا مش متابع اﻷسعار من فترة

كده يبقى العربية رفعت تانى الشكل القديم

[ramymechanics]

كده يبقى العربية رفعت تانى الشكل القديم

باشا انا كنت مستنى المشاركة بتاعتك عاوزك تدينى رأيك فالعربية اجمالا وهل اعطالها كتيرة او فيها مشاكل كتيرة عشان بقا كدة يبقى صوتين حضرتك والاستاذ lawyer ويبقى نتوكل على الله وهل نصيحتك اجيب الهاف ولا الفول ؟؟ وبردو رأى حضرتك فالتكييف عشان نبقى خدنا الأصوات :))

[adel_edrees]

باشا انا كنت مستنى المشاركة بتاعتك عاوزك تدينى رأيك فالعربية اجمالا وهل اعطالها كتيرة او فيها مشاكل كتيرة عشان بقا كدة يبقى صوتين حضرتك والاستاذ lawyer ويبقى نتوكل على الله وهل نصيحتك اجيب الهاف ولا الفول ؟؟ وبردو رأى حضرتك فالتكييف عشان نبقى خدنا الأصوات :))

أولا أشكرك على أهتمامك برأى
ثانيا أنا كان معايا شاهين موديل 2001 قبل ماأجيب اللوجان للأسف الشاهين فعلا عربية تقلق مش علشان هي عربية وحشة لاقدؤ الله علشان أحنا شعب بسنترخص في حاجات المفروض أننا ما نسترخصش فيها الشاهين من كتر ما تجار قطع الغيار جابوا لنا حاجات صيني مضروبة بناء على طلب الزبون اأصبحت كابوس على ملاكيها خد مثلا الشاكوش أستحالة حتلاقى حاجة زى اللى موجودة في أصل العربية قس على ذلك ماستر الفرامل الطنابير المساعدين ماعدا المونرو التيل طبعا الشدادات حتى الفوانيس الأمامية و الخلفية المهم العربية ممكن تعطل في أي حتة المشط مضروب الشاكوش مضروب معنى كده أن العربية ممكن تعطل في أي حتة و على فكرة اللى يقوللك الشاهين عضمها جامد قاله ياعم روح كله زى بعضه في الحوادث
ثالثا اللوجان عربية كويسة معقولة في كل شيء السخب أستهلاك البنزين التكييف كويس جدا فيما عدا أن في سخونة كانت في ال 2012 و ال 2011 و 2010 موجودة تحت بسبب مرور مواسير السخن بالقرب من الكونصول اللى في النص و عدم وجود عزل جيد التكييف أوربى لا يمكن مقارنته باليابانى و لا الكوري المانيوال يعيبه عدم وجود عمود أتزان لكن أنا شايف انه مش مأثر قوى على أتزان العربية رغم أهمية عمود الأتزان لكن طالما للحج اطاله الله في عمره فأن شاء الله مش حتفرق كتير النقطة بتاعة انك تجيب هاف و ألا كاملة مانيوال اقوللك الفرق بين الكاملة مانيوال و الهاف 4000 جنيه لكن الفرق بينهم في الكماليات أكتر بكتير من أرع ألف جنيه لكن المشكلة أن كل حاجة لها تمنها الأوبشن اللى بيبوظ في الكاملة له تمنه يعنى مثلا المرايا كهربا في الكاملة الهاف المرايات يدوى تمن المرايا الكهربا كام و تمن المرايا اليدوى كام في حالة لا قدرالله المرايا أتكسرت قس على ذلك كل الفروق بين الهاف و الفول أوبشن اعتقد الرسالة وصلت مش كده و الا أيه اهم حاجة كانت مقلقانى أنا شخصيا من العربية هي قطع الغيار و الصيانة لحد النهارده ما أكتشفت أنها عربية عادية هي صحيحة فيها شوية تكنولوجيا قديمة شوية لكن في النهاية هي عربية عادية المهم قطع الغيار موجودة في صقر قريش المعادى و جميع الأسعار و جميع الأنواع عندك التايوانى (الصينى النضيف يطلقون عليه تايوانى ) و التركى و كل الأنواع زى ما أنت عايز و بأسعار كويسة جدا جدا أرجو انى أكون أفدتك و اى خدمة انا تحت أمرك

[ramymechanics]

يا باشا ربنا يخليك والله مش عارف اشكركم ازاى ... انا فعلا عاوزه يغيرها من ساعة ما مرة من اسبوعين جه يدوس فرامل ملقاش فرامل وهو فى طريق سريع غير انها مرجيحة بعد ال 80 وهو ملزش فى التعديلات بتاعة العفشة والحاجات دى فأنا عملت بحث كدة وعجبتنى اللوجان وأغراه سعرها

عموما الواحد كدة مطمن ان هيلاقى الوحوش فى ضهره لو لا قدر الله حصل اى مشكلة ... متشكر جدااااا