استفسار عن تغيير كاوتش اللوجان

[mkaram84]

السلام عليكم يا رجالة اللوجان

انا بدأت أقلق جداً من كاوتش اللوجان السيء بسبب كلام كتير من الناس عنه
فعايز اعرف لو حبيت اغيره - اجيب ايه مكانه؟ في ناس قايلة بريدجستون وناس قايلة يوكوهاما سي درايف - مين فيهم احسن؟ وكمان عايز اعرف التكلفة لو حبيت اغير الاربع فرد عندي ممكن تبقي تقريباً كام؟

انا معايا لوجان اوتوماتيك 2014 الشكل القديم - وعامل حتى الان 7000 كيلو
في انتظار ردودكم القيمة - ربنا يجازيكم كل خير

والله الموفق

[msdn70]

السلام عليكم يا رجالة اللوجان

انا بدأت أقلق جداً من كاوتش اللوجان السيء بسبب كلام كتير من الناس عنه
فعايز اعرف لو حبيت اغيره - اجيب ايه مكانه؟ في ناس قايلة بريدجستون وناس قايلة يوكوهاما سي درايف - مين فيهم احسن؟ وكمان عايز اعرف التكلفة لو حبيت اغير الاربع فرد عندي ممكن تبقي تقريباً كام؟

انا معايا لوجان اوتوماتيك 2014 الشكل القديم - وعامل حتى الان 7000 كيلو
في انتظار ردودكم القيمة - ربنا يجازيكم كل خير

والله الموفق

طيب ده لسه بدري ده العربيه لسه جديده ربنا يبارك لك فيها

أنا عموما بأثق قوي في بريدجستون ده عن تجربه طويله مع عربتي القديمه هيونداي اكسنت بس هو غالي شويه بس يستاهل ده طبعا من وجهه نظري
وإن شاء الله لما أحتاج أغير الكاوتش في اللوجن حجيب بريدجستون بردو

[Elmokadim]

الافصل سعر ومواصفات
Yokohama C Drive

[adel_edrees]

بص يا عمنا أنا أرشح البريدجستون لو معاك ميزانية هو التورانزا ب 741 جنيه المقاس بتاعنا 185/15/65
ال يوكوهاما 500 -525 جنيه لو الفلوس مش فارقة معاك طبعا طبعا وبدون تردد هات البريجستون gr 90 مش البريدجستون my-02 و في طبعا عمهم البريدجستون البوتنزا لسه شايفه في عربية bmw 523 ومن ساعتها و أنا عايز أعرف هل هو بينزل بيها العربية لسه جديدة مو2013 معقولة لحق يغيره و ألا هو نازل بيها و مش ممكن عربية زى دى حينزلوا فيها كاوتش أي كلام ___________ عايز تقييم للكاوتش اللى أنت حتجيبه خش على موقع أنجليزى www.tyrereviews.co.uk/ وخد بالك من حاجة أسمها ال progressive و أنت بتعمل المقارنة دى لأن دى معناها الزحف و دى مشكلة الكاوتش الباروم خش و أعمل المقارنة و أنت حتشوف العجب

[mkaram84]

شكراً لردودكم يا رجالة

أنا عارف انه لسه بدري يا جماعة - بس قلقت من كلام الناس الكتير علي كاوتش الباروم فقلت اشوف حسبة التغيير هتبقى كام باذن الله
طيب امتى اقول يا تغيير؟ ولو حبيت ابيع الاربع فرد الباروم ممكن يعملوا كام تقريباً؟

والله الموفق

[adel_edrees]

أعمل بيه 25000 أو ثلاث سنين و بعد كده بيعهم الفردة حتعمل 50 جنيه

[Ahmed A Rahman]

ونرزع الاسطنبة بتاعتي بتاعة كل مرة



خد بقى الخلاصة من صاحبك عشان حيغير للمرة الثالثة
حتكلم على مقاسات الكاوتش الموجودة في مصر

Bridegstone TUranza GR90 سعره730 جنيه
بعد خصم المنتدى بيبقى ب 680 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام وفرامل اكتر من رائعة
عملت عليه 65 الف كيلو
معمول بتكنولوجي انه لا يفقد خواصه مع تآكل الكاوتش



Kumho KH17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 40 الف كيلو



Michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
Low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون



Michelin XM2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس



Pirelli
Prielli Centurino P1 عجلة سألت عليها في التليفون
دخلت اشوفها على النت
قررت مشتريهاش !!!

اللي كان نفسي اركبها في اللوجان بس ملقيتهاش في مصر
KUMHO ECSTA LX PLATINUM KU27
عجلة خرافية في كل شيء, الراحة الامان الفرامل



اللي انا قررت اركبه كمان كام الف بعد طول بحث
YOKOHAMA C DRIVE
عجلة فيها كل مميزات ال KUMHO ECSTA
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 550 في المعادي و600 في مدينة نصر
توكيلها غبور
ارخص سعر ليها عند عبده امين في المعادي 525



ايه رأيك

[adel_edrees]

ونرزع الاسطنبة بتاعتي بتاعة كل مرة



خد بقى الخلاصة من صاحبك عشان حيغير للمرة الثالثة
حتكلم على مقاسات الكاوتش الموجودة في مصر

Bridegstone TUranza GR90 سعره730 جنيه
بعد خصم المنتدى بيبقى ب 680 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام وفرامل اكتر من رائعة
عملت عليه 65 الف كيلو
معمول بتكنولوجي انه لا يفقد خواصه مع تآكل الكاوتش



Kumho KH17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 40 الف كيلو



Michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
Low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون



Michelin XM2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس



Pirelli
Prielli Centurino P1 عجلة سألت عليها في التليفون
دخلت اشوفها على النت
قررت مشتريهاش !!!

اللي كان نفسي اركبها في اللوجان بس ملقيتهاش في مصر
KUMHO ECSTA LX PLATINUM KU27
عجلة خرافية في كل شيء, الراحة الامان الفرامل



اللي انا قررت اركبه كمان كام الف بعد طول بحث
YOKOHAMA C DRIVE
عجلة فيها كل مميزات ال KUMHO ECSTA
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 550 في المعادي و600 في مدينة نصر
توكيلها غبور
ارخص سعر ليها عند عبده امين في المعادي 525



ايه رأيك

الكلام ده مرجع لوحده يا دكتور الله يبارك لك طيب أيه رأيك في البريدجستون بوتنزا أنا نفسي أعرف ال بى أم دبليو بتنزل بيها و الا هو كان مغيرها لأن أنا ما شفتوش في fix & fit

[adel_edrees]

ده أحسن أنواع الكاوتش اللى ممكن يركب للوجان
Dacia Logan Tyres - TyreReviews
و الصورة دى بتأكد كلام الدكتور أحمد لأان من كل الأنواع المتفوقة مش حنلاقى غير نوع واحد في مصر اليوكوهاما سى درايف بقية الأنواع مش موجودة في مصر وشوفوا بقى تقييم حبيبنا الغالى الباروم عامل أزاى

[Ahmed A Rahman]

الكلام ده مرجع لوحده يا دكتور الله يبارك لك طيب أيه رأيك في البريدجستون بوتنزا أنا نفسي أعرف ال بى أم دبليو بتنزل بيها و الا هو كان مغيرها لأن أنا ما شفتوش في fix & fit

مفيش Potenza لمقاس اللوجان

[mkaram84]

شكراً جداً لردك الجميل يا دكتور احمد - وشكرأ جداً للاستاذ عادل على الصورة الموضحة للتقييمات
طيب انا عايز اعرف عنوان عبده امين في المعادي؟ عشان اشوف اليوكوهاما عامل كام وممكن ياخد الباروم على كام بحالته الحالية..

وربنا يبارك فيكم
والله الموفق

[adel_edrees]

المعادى للاطارات و البطاريات - عبده امين
العنوان 12 شارع 153 - المعادى - القاهره - مصر التليفونات 02-25255399

[nabilsna]

قا لولى قبل كدة ناس كتير ان الكاوتش القديم بتاع اللوجن سيىء وغيرته على 50 الف كيلو ب برجستون التايوانى وحصل معايا حادث خفيف انى كنت ماشى على سرعة 140 وفجاءة وجدت امامى بلوكة حجر ارتفاعها 20سم خبطت العجلة الامامية شمال فكسرت الشمعدان وثنت الجنط وقطعت العجلة فاضطررت الى ان اركب فردتين من القديم فى الخلف والجديد فى الامام تخيل الفردتين القديم استمرو معايا كام الف كيلو 70 الف كيلو من ساعة ما جبت العربية الى الان لوجان 2012

[mkaram84]

شكرا يا عادل باشا على العنوان والتليفون
انا كلمتهم وقاللى انه ممكن ياخد الاربع فرد الباروم على 50 جنيه للفردة لانه هيعامله كقديم - والسي درايف عاملة الفردة 500
فانا قررت استني للاسف بالباروم لحد ما يوصل ل 20 او 25 الف ان شاء الله لان كده الميزانية هتتبهدل جامد

[Lord_Fouad]

بص يا عمنا أنا أرشح البريدجستون لو معاك ميزانية هو التورانزا ب 741 جنيه المقاس بتاعنا 185/15/65
ال يوكوهاما 500 -525 جنيه لو الفلوس مش فارقة معاك طبعا طبعا وبدون تردد هات البريجستون gr 90 مش البريدجستون my-02 و في طبعا عمهم البريدجستون البوتنزا لسه شايفه في عربية bmw 523 ومن ساعتها و أنا عايز أعرف هل هو بينزل بيها العربية لسه جديدة مو2013 معقولة لحق يغيره و ألا هو نازل بيها و مش ممكن عربية زى دى حينزلوا فيها كاوتش أي كلام ___________ عايز تقييم للكاوتش اللى أنت حتجيبه خش على موقع أنجليزى www.tyrereviews.co.uk/ وخد بالك من حاجة أسمها ال progressive و أنت بتعمل المقارنة دى لأن دى معناها الزحف و دى مشكلة الكاوتش الباروم خش و أعمل المقارنة و أنت حتشوف العجب

انا معايا Bridgstone MY02 عامل تقريبا 20 الف كيلو و تقييمي له أكثر من ممتاز