حادثة لوجان من الخلف

[d_ahmedyehia]

الحمد لله على كل شئ
ماشي على طريق أسكندرية الزراعي في الشمال وقبل بنها بشوية عربية لادا أدامي فرملت فجأة فرملت انا كمان والعربية زحفت وخبط خبطة بسيطة فيه من ورا
لكن للأسف ميكروباص جه لبس فيا من ورا
عايز بس اعرف هتكلفني أد أيه والشنطة والأكصدام هيتسمكروا ولا لازم يتغيروا ؟
وهل لما أرشها قيمتها هتقل كتير ؟؟

[gebreel]

بسيطة الحمد لله يا باشا

الرفرف هيتشد بزرجينة على خفيف قوي
هتحتاج فانوس و عاكس ورا يمين و الشنطة مش عارف ان كانت تتسمكر ولا لأ بس حتى لو لأ هات باب الشنطة استيراد و رشه و خلصت على كدة

[adel_edrees]

أولا الحمد لله وصدقنى لما أقوللك أن الحادثة دى اللى أنت فاكر أنها شر هي خير من عند ربنا لأن الله لايأتى ألا بالخير
ثانيا يلزمك شنطة جديدة و فانوس خلفى و أكصدام خلفى
بعد كده و زرجينة الأول لفرد السيارة علشان السمكرى يشوف ايه اللى ممكن يعمله بعد كده
التكلفة المبدئية لو غيرت الكلام ده مابين 5- 6 ألف جنيه ده أقله
أهم حاجة تخد بالك منها أستعدال أرضية العربية و ياسلام لو بالزرجينة تم أستعدال الأرضية من غير سمكرة
الأستاذ جبريل كان عمل حادثة من ورا كد برضه ممكن تستفيد من خبرته في الموضوع ده أبعت له رسالة على الخاص و هو مش حيتأخر عنك في حاجة
بعد ما الشنطة تركب تأكد أن المسافات بين الشنطة و الرفرف مظبوطة لأن هي دى اللى بتبين أذا كان الشغل صح و ألا مش صح و لو أنت مأمن عليك وعلى التوكيل
الموضوع مش كبير و أن شاء الله لو أتعمل صح مش حيأثر على أعادة ثمن بيع السيارة
أولا ممكن بقى تحذف الصور دى بسرعة و تخبى النمر

[adel_edrees]

بص ياسيدى في حاجة كمان أن شاء الله مش حتحتاج أكصدام خلفى أنت بعد ما يفك الأكصدام الأكصدام زى الفل و مافيهوش كسر و لا حاجة بعشرين جنيع وسيشوار و في واحد بيعدل الأكصدامات
بعد الزرجينة و سمكرة الرفرف الخلفى أعتقد أن شاء الله الموضوع موصلش لأرضية العربية ما أعتقدش خالص
الغطا بتاع الشداد بتاع العربية ممكن تملاه أيبوكسى و تصنفره وتدهنه ولا كأنه في حاجة كده يبقى التكلفة حتقل ألى أربع أو خمسة ألاف برضه أقله المشكلة أن الشنطة فيها سوكة رخمة جدا جدا صعب تعديلها و بالتالى تغييرها ضرورى للحفاظ على قيمة السيارة أن شاء الله

[d_ahmedyehia]

شكرا يا جماعة على ردودكم
بس لازم أغير الأكصدام والشنطة ؟ متهيألي يجوا سمكرة ولا أيه ؟؟

[J A G U A R]

انا شايف ان الشنطه تترد على البارد

[adel_edrees]

العاكس الخلفى موجود في شارع دمشق

[adel_edrees]

الأكصدام مش محتاج تغيير خالص زى ما قلت لحضرتك سيشوار و عشرين جنيه و أي واحد يعملهولك اللى حيتغير الفانوس و الشنطة

[d_ahmedyehia]

شكرا يا جماعة انا ان شاء الله أوديها بكرة لورشة نايل موتورز في الحرفيين ناس كتير هنا بتشكر فيها
والحمد لله على كل شئ

[d_ahmedyehia]

يا جماعة حد يعرف الأكصدام الخلفي سعره كام ؟؟ عايز حد بيبيعه في الحرفيين

[gebreel]

هو كان في التوكيل من حوالي 8 شهور عامل 850 جنيه اسود من غير رش