فراملك يا لوجان !

[Mico_Mico]

النهاردة عملت تيست درايف بسيط على عربية اخويا اللوجان 2011 الشكل القديم طبعا
فووووووووووووووووجئت ان الفرامل قوية جدا غير الفيرنا الحقيرة اللى كانت معايا 5 سنين
انا كنت بفكر قبل مجيبها اعلى للفئة التالتة ام 92 الف عشان الايه بى اس - بس دلوقتى بفكر اجيب الاولى او التانية على امل ان فرامل الجديدة تبقى زى القديمة
حد معاه الشكل الجديد يقوللى فراملها عاملة ازاى بافتراض انو مش جايب ايه بى اس؟

[gebreel]

الabs مبيقويش الفرامل، الabs بينجد في الزيت و الرمل و يخليك تعرف تناور وانت بتفرمل

[Mico_Mico]

ثانكس فور ردك السريع جبريل باشا - انت محسسنى اننا بنمشى على اسفلت بيرفيكت زى اللى بنشوفو فالافلام - مفيش شارع بمشى فيه مبيبقاش فيه نسبة تراب كبيرة مش قليلة عالاقل فى اسيوط بتعمل زحلقة وتقلل من قوة الفرامل - غير المية اللى بتترش فالحر عمال على بطال من اصحاب المحلات
ما علينا ده مش موضوعنا - سؤالى الفرامل دى تعتبر جزء من العفشة فابقى مطمن انها قوية زى القديمة ولا الفرامل جزء منفرد بنفسه غير العفشة؟ ويا ريت بردو اللى معاه الشكل الجديد يقوللى اخبار الفرامل عنده

[تامر.محمد]

الاغلب ان شاء الله انها هاتبقى زيها
بس عموما لو تقدر تعلى بفئة العربية يبقى احسن و انت الكسبان

[gebreel]

انا مقصدش يا باشا، اللي بتكلم فيه ان الabs مهم بس لو قارنت عربيتين من نفس النوع واحدة بabs و واحدة منغير abs و فرملت بنفس قوة الفرملة بدون ما يحصل lock للعجل هتبقى قوة الفرملة واحد

و انا لو مكانك هجيب الفئة اللي فيها abs

و عموما العربيتين نسخة من بعض في الميكانيكا و العفشة و كل حاجة فالمفروض يبقوا زي بعض

[tameraast]

متجيبش عربيه جديده من غير ايه بى اس
احنا فى 2014 يا فندم

[Mico_Mico]

متجيبش عربيه جديده من غير ايه بى اس
احنا فى 2014 يا فندم

تصدق اقنعتنى !
والله اقنعتنى مش بتريق !

[Mico_Mico]

راح الاقتناع خلاص http://www.nilemotors.net/Nile/175329-abs.html