اللوجان بتبطل منى و أنا ماشى

[eng_abosalma]

السلام عليكم:
حصل معايا موقف غريب النهاردة...
العربية بطلت 4 مرات منى و أنا ماشى...
مش عارف دى بطارية ولا ايه؟
مع العلم أنا عامل 64000 كم و العربية موديل 2010
و لو البطارية لازم تتغير تنصحونى بإيه؟
و شكرا...

[mohammedmnmz]

غالبا البوابه يا معلم

[mohammedmnmz]

http://www.nilemotors.net/Nile/307942-a.html

[shoma]

الموضوع بسيط إن شاء الله ( تنضف البوابة و حساس الايدل) والكلام ده عن تجربة

[J A G U A R]

احتمال بردو حساس الكرنك

[tarek_742]

البوابة غالبا حصلت معايا وروحت نضفت البوابة فى التوكيل

[eng_abosalma]

شكرا على الرد يا حضرات...
بس موضوع البوابة ده خطر قوىولازم يتعمل فى الضمان ولا أى ميكانيكى يقدر يشتغل فيها؟!
المشكلة أن أنا بره الضمان و صعب أروح التوكيل دلوقتى...
و الموضوع ده urgent ولا أقدر أستنى عليه شويه؟!!
وشكرا ليكم

[م.محمد علاء]

الموضوع ده رخم جدا على فكره..
أسبابه كتير منها:-
- لو انت حظك حلو.الموضوع مش هيكون غير بوابه أو أيدل سينسور محتاجين نضافه.بترش منظف البوابه و العربيه دايره.و المفترض تظبط معاك.
- ممكن يكون فالف ال TPS و ده راكب على البوبه..و ده إحتمال بردو.
- ممكن يكون حساس الكامه..لكن لو العربيه لما بتبطل بتغيب معاك في الدواره بتكون دي أعراضه..
- أخر حاجه و أسخف حاجه..يكون عندك Bad Contact في ضفيره حاجه من اللي فوق..
و دي هتقفرك آخر قرف.عشان أي ميكانيكي في مصر و كمان التوكيل..هيقعد يلف حوالين نفسه و يغيرلك تقريبا كل اللي فوق على ميبدأ يدور على تهريب الضفيره.
خلي بالك من التشخيص السليم..هل العربيه بتبطل و إنت ماشي فجأه..ولا لما تيجي تهدي.
هلى و غنت واقف سلانسيه و زودت بنزين,,ورفعت رجلك.الأرم بي إم بيرجع مكانه السليم على طول و لا يقعد يلعب و يعلى و يوطي.!؟

البوابه عباره عن واير بيفتح و يقفل و مفيهاش لعب كتير من اساسه و صعب إنها تبوظ مالم تكن البوابه كهرباء.

[أسامه الحسيني]

الموضوع ممكن يكون اسهل من كدا حصل الموقف دا معايا وكانت المشكله بفلتر البنزين
انصحك بانك تفول التانك وتشوف اداء العربية لو ظبتت شوية يبقي الفلتر

[miromido75]

بوابه
2010 و 2011 البوابه بلاستيك و ده عيب شائع و لكن للاسف واضح ان حضرتك ذى حالاتى مغيرتهاش اثناء فتره الضمان

[eng_abosalma]

شكرا على الإهتمام أخى....
العربية بتبطل لما بهدى بس و لاحظت انها بتعمل الكلام ده أول اليوم يعنى أول لما بطلع بالعربية...
مش عارف لازم أسخن العربية قبل ماأمشى ولا لأ؟!!
المشكلة إن أنا بعيد عن القاهرة و مش هينفع أروح التوكيل دلوقتى...
الموضوع خطر أروح لأى ميكانيكى ولا أستنى؟؟
وشرا

[eng_abosalma]

أنا لاحظت إن العربية بتبطل و أنا بهدى و الكلام ده بيحصل أول اليوم بس...مش عارف لازم اسخن قبل ماطلع ولا ايه؟
أنا بعيد عن القاهرة و مش فاضى أروح التوكيل الفترة اللى جاية فممكن أروح لأى ميكانيكى و السلام ولا الموضوع خطير ولازم التوكيل
وشكرا لإهتمامكم...

[ali_333]

المشكلة ده حصلت معايا والاعضاء قالولي انها بطارية وفعلا البطارية كانت بقالها 3 سنين
\وغيرتها واتحلت المشكلة الحمد لله

[eng_abosalma]

السلام عليكم:
الموضوع بيتطور أكتر
و العربية بتبطل أكتر من الأول...
المشكلة أنا مش فاضى أروح التوكيل دلوقتى..
فياريت يا شباب حد يقوللى ممكن أروح لأى ميكانيكى يشوفلى العربية فيها ايه...
ولو استنيت شوية على الحال ده فيه مشكلة ولا الموضوع خطير؟!!
وشكرا ليكم على اهتمامكم