اللوجان الاتوماتيك كركرت ثم بطلت

[Emad2000]

السلام عليكم
عندى سياره لوجان اتوماتيك ماشيه ١١ الف كيلو . النهارده الصبح دورتها فوجدتها بتكرر لاول مره من ساعه ما جبتها . سيبتها حوالى ٣ دقايق تسخن كالعاده و لقيت الكركره هديت شويه . المهم اتوكلت على الله و مشيت بيها و لكن للاسف بعد دقيقه العربيه بطلت و كنت فى نص ملف .
جبت الفتيس على n و سحبتها جنب الرصيف و اتصلت بالكهربائي و جه بعد حوالى ١٠ دقايق و دورت العربيه دارت بالكركره . الكهربائي طلب منى ادوس على البنزين كذا مره بعدها العربيه كركرتها خفت و قالى روح مشوارك و تعالى اشوفهالك . روحت الشغل و كانت ماشيه مش متظبطه اوى و انا رايح. و انا راجع كانت زى الفل و لا كأن فيها حاجه و كمان شغلت التكييف على ٣ و مشتكتش.
انا اتصلت بالتوكيل بس للاسف لقيت اول ميعاد بعد اسبوع و انا خايف اروح للكهربائي يلعب لى فيها و يطلعها من الضمان

المفروض بكره اسافر مع الاولاد و خايف العربيه تعملها فيا .
و لا اوديها التوكيل بكره و اقول لهم على المشكله؟ و لا اطنش عشان العربيه ماشيه كويس دلوقتى

انا طبعا بحط بنزين ٩٢ من يوم ما جبتها و انا فولت من يومين

و جزاكم الله خيرا

[ahmedfouad]

حطيت بنزين من اى محطة ؟ (الاسم والمكان)

[Emad2000]

انا من دمنهور و حطيت من محطه التعاون اللى فى مدخل المعهد الدينى و انا حطيت منها كذا مره قبل كده و محصلش اى مشاكل و ان كنت حاسس ان المشكله من البنزين و الله اعلم

تنصحنى اعمل ايه؟

[Land_Cruiser]

احتمال كبير يبقي البنزين مغشوش و مخلوط بحاجه تانيه زي المياه. الافضل حضرتك تروح بنزينه مضمونه و تخليهم يفضوا التنك خالص و بعد كده تحط بنزين كويس و تجرب

[Emad2000]

شكرا للرد
هى العربيه دلوقتى شغاله كويس . يبقى افضى التنك برضه؟ و هما فى البنزينه حيفضوا البنزين ازاى؟

[adel_edrees]

أتوسل أليك سيدى الفاضل ألا تدع كهربائى يلعب و يفتى في العربية بص حضرتك المشكلة اللى حصلت لك دى مشكلة طارئة و غير قابلة للأنتظار وممكن تروح بيها التوكيل على طول من غير تفكير و حاول تمشى بالعربية كتير تفضىى البنزين المشكوك في أمره و بعدين تروح مفول تفويلة نضيفة من محطة كويسة أنا شايف أن اللى حصل لا يعدو ألا وساخة في البنزين على فكرة ممكن البنزين ما يبقاش مغشوش لكن بيبقى أخر اللى في التانك بتاع المحطة أو في أوله يعنى يا أما عربية التموين لسه مفولة التانك بتاع المحطة أو أن التانك بتاع المحطة كان فضى تقريبا و خلاص قرب يشطب و بالتالى بيسحب من المخزون اللى جوه تانك المحطة الملئ بالرواسب علشان كده يفضل تمون الممرة دى من محطة السحب عليها عالى علشان ما يبقاش في وساخة في التانك بتاع محطة البنزين و أسف على الأطالة

[Emad2000]

أتوسل أليك سيدى الفاضل ألا تدع كهربائى يلعب و يفتى في العربية بص حضرتك المشكلة اللى حصلت لك دى مشكلة طارئة و غير قابلة للأنتظار وممكن تروح بيها التوكيل على طول من غير تفكير و حاول تمشى بالعربية كتير تفضىى البنزين المشكوك في أمره و بعدين تروح مفول تفويلة نضيفة من محطة كويسة أنا شايف أن اللى حصل لا يعدو ألا وساخة في البنزين على فكرة ممكن البنزين ما يبقاش مغشوش لكن بيبقى أخر اللى في التانك بتاع المحطة أو في أوله يعنى يا أما عربية التموين لسه مفولة التانك بتاع المحطة أو أن التانك بتاع المحطة كان فضى تقريبا و خلاص قرب يشطب و بالتالى بيسحب من المخزون اللى جوه تانك المحطة الملئ بالرواسب علشان كده يفضل تمون الممرة دى من محطة السحب عليها عالى علشان ما يبقاش في وساخة في التانك بتاع محطة البنزين و أسف على الأطالة

جزاك الله خيرا
التوكيل حجزلى ميعاد يوم الاتنين الاسبوع الجاى . استنى اسبوع و لا اروح لهم بكره من غير حجز؟

[Land_Cruiser]

شكرا للرد
هى العربيه دلوقتى شغاله كويس . يبقى افضى التنك برضه؟ و هما فى البنزينه حيفضوا البنزين ازاى؟

البنزين المغشوش بيبقي بنزين علي سائل تاني غالبا مياه لو كنت بتمون من اخر جزء في التانك لان المياه بتبقي هي اللي فاضله و لذلك بتنزل لحضرتك مع شويه البنزين اللي فاضلين او لو مغشوش عن عمد بيبقي معاه تنر او مياه او جاز. ببساطه الكميه المغشوشه هي اللي بتخللي العربيه تعمل الاعراض اللي حضرتك ذكرتها و بمجرد استهلاكها او تبخرها مثلا لو كانت مياه بتلاقي بعدها العربيه بقت كويسه تاني. بالنسبه للتخلص من البنزين المغشوش في البنزينات بيعرفوا ازاي يفضوا التنك و ده عن طريق خرطوم بيشفطوا به شويه بنزين من العربيه و بعد كده الباقي بينزل لوحده في جردل او بعض البنزينات بيبقي عندها مضخات بيشفطوا بيها البنزين زي اللي بيشفطوا بيها الزيت. طالما العربيه اتعدلت حاول حضرتك تمشي بيها مشوار طويل شويه علشان تفضي بقيه البنزين و ما تحطش بنزين جديد الا لما الموجود دي يخلص خالص و تمون من بنزينه مضمونه او لو كان التانك لسه مليان يبقي خليهم يفضوه زي ما قلت لحضرتك و ده افضل لان كل ما هييجوا حبه مغشوشين هتلاقيها بتكركر و تعمل العمايل دي تاني و هتلاحظ ان البنزين ما بيتحرقش و العربيه ما بتسحبش او بتقطع

[Emad2000]

البنزين المغشوش بيبقي بنزين علي سائل تاني غالبا مياه لو كنت بتمون من اخر جزء في التانك لان المياه بتبقي هي اللي فاضله و لذلك بتنزل لحضرتك مع شويه البنزين اللي فاضلين او لو مغشوش عن عمد بيبقي معاه تنر او مياه او جاز. ببساطه الكميه المغشوشه هي اللي بتخللي العربيه تعمل الاعراض اللي حضرتك ذكرتها و بمجرد استهلاكها او تبخرها مثلا لو كانت مياه بتلاقي بعدها العربيه بقت كويسه تاني. بالنسبه للتخلص من البنزين المغشوش في البنزينات بيعرفوا ازاي يفضوا التنك و ده عن طريق خرطوم بيشفطوا به شويه بنزين من العربيه و بعد كده الباقي بينزل لوحده في جردل او بعض البنزينات بيبقي عندها مضخات بيشفطوا بيها البنزين زي اللي بيشفطوا بيها الزيت. طالما العربيه اتعدلت حاول حضرتك تمشي بيها مشوار طويل شويه علشان تفضي بقيه البنزين و ما تحطش بنزين جديد الا لما الموجود دي يخلص خالص و تمون من بنزينه مضمونه او لو كان التانك لسه مليان يبقي خليهم يفضوه زي ما قلت لحضرتك و ده افضل لان كل ما هييجوا حبه مغشوشين هتلاقيها بتكركر و تعمل العمايل دي تاني و هتلاحظ ان البنزين ما بيتحرقش و العربيه ما بتسحبش او بتقطع

شكرا جزيلا لحضرتك هى فعلا ريحه البنزين كان مش محروق
افهم من كلام حضرتك ان مش مهم اروح للتوكيل؟
انا المفروض اسافر بكره مع الاولاد لان عندهم كشف فى اسكندريه و انا من دمنهور يعنى على الاقل ٧٠ كيلو رايح و زيهم فى العوده و انا خايف تبطل منى

جزاك الله خيرا

[Land_Cruiser]

شكرا جزيلا لحضرتك هى فعلا ريحه البنزين كان مش محروق
افهم من كلام حضرتك ان مش مهم اروح للتوكيل؟
انا المفروض اسافر بكره مع الاولاد لان عندهم كشف فى اسكندريه و انا من دمنهور يعنى على الاقل ٧٠ كيلو رايح و زيهم فى العوده و انا خايف تبطل منى

جزاك الله خيرا

لو كان البنزين المغشوش قرب يخلص او خلص يبقي حضرتك توكل علي الله و حط بنزين من بنزينه مضمونه تبقي شامم ريحه البنزين فيها نفاذه و مش من علي الطريق السريع لان دي الاحتمال اكبر ان البنزين يبقي مغشوش فيها لان الناس بتبقي مضطره تحط منها و لو كان لسه فاضل بنزين كتير يبقي نزله افضل علشان تبقي مطمن و حط مكانه بنزين كويس و ان شاء الله يكون هو السبب في اللي بيحصل ده . لو لاقدر الله المشكله حصلت بعد ما حطيت بنزين تاني ابقي ساعتها احجز في التوكيل بس خللي بالك لو في حاجه لاقدر الله في طرمبه البنزين او حتي في طقم الكهرباء دي متخليش العربيه تمشي شويه كويس و بعدين تبطل و لكن هتبقي بايظه علي طول و لذلك انا مستبعد ان تكون المشكله منهم و لكن الاوقع انها من البنزين المغشوش

[ahmedfouad]

البنزين المغشوش بيبقي بنزين علي سائل تاني غالبا مياه لو كنت بتمون من اخر جزء في التانك لان المياه بتبقي هي اللي فاضله و لذلك بتنزل لحضرتك مع شويه البنزين اللي فاضلين او لو مغشوش عن عمد بيبقي معاه تنر او مياه او جاز. ببساطه الكميه المغشوشه هي اللي بتخللي العربيه تعمل الاعراض اللي حضرتك ذكرتها و بمجرد استهلاكها او تبخرها مثلا لو كانت مياه بتلاقي بعدها العربيه بقت كويسه تاني. بالنسبه للتخلص من البنزين المغشوش في البنزينات بيعرفوا ازاي يفضوا التنك و ده عن طريق خرطوم بيشفطوا به شويه بنزين من العربيه و بعد كده الباقي بينزل لوحده في جردل او بعض البنزينات بيبقي عندها مضخات بيشفطوا بيها البنزين زي اللي بيشفطوا بيها الزيت. طالما العربيه اتعدلت حاول حضرتك تمشي بيها مشوار طويل شويه علشان تفضي بقيه البنزين و ما تحطش بنزين جديد الا لما الموجود دي يخلص خالص و تمون من بنزينه مضمونه او لو كان التانك لسه مليان يبقي خليهم يفضوه زي ما قلت لحضرتك و ده افضل لان كل ما هييجوا حبه مغشوشين هتلاقيها بتكركر و تعمل العمايل دي تاني و هتلاحظ ان البنزين ما بيتحرقش و العربيه ما بتسحبش او بتقطع

اولاً
موضوع تفريغ التانك ده
مش هينفع فى المحطة
لان زور التانك اللى بنفول منه
عليه مصفاه شبك زى الفلتر كدة
فمفيش خرطوم هينفع يدخل فى التانك

ثانياً
احرق البنزين اللى فى التانك جوة المدينة
بالاستخدام العادى للعربية
مفيش داعى تقعد تلف بالعربية وخلاص
علشان تخلص البنزين لان حرام مش مستاهلة

ثالثاً
مفيش داعى تبهدل الاولاد
بانك تسافر بالعربية وانت مش متاكد فيها ايه ؟
ممكن تميل على صديق او الوالد
لحد ما تبقى تفول تانى من محطة كويسة
وتتاكد ان المشكلة كانت من البنزين

رابعاً
احذر من ان ميكانيكى يلعب فى العربية
وانت فى الضمان دى العربية بتلين يا راجل

ربنا يباركلك فيها وما تقلقش العربية مش معقدة
ولا الموتور فيه حاجة جديدة لسة ما اتجربتش او تحت الاختبار
لان محركها محرك الميجان 2 وهو من افضل محركات رينو
اصبر لحد ما البنزين يخلص لوحده وتفول بنزين جديد
وان شاء الله المشكلة هتختفى

[Emad2000]

لو كان البنزين المغشوش قرب يخلص او خلص يبقي حضرتك توكل علي الله و حط بنزين من بنزينه مضمونه تبقي شامم ريحه البنزين فيها نفاذه و مش من علي الطريق السريع لان دي الاحتمال اكبر ان البنزين يبقي مغشوش فيها لان الناس بتبقي مضطره تحط منها و لو كان لسه فاضل بنزين كتير يبقي نزله افضل علشان تبقي مطمن و حط مكانه بنزين كويس و ان شاء الله يكون هو السبب في اللي بيحصل ده . لو لاقدر الله المشكله حصلت بعد ما حطيت بنزين تاني ابقي ساعتها احجز في التوكيل بس خللي بالك لو في حاجه لاقدر الله في طرمبه البنزين او حتي في طقم الكهرباء دي متخليش العربيه تمشي شويه كويس و بعدين تبطل و لكن هتبقي بايظه علي طول و لذلك انا مستبعد ان تكون المشكله منهم و لكن الاوقع انها من البنزين المغشوش

الف شكرا
للاسف اغلب التانك مليان ان شاء الله اسافر بيها بكره و حفضيها فى بنزينه الامارات و انا راجع من اسكندريه
عشان انا مبثقش فى بنزينات دمنهور كلها

[Emad2000]

اولاً
موضوع تفريغ التانك ده
مش هينفع فى المحطة
لان زور التانك اللى بنفول منه
عليه مصفاه شبك زى الفلتر كدة
فمفيش خرطوم هينفع يدخل فى التانك

ثانياً
احرق البنزين اللى فى التانك جوة المدينة
بالاستخدام العادى للعربية
مفيش داعى تقعد تلف بالعربية وخلاص
علشان تخلص البنزين لان حرام مش مستاهلة

ثالثاً
مفيش داعى تبهدل الاولاد
بانك تسافر بالعربية وانت مش متاكد فيها ايه ؟
ممكن تميل على صديق او الوالد
لحد ما تبقى تفول تانى من محطة كويسة
وتتاكد ان المشكلة كانت من البنزين

رابعاً
احذر من ان ميكانيكى يلعب فى العربية
وانت فى الضمان دى العربية بتلين يا راجل

ربنا يباركلك فيها وما تقلقش العربية مش معقدة
ولا الموتور فيه حاجة جديدة لسة ما اتجربتش او تحت الاختبار
لان محركها محرك الميجان 2 وهو من افضل محركات رينو
اصبر لحد ما البنزين يخلص لوحده وتفول بنزين جديد
وان شاء الله المشكلة هتختفى

جزاك الله خيرا اخى الكريم