هتكسر الازاز ؟ ولا الطبله ؟

[Super_Star_h]

من اسبوع كده كنت بصيف فى مطروح
المهم وانا قاعد فى عربيتى على الشاطئ لاقيت واحد جاى يكلمنى من الشباك وبيقولى ممكن مفتاحك بس اجرب افتح بيه عربيتى عشان المفتاح نسيته جوه الشنطه والعربيه اتقفلت
قولتله عربيه ايه ؟ قالى رينو زي بتاعة حضرتك
بصيت عليها كده من بعيد لاقيتها لوجان اللى هى الشكل القديم
قولتله انا عربيتى بتدور بكارت مش بمفتاح
قالى طب معلش انزل اقف معايا كده نشوف هنعملو ايه
المهم طبعآ نزلت وروحت وقفت مع الراجل وكان معاه اسرته
قولتله انت ممعكش المفتاح التانى ؟
قالى موجود بس فى اسكندريه
طبعآ مشوار كبير عشان الراجل يروح ويرجع ويسيب جماعته لوحدها مينفعش
قولتله اقل الخسائر اكسر الازاز اللى ورا وادخل افتح السنتر وبعدها افتح الشنطه
الازاز مش هيعمل 200 جنيه على بعض
الراجل كان هيكسره فعلآ وفضل يهبد عليه بأيده يعنى هيعور نفسه
المهم واحد معدى قام فاكك الجلده بتاعة الازاز اللى قدام
عشان يوصل للمسوجر
وقاله اي حته سلك ولا حاجه مدها لتحت عشان ترفع المسوجر
انا طبعآ عارف ان الموضوع ده فاشل ومش هيعرف يرفع لا مسوجر ولا اي بطيخ حتى
عشان انا عارف المسوجر شكله ايه فى قلب الباب
وواحد قاله طب حاول تمد حبل من الازاز من فوق وترفع المسوجر
قولتله يا باشا دى مش عربيه لادا ! المسوجر بتاعها مافهوش راس عشان تمسكها منه
المهم قال طب استنو اتصل بالتوكيل
قولتله التوكيل مش هيعملك حاجه
هيقولك لازم المفتاح الاستبن او هيبعتلك ونش من عندهم يشيل العربيه وهتدفع قد كده وعطله بقى وكلام فاضى
اتصل وبالفعل قالوله لازم المفتاح التانى
قام الراجل متصل بميكانيكى ولا عفشجى الله اعلم كان بيكلم مين
قاله هات مفك عاده ودخله فى طبلة الباب وافضل لفها لغايت اما المسوجر يفتح
طبعآ الراجل مكدبش خبر استلف مفتاح عاده وفضل ينخور فى الطبله لغايت اما طلع مصرينها بره ومبقتش نافعه وفعلآ المسوجر اتفتح بس بعد ما الطبله باظت خالص
السؤال هنا بقى
هو هيركب طبله جديده تانى ازاى على نفس المفتاح بتاعه ؟
التوكيل هيعمله واحده ولا ايه ؟

[Egyzizo]

التوكيل هياخد رقم الشاسيه ، ويبعت فرنسا يجيب له طبلة نفس القديمة على نفس مفتاح العربية وبيعرفها من رقم الشاسيه ، والباشا هيكع فى حدود ألف جنيه ويستنى شهر بقليله على المرسال ما يروح وييجى والطبلة تتبعت ..

يعنى كسر الإزاز كان أهون بكتييييير ..

[halem0000]

بس ألف جنيه عشان طبله ده كتير اوي

[Super_Star_h]

والله انا قولتله كده يا جماعه
قولتله اكسر الازاز اللى ورا ده اقل الاضرار
يعنى انا كنت شارى اللى قدام تقريبآ ب 200 جنيه
اللى ورا هيبقى ارخص ممكن يعمله 150 جنيه ولا حاجه وهيلاقيه
عند اي حد
المشكله ان مافيش حد عنده استعداد يفهم ان الطبله دى مش طبله عربيه لادا
دى ليها مفتاح مشفر واكيد عشان تجيب واحده زيها هتبقى شغلانه

[Ahmed A Rahman]

انا فتحت عربيتي مرتين لان نسيت المفتاح جوا لاني عامل الانذار يقفل اوتوماتيك لما العربية تبطل بعد دقيقة

مرتين العربية تقفل والمفتاح جواها ومرتين عرفت افتحها

بس مش حكتب ازاي عشان مساعدش ان العربيات تتسرق :) :) :)

[Super_Star_h]

انا فتحت عربيتي مرتين لان نسيت المفتاح جوا لاني عامل الانذار يقفل اوتوماتيك لما العربية تبطل بعد دقيقة

مرتين العربية تقفل والمفتاح جواها ومرتين عرفت افتحها

بس مش حكتب ازاي عشان مساعدش ان العربيات تتسرق :) :) :)

قولى انا طيب عشان فى عربيه لوجان بتركن تحتنا وعايز اسرقها :d

[Egyzizo]

انا فتحت عربيتي مرتين لان نسيت المفتاح جوا لاني عامل الانذار يقفل اوتوماتيك لما العربية تبطل بعد دقيقة

مرتين العربية تقفل والمفتاح جواها ومرتين عرفت افتحها

بس مش حكتب ازاي عشان مساعدش ان العربيات تتسرق :) :) :)

ولا حتى لو كل واحد رفع فيش وتشبيه فيه "لاشئ"
واننا مش سوابق؟

[adel_edrees]

انا فتحت عربيتي مرتين لان نسيت المفتاح جوا لاني عامل الانذار يقفل اوتوماتيك لما العربية تبطل بعد دقيقة

مرتين العربية تقفل والمفتاح جواها ومرتين عرفت افتحها

بس مش حكتب ازاي عشان مساعدش ان العربيات تتسرق :) :) :)

أنا مرة العربية السابقة و كانت شاهين وكنت مركب لها أنذار و دورت العربية و خرجت منها المهم العربية أتقفلت , هي دايرة و كنت مسافر بورسعيد المهم بعد محاولات روحت كتم الشكمان راحت العربية مبطلة و راح السنتر مفتوح