رينو سانديرو ستيب واي Stepway

[melsatar]

السلام عليكم،،

انا بفكر اشتري العربية Stepway الشكل الجديد حد معاه او معاه سانديروا يقولنا اخبار العربية ايه خصوصا في الثبات وعزم المتور والتكييف وخلافه ولو في اي مشاكل عامة فيها.

شكراً

[melsatar]

مافيش اي استجابة

رأيكم لو سمحت

[Super_Star_h]

الستيب واى نفس اللوجان
ماتور ضعيف وصوته مزعج
ثبات لغايت 120 حلو بعد كده بقى معاك ربنا لو عدت تريله من جنبك هتلاقى العربيه بتتحدف منك حدفه سوده
خفيفه على الطريق مش ماسكه نفسها
مع تشغيل التكييف طبعآ السحب هيضعف اكتر واكتر

[M.Radwan]

عربية ممتازة بشكل عام في الفئة دي: عفشة ناعمة ..قليلة الأعطال..عزل كويس..شكل مميز..اتساع داخلي ممتاز.
أبرز العيوب: ثبات متوسط..باول تقيل نسبيا..التابلوه والخامات الداخلية مش قد كده.
الموتور يعتبر كويس جدا على عربية بالحجم ده، مقارنة بالعربيات المنافسة زي الـ i10 والبيكانتو
لو فكرت فيها كقيمة مقابل سعر تاخد 4 من 5

[تامر.محمد]

يا جماعة الناس تجاوبه على الشكل الجديد
و على اساس اللي ركب مش سمع الله يبارك لكم :d

[mohamed.3zz]

يا جماعة الناس تجاوبه على الشكل الجديد
و على اساس اللي ركب مش سمع الله يبارك لكم :d

[asermohamed]

انا معايا استيب واي 2015 وعايز اقول لحضرتك اياااك تسمع الا من حد جرب العربية لان الباقي عقد نقص بعيد عنك وانا لما اشترتها استغربت لاني ملقتش مشكلة واحدة من كل العيوب الي بتتقال
اولا العربية كلمة تحفة قليلة عليها مقارنا بسعرها
فيها شاشة تاتش 7 بوصة روووعة
جي بي اس فية كل خرايط مصر وبينبهك كمان بتنبية صوتي
العربية لو محمل 4 ورا مستحيل تحك في مطب
ركوبتها جميلة جدا جدا
فيها تارة مالتي
بلوتوث
مثبت سرعة
محدد سرعة

نيجي بقي للعيوب الي كتير بتسمعها من ناس مش عندها العربية اساسا

اولا السحب
اول ما استملمت العربية كان سحبها مش كويس لحد اول 500 كيلو ولما وصلت ل 1000 كيلو السحب اتحسن بشكل ملحوظ ودلوقتي وصلت ل 2000 والسحب بقي ممتاااااز بمعني الكلمة واي سرعة عايزها العربية بتجيبها بمنتهي السهولة مع العلم في الكتالوج مكتوب نصيا الاداء الامثل للسيارة بعد 3000 كيلو

ثانيا الثبات
العربية بالرغم من انها عالية جدا انما ثباتها ممتاز جدا ومكنتش متوقع دة اصلا

ثالثا صوت الماتور
الماتور مش ناعم زي الكوري ومش خشن زي اللادا بس مفيهوش اي ازعاج ولا حتي بيوصلك وانت قاعد والعزل بتاع العربية ممتاز

رابعا التكييف
لو شغلت التكييف في الاول خالص هتحس انة هيأثر علي العربية جدااااااا لكن بعد تليين العربية مش هيأثر للدرجة وان كان ممكن تحس بية شوية في الاول والثاني

[Super_Star_h]

يا جماعة الناس تجاوبه على الشكل الجديد
و على اساس اللي ركب مش سمع الله يبارك لكم :d

جديد زي قديم
مافيش فرق يا استاذ تامر
نفس الشاسيه نفس الماتور والعفشه ونفس الحجم
الاختلاف فى الشكل والكماليات فقط
وانا قابلت ناس بتقول عليها نفس الكلام برضو من ملاكها مش انا لوحدى
تجار رينو نفسهم بيقولو عليها نفس الكلام وانها عربيه خفيفه وسحبها ضعيف عشان طبعآ المكنه العقيمه اللى بتنزل فيها
لكن مش معنى كده انها عربيه وحشه بالعكس فيها مميزات كتير عن غيرها
لو نزلت اتوماتيك بمكنه 16 هتاكل الجو

[adel_edrees]

ماعلش أنا بأعترض على كل الكلام جملة و تفصيلا
السانديرو الشكل الجديد واخده 4 نجوم فى ال ncap بعد ما أضافوا أختبارات جديدة و عدلوا فى بعض الأختبارات بحيث أصبح من الصعب منافستها فى مجال الأمان و الأمان يعنى مش الخبط و الرقع وتحمل الصدمات لأ الأمان يعنى كل حاجة
موتورها كويس بس مش قوى
الجنط 16 و ده كويس حدا
العربية فيها شوية أوبشن جامدين جدا تنفع كعربية كروس أوفر العربية كسعر تعتبر هى الأفضل و أنا بأيد كلام الأستاذ M.Radwan فى القيمة مقابل السعر و الشكل الجديد أختلف تماما عن الشكل القديم فى كل شئ ماعدا الموتور و اللى أنا شايف أنه ميزة مش عيب الموتور على المدى البعيد يعنى كمان 10 - 15 سنة كده حتلاقى له قطع غيار يعنى اللى جايب الغربيةبقصد الأقتناء مش بقصد أنها تقعد معاه سنتين و خلاص هى دى العربية المثالية له و هى أعطال العربية دى فى الموتور القديم كانت البوابة اللى بيتم تغيير ها فى الضمان و ياريت ماحدش يسمع كلام التجار التجار بيمشوا زى ما السوق عايز و بيسمعوا كلام من ناس ما ركبتش العربية يعنى مثلا العربية دى لسه نازله ما كملتش ست شهور و بنتكلم زى ما تكون بقالها خمسين سنة هى لحقت حد أشتراها و باعها !!!!!!!!!!!!!!!! و بيبيع علشان العيوب الرهيبة اللى فيها !!!!!!!!!!!!!!! عدد ملاكها كام 500 فى ارجاء مصر معقولة ال 500 منهم 100 عايزين يبيعوا علشان لاقوا فيها عيوب
أرجو أنى أكون و صلت اللى أنا عايز أقوله و صباحكوا فل
ملحوظة تم تغيير البوابة فى الموتور للشكل الجديد كله لوجان سانديرو ستيب واى

[ham_2010]

يا جماعة الناس تجاوبه على الشكل الجديد
و على اساس اللي ركب مش سمع الله يبارك لكم :d

الراجل ده بيقول كلام مية المية المية
اسمع من حد معاه نفس العربية بعيد عن التجار اللى عايزين يكسبوا بس مايهمهمش مصلحة حد غير مصلحتهم هما بس حتى لو كان قريب.
اسمع من كل واحد عن نوع عربيته هو بس واعرف مميزاتها وعيوبها
وبعدين اركب كل عربية وشوف نفسيا استريحت فى ايه ؟؟
خلاص قررت واستقريت ؟!!...ها اتأكدت !!!... اتأكد كويس كمان مرة !!!!
يلا بقى استخير ربنا وتوكل عليه واشتري العربية...ولازم تبقى انت اللى مقتنع بالعربية مش حد تانى اقنعك بيها.

[adel_edrees]

الراجل ده بيقول كلام مية المية المية
اسمع من حد معاه نفس العربية بعيد عن التجار اللى عايزين يكسبوا بس مايهمهمش مصلحة حد غير مصلحتهم هما بس حتى لو كان قريب.
اسمع من كل واحد عن نوع عربيته هو بس واعرف مميزاتها وعيوبها
وبعدين اركب كل عربية وشوف نفسيا استريحت فى ايه ؟؟
خلاص قررت واستقريت ؟!!...ها اتأكدت !!!... اتأكد كويس كمان مرة !!!!
يلا بقى استخير ربنا وتوكل عليه واشتري العربية...ولازم تبقى انت اللى مقتنع بالعربية مش حد تانى اقنعك بيها.

تمام و هو ده الكلام الصح

[1000مبروك]

هقولك العيوب بس لأن المميزات كتير :ـ

ـ1ـ دركسيون تقيل بغباء رغم إنها باور
ـ2ـ عفشة ناشفة متعبه في المطبات والطرق الغير مستوية وبتخلي العربية تتنطط
ـ3ـ أسوء حاجة إن مبينزلش منها أوتوماتيك

[honysamy]

انا معايا العربيه وعامله ٢٥٠ كيلو حتي الان :
السحب كويس جدا وعارف انه حيبقي احسن واحسن بعد الالف
العفشه ناعمه ولا كانك قاعد علي ريش نعام
الفرامل ممتازه وبتكلبش العربيه
العربيه ماشاء الله ثابته علي الارض
انوارها رائعه وطبعا الكاسيت تحفه فنيه
يا ريت يا جماعه محدش يتكلم عنها الا الي عنده العربيه لانها فعلا ممتازه

[ham_2010]

هقولك العيوب بس لأن المميزات كتير :ـ

ـ1ـ دركسيون تقيل بغباء رغم إنها باور
ـ2ـ عفشة ناشفة متعبه في المطبات والطرق الغير مستوية وبتخلي العربية تتنطط
ـ3ـ أسوء حاجة إن مبينزلش منها أوتوماتيك

كان نفسي يكون معاك العربية قبل ما تردد الكلام كده بدون فهم علشان نعرف نتناقش مع بعض بالمنطق.

[adel_edrees]

هقولك العيوب بس لأن المميزات كتير :ـ

ـ1ـ دركسيون تقيل بغباء رغم إنها باور
ـ2ـ عفشة ناشفة متعبه في المطبات والطرق الغير مستوية وبتخلي العربية تتنطط
ـ3ـ أسوء حاجة إن مبينزلش منها أوتوماتيك

ـ1ـ دركسيون تقيل بغباء رغم إنها باور
الباور فعلا تقيل بس مش بغباء قوى و لا حاجة
ـ2ـ عفشة ناشفة متعبه في المطبات والطرق الغير مستوية وبتخلي العربية تتنطط
عفشة ناعمة مريحة فى المطبات و الطرق غير المستوية و بتخلى العربية مستقرة ( أكيد ده اللى حضرتك كنت قصده لو حضرتك كان معاك العربية لأن رومانيا اللى هى بلد المنشأ فيها أسوء طرق من حيث المطبات فمش ممكن حيزودوا الطين بلة بعفشة ناشفة و متعبة معلش أكيد حضرتك كنت قاصد عربية تانية
3ـ أسوء حاجة إن مبينزلش منها أوتوماتيك
أكيد دى أمنية مش عيب فى العربية و لا حاجة لأن اللى بيشتريها بيشتريها و هو عارف أنها ما نيوال و مافيش منها أوتوماتيك