رأيكم في تيل الفرامل الامامي

[mkaram84]

السلام عليكم يا رجالة
الله يكرمكم افيدوني بأرائكم في موضوع تيل الفرامل
انا معايا لوجان اوتوماتيك 2014
وحتى الان عامل 15 الف كيلو والتيل عندي بيصفر من ساعة ما كنت في صيانة ال 10 الاف كيلو
انا محتاج اغيره.. وبعد قراءة لتجارب الناس وجدت افضلية للفاليو الاسباني ثم الريمسا الاسباني ثم التيل الاصلي بتاع التوكيل
وانا حاجز صيانة ال 15 الف يوم الثلاثاء الاسبوع القادم ان شاء الله بس مجبتش سيرة التيل..
واتصلت على شركة الوفاء في صقر قريش لقيت عنده تيل الفاليو التركي ب 160 ومش عارف اسأل فين تاني؟؟؟
ايه رأيكم؟؟؟؟؟
أفيدونى يا اهل الخبرة الله يكرمكم

[bedo84]

السلام عليكم يا رجالة
الله يكرمكم افيدوني بأرائكم في موضوع تيل الفرامل
انا معايا لوجان اوتوماتيك 2014
وحتى الان عامل 15 الف كيلو والتيل عندي بيصفر من ساعة ما كنت في صيانة ال 10 الاف كيلو
انا محتاج اغيره.. وبعد قراءة لتجارب الناس وجدت افضلية للفاليو الاسباني ثم الريمسا الاسباني ثم التيل الاصلي بتاع التوكيل
وانا حاجز صيانة ال 15 الف يوم الثلاثاء الاسبوع القادم ان شاء الله بس مجبتش سيرة التيل..
واتصلت على شركة الوفاء في صقر قريش لقيت عنده تيل الفاليو التركي ب 160 ومش عارف اسأل فين تاني؟؟؟
ايه رأيكم؟؟؟؟؟
أفيدونى يا اهل الخبرة الله يكرمكم

يا باشا انت شايل الهم وكأنك غرقان كدا ليه انا قعد تيل الأصلي يصفر معايا من 15 الف لغاية 25000 لغاية اما التوكيل في صيانة العشرين قالي هيتغير بعد اربع آلاف كيلو ورحت صيانه ال25 من غير مغيروا قالولي نغيرو دلوقتي قلتلهم سيبويه شويه انا معايا فلوس فالمهندس قالي طب متمشيش عليه أكتر من الف كيلو وبعدين رحت اشتريت الفاليو عند 25700 وركبته وزي الفل مفيش مشكله ولا في مشكله مع الضمان ولا اي حاجه ،، الخلاصه متغيرش التيل الا لما يقولولك في التوكيل وبعدين غيروا بره في الميعاد ال هما يحددوا بعد الكشف عليه ما عليك الا انك تقولهم بص لي علي التيل بس

[mkaram84]

شكراً يا bedo84 باشا على الرد
مشكلتي اني لسه جديد في السواقة وباقلق اوى من اى حاجة في الفرامل..
ومشكلتي مع التوكيل كانت تجربة سيئة في موضوع التيل ده خصوصاً
كنت في صيانة ال10 الاف كيلو قلتله على تصفير في الفرامل فقالي انها محتاجة تنظيف ونظف ومشيت على كده - واليوم اللى بعدها حصلتلي مشكلة على الطريق ان التيل الخلفي سخن جداً لدرجة انه عمل دخان كتير - فرحت لميكانيكي وخفف الواير بتاع فرامل اليد... وده بسبب التوكيل