دواسة البنزين ملخلخة

[mabdelaziz]

الموضوع باختصار إنى لاحظت من كام يوم إن دواسة البنزين مش ثابتة زى الفرامل والدبرياج, بمعنى إنى ممكن أرفعها بوش رجلى من تحت, بصراحة مش فاكر إنى لاحظت الحركة دى قبل كده, وسألت صاحبى هل فى عربيته كده لقيت لا الدواسة ثابتة مابتترفعش.

هل ده طبيعى فى اللوجان ولا عيب محتاج تصليح؟ العربية بتمشى عادى وبتستجيب لدوسة البنزين بس مش عارف هل فى مسمار مثلاً عايز يتربط أو الواير يتغير ولا ده طبيعى؟

[georgedada82]

اه طبيعي اوي وارفع الدبرياج هتلاقيها كده كمان

[mabdelaziz]

أنا بصيت على الدبرياج لقيتها ماسكة نفسها كتير عن دواسة البنزين
دواسة البنزين بتترفع بسهولة جداً ومش محتاجة أى قوة, وبتتحرك مسافة أكتر بكتير من دواسة الدبرياج

[baset]

أنا بصيت على الدبرياج لقيتها ماسكة نفسها كتير عن دواسة البنزين
دواسة البنزين بتترفع بسهولة جداً ومش محتاجة أى قوة, وبتتحرك مسافة أكتر بكتير من دواسة الدبرياج

طبيعي يا باشا - أنا عندي كدة

[mabdelaziz]

شكراً لمساعدتكم يا جماعة
رغم إن العربية معايا بقالها 4 سنين تقريباً, أول مرة ألاحظ الموضوع ده :)

[mody112]

يعنى ايه دواسة البنزين بتترفع - معنى كده انك ممكن تزود المشوار بتاعها وتقلله ؟
متهيالى فى حاجة غلط ؟

[mabdelaziz]

مش عارف والله, أنا مستغرب عشان كده سألت أصحاب اللوجان, يمكن تكون دى حاجة فى موديلات معينة مش فى كل العربيات.
أنا مش عايز أروح أسأل أى ميكانيكى يكون مش فاهم ويلعب فى العربية يبوظ حاجة, ياريت يا جماعة تأكدوا إذا كان الحركة دى طبيعية ولا مش طبيعية عشان أتصرف.

[georgedada82]

كل العربيات المانيوال مش موديل معين ... لان اللوجان دواسة البنزين علي واير ... كيبل يعني فطبيعي اي كبل تحركه عكس اتجاه شد الكابل انه يرخي بس ده التفسير

[mabdelaziz]

كل العربيات المانيوال مش موديل معين ... لان اللوجان دواسة البنزين علي واير ... كيبل يعني فطبيعي اي كبل تحركه عكس اتجاه شد الكابل انه يرخي بس ده التفسير

يعنى قصدك إنه رخى لما أنا حاولت أرفعه برجلى ولا تقصد إنه هو كده كده مرخى؟
شكراً لاهتمامك وردك

[georgedada82]

لا مش مرخي هو شدته علي ظبطة الدواسة بدون ما تدوس اول ما تدوس بنزين تتشد
تجيبها العكس ترخي بس

[mody112]

ممكن تفتح الكبوت وتص على الواير وبيكون فيه صامولتين كده بيتحكموا فى شد او تريح الواير شوفهم واظبطهم وممكن ترش عليها wd40 عشان لو فيها ترابة ممكن تعيق حركة الواير وبالتالى الدواسة .

[mabdelaziz]

ممكن تفتح الكبوت وتص على الواير وبيكون فيه صامولتين كده بيتحكموا فى شد او تريح الواير شوفهم واظبطهم وممكن ترش عليها wd40 عشان لو فيها ترابة ممكن تعيق حركة الواير وبالتالى الدواسة .

تمام, إن شاء الله أعمل اللى قلت عليه وأشوف

[baset]

ممكن تفتح الكبوت وتص على الواير وبيكون فيه صامولتين كده بيتحكموا فى شد او تريح الواير شوفهم واظبطهم وممكن ترش عليها wd40 عشان لو فيها ترابة ممكن تعيق حركة الواير وبالتالى الدواسة .

فين يا باشا مكان الصامولتين دوول بالظبط ؟