نيو لوجان .. استفسار ؟

[Mahmoud_Lutfi]

بعد متابعة آراء الناس و بعد ما سألت اصحابي اللي معاهم اللوجان ... امبارح استخرت ربنا و رحت توكيل رينو اللي في شارع 26 يوليو و حجزت نيو لوجان Comfort

و ان شاء الله هستلمها خلال شهرين او ثلاثة بالكتير

بس السؤال

ايه الحاجات المهمة اللي لازم اخد بالي منها و انا بستلم العربية ؟؟

و ايه اللي مفترض اني استلمه مع العربية ؟؟

و موضوع التأمين ... ايه افضل نظام و ايه اللي ممكن اتحقق منه و انا بتعاقد .. ؟؟

ياريت لو حد يفيدني

[corsair]

بعد متابعة آراء الناس و بعد ما سألت اصحابي اللي معاهم اللوجان ... امبارح استخرت ربنا و رحت توكيل رينو اللي في شارع 26 يوليو و حجزت نيو لوجان comfort

و ان شاء الله هستلمها خلال شهرين او ثلاثة بالكتير

ألف مبروك مقدما وربنا يديك خيرها ويكفيك شرها وتستلمها علي خير

بس السؤال

ايه الحاجات المهمة اللي لازم اخد بالي منها و انا بستلم العربية ؟؟

لازم لما تيجي تستلم العربية تعاملها معاملة العربية المستعملة يعني تفليها حته حته ولو عليها لزق ابيض شيله واي ملاحظات دونها وتبلغ التوكيل بيها وتختبر كل الاوبشن وتجربه الانوار وكمبيوتر الرحلات والتكييف وتبص علي السوائل وتتأكد انها مظبوطه ولازم تظبط ضغط الكاوتش عند اقرب مركز من التوكيل

و ايه اللي مفترض اني استلمه مع العربية ؟؟

استبن وعدة وكوريك و3 كتالوجات و2 مفتاح والافراج الجمركي

و موضوع التأمين ... ايه افضل نظام و ايه اللي ممكن اتحقق منه و انا بتعاقد .. ؟؟

في عرض تأميني لمصر للتأمين نازل في جروب اسمه renault new logan club egypt علي الفيس بوك نسبته 3% بدون أي نسبة تحمل

ياريت لو حد يفيدني

وتحت امرك في اي استفسار اخر

[Mahmoud_Lutfi]

وتحت امرك في اي استفسار اخر

تسلم يا استاذي

سؤال تاني لو تسمح

العدة بتبقى مكوناتها ايه مثلا

و موضوع السوائل دا مافهمش فيه

ازاي هتأكد من الموضوع دا

و ضغط الكاوتش بيبقى مفروض كام

و نوع الكاوتش اللي اطمن و انا مستلمه ايه

و امبارح لاحظت ان الكوريك الموجود مع العربية المعروضة كان كوريك سوستة و دا على حد علمي مش كويس و بيفوت فهل بينزل معاها كوريك ضغط زيت و بيتبدل في المعرض ولا ايه النظام

[YHYAKOTB]

لا هو دة الكوريك بتاعها السوسته

[corsair]

تسلم يا استاذي

سؤال تاني لو تسمح

العدة بتبقى مكوناتها ايه مثلا

مفتاح مسامير الجنط ومفك

و موضوع السوائل دا مافهمش فيه

ده بسيط جدا هتفتح الكابوت وتبص علي كل حاجه في سائل وهتلاقي في كل أربه min و max اتأكد ان كل السوائل مظبوطه

ازاي هتأكد من الموضوع دا

و ضغط الكاوتش بيبقى مفروض كام

31 في الفردتين الامامي و 29 خلفي هتلاقيه كمان مكتوب كدا علي القايم في الباب

و نوع الكاوتش اللي اطمن و انا مستلمه ايه

هيه بتنزل يا بكاوتش باروم يا gt وانتا وحظك بس متقلقش طالما مظبط الضغط وماشي علي مهلك يبقي سيبها علي الله وكله تمام

و امبارح لاحظت ان الكوريك الموجود مع العربية المعروضة كان كوريك سوستة و دا على حد علمي مش كويس و بيفوت فهل بينزل معاها كوريك ضغط زيت و بيتبدل في المعرض ولا ايه النظام

لا يا غالي كل الكوريك اللي بينزل بيكون سوسته وهو بس متعب شوية لكن مفيش حاجه اسمها بيفوت وممكن تبقي تشتري واحد تمساحه 1 طن مش هيكلفك 150 جنيه

[Mahmoud_Lutfi]

لا يا غالي كل الكوريك اللي بينزل بيكون سوسته وهو بس متعب شوية لكن مفيش حاجه اسمها بيفوت وممكن تبقي تشتري واحد تمساحه 1 طن مش هيكلفك 150 جنيه

مش عارف اقولك ايه والله .. ربنا يبارك لك

لاحظت و انا بحجز العربية الراجل بتاع التوكيل قالي هتستلمها ان شاء الله بعد 12 اسبوع

و المعارض بره زي المصرية للسيارات و ابو غالي و غيرهم بتدفع و تستلم على طول

وطبعا في over price في المعارض يعني وقفت واحد النهاردة معاه لوجان الفئة الخامسة وسألته عليها لقيته بيقولي انه جايبها ب 102 الف زيادة عن سعرها عند الوكيل ب 5000 جنيه

[Ahmedvero]

لا يا غالي كل الكوريك اللي بينزل بيكون سوسته وهو بس متعب شوية لكن مفيش حاجه اسمها بيفوت وممكن تبقي تشتري واحد تمساحه 1 طن مش هيكلفك 150 جنيه

مفك عباره عن اي دا

[corsair]

مش عارف اقولك ايه والله .. ربنا يبارك لك

لاحظت و انا بحجز العربية الراجل بتاع التوكيل قالي هتستلمها ان شاء الله بعد 12 اسبوع

و المعارض بره زي المصرية للسيارات و ابو غالي و غيرهم بتدفع و تستلم على طول

وطبعا في over price في المعارض يعني وقفت واحد النهاردة معاه لوجان الفئة الخامسة وسألته عليها لقيته بيقولي انه جايبها ب 102 الف زيادة عن سعرها عند الوكيل ب 5000 جنيه

ربنا يعزك يا استاذ محمود

وتستلم علي خير بأذن الله

بالنسبة لموضوع التسليم الفوري ده معروف جدا في بلدنا لان كل رسالة بتيجي بيكون فيها نسبة كبيره للمعارض ونسبة للعملاء والاولوية طبعا في التسليم بتكون للمعارض

موضوع الاوفر ده مختلف من كل معرض والتاني انا جايب عربيتي بأوفر 3500 جنيه

وفي اللي جابها بأوفر 3000 جنيه حسب المعرض اللي انتا بتتعامل معاه واسلوبك معاه انه لو حس فيك انك عايز العربية بأي طريقه هياخد منك الاوفر برايس اللي هو عايزه

بس الخيره في ما اختاره الله هتنتظر مع التوكيل من شهرين ل 3 شهور لحد ما تستلم

وان شاء الله تستلم علي خير

مفك عباره عن اي دا

معلش يا استاذ احمد انا اسف انا التبس عليا الامر لان كان معايا فيرنا كان فيها مفتاح صليبه وعاده بس اللوجان بتنزل بكوريك ومفتاح عجل وماسورة رفع الكوريك بس

[Ahmedvero]

معلش يا استاذ احمد انا اسف انا التبس عليا الامر لان كان معايا فيرنا كان فيها مفتاح صليبه وعاده بس اللوجان بتنزل بكوريك ومفتاح عجل وماسورة رفع الكوريك بس [/quote]

ولايهمك يعني معني كده كوريك ومفتاح عجل وماسوره رفع وحديده قطر وبس ؟

[corsair]

أيون يا فندم

[هانى ظرف منصور]

معلش سؤال مهم هى الفئه الرابعه فيها مشغل cd ولا مجرد مكان للفلاشه , وصله aux

[Ahmedvero]

قصد حضرتك الخامسه اللي هي بتنزل بشاشه 7 بوصه
عموما الرابعه كاسيت عادي جدا وفي سي دي وكل
انما الخامسه شاشه تاتش ومفهاش مكان سي دي مجرد فلاشه وموبايل بس

[Mahmoud_Lutfi]

ربنا يعزك يا استاذ محمود

وتستلم علي خير بأذن الله

بالنسبة لموضوع التسليم الفوري ده معروف جدا في بلدنا لان كل رسالة بتيجي بيكون فيها نسبة كبيره للمعارض ونسبة للعملاء والاولوية طبعا في التسليم بتكون للمعارض

موضوع الاوفر ده مختلف من كل معرض والتاني انا جايب عربيتي بأوفر 3500 جنيه

وفي اللي جابها بأوفر 3000 جنيه حسب المعرض اللي انتا بتتعامل معاه واسلوبك معاه انه لو حس فيك انك عايز العربية بأي طريقه هياخد منك الاوفر برايس اللي هو عايزه

بس الخيره في ما اختاره الله هتنتظر مع التوكيل من شهرين ل 3 شهور لحد ما تستلم

وان شاء الله تستلم علي خير






معلش يا استاذ احمد انا اسف انا التبس عليا الامر لان كان معايا فيرنا كان فيها مفتاح صليبه وعاده بس اللوجان بتنزل بكوريك ومفتاح عجل وماسورة رفع الكوريك بس

ربنا يكرمك يا استاذي و مشكور لاهتمامك

[corsair]

معلش سؤال مهم هى الفئه الرابعه فيها مشغل cd ولا مجرد مكان للفلاشه , وصله aux

الفئة الرابعة فيها مشغل cd و aux و usb وبلوتوث

[Mahmoud_Lutfi]

هي الفئة التالتة فيها كمبيوتر رحلات ولا لاء