علبة الشكمان

[K.LOTFY]

عندى استفسار لو سمحتوا بقالى فتره كبيره بسمع صوت حديد بيخبط فى بعضه جاى من تحت العربيه والصوت بيزيد لما ازود بنزين انا قلت اكيد ده الشكمان تلاقيه فيه حاجه مش مربوطه علشان كده بيخربط .. انهارده عديت على بتاع شكمانات لاقى الصوت فعلا منه وقالى العلبه اللي قدام بيقولى فيها حاجه جوه مكسوره وعايزه تتغير فقلتله اما اشوف التوكيل لأن العربيه لسه فى الضمان ... هل بقى العلبه دى تتغير في الضمان ولا ملهومش دعوه وانا اصلا كمان اخر صيانه كنت عاملها الصوت كان موجود بس روحت يوم جمعه بس علشان التوكيل فاشل يوم الجمعه بيعمولوا صيانات سريعه بس مفيش اصلاح مع ان المفروض تبان مع الكشف اذا كانوا بيكشفوا فعلا تانى حاجه وانا ماشي انهارده لاقيت صوت الموتور عيليّ مره واحده واللمبه بتاعت عطل الكهربا اللي عامله زى سلك ملفوف دى نورت روحت واقف لاقيت الار بي ام عيليّ اكني دايس بنزين بطلت ودورت تاني اتضبطت مش عارف ده كمان يكون عيب ايه؟ ارجو منكم الافاده خاصة فى موضوع الشكمان ده.

[georgedada82]

ممكن حساس الشكمان ... الافضل روح للتوكيل ... وايا كان ردهم حقك انها تتغير في الضمان طالما مفيش خبطة او اي حاجة تانية

[K.LOTFY]

تمام انا حتى نزلت تحت العربيه علشان اتأكد انها مش خبطه هي حاجه جواها كده الواحد يروح يتخانق معاهم

[K.LOTFY]

اولا بالنسبه للمبة الكهربا اتكررت تانى معايا يوم الاثنين وانا ماشي الصبح والعربيه الار بى ام عمال يعلى وبتهيس فكلمت الكول سنتر قالةلى اطلع على مركز الصيانه وفعلا روحت العبور وغيرولى بوابة البنزين فى الضمان وبالنسبه للشكمان قالولى محتاج علبه شكمان وسط و 2 افيز بس كان الوقت اتأخر فاملحقوش يغيروها وقالولي تعالى اي وقت روحت غيرتها النهارده تبع الضمان برضه وعملت صيانة ال 40000 بالمره