العربية بطلت على المطب

[mkaram84]

السلام عليكم
انا معايا لوجان اوتو 2014 شكل قديم وعاملة 17500 كيلو خلال سنة تقريباً
امبارح وانا مروح بالليل من الشغل كنت ماشي بالراحة وداخل علي مطب والعربية بطلت منى فجأة فوق المطب..
اول مرة الحركة دي تحصل معايا.. بس كانت عندي ملاحظة قلتها للتوكيل لما كنت باعمل صيانة ال 15 الف: لما بادور الصبح واستني العربية تسخن وقبل ما تجيب شرطتين باسمع صوت غريب من موتور العربية والار بي ام بيعلي ويوطي بين ال1 وال 2 واول ما تجيب شرطتين ترجع لطبيعتها - فالمهندس قاللى ان ده طبيعي في وقت الشتاء ومفيش مشكلة ما دامت مش بتعطل معايا مثلاً على مطب او لما ادوس فرامل

ايه سبب المشكلة يا رجالة؟ وهل ممكن تحصل تاني؟ واروح التوكيل ولا انفض؟
اعذروني علشان ان خبرتي في السيارات قليلة
والله المستعان

[micromoud]

ممكن البنزين يكون مغشوش

[mkaram84]

ممكن البنزين يكون مغشوش

شكراً يا باشا لردك
انا شكيت برضه الصراحة في موضوع البنزين ده... انا باحاول طول الوقت احط بنزين من وطنية على اساس انها انضف حاجة..

[abdoumahros]

لازم

السلام عليكم
انا معايا لوجان اوتو 2014 شكل قديم وعاملة 17500 كيلو خلال سنة تقريباً
امبارح وانا مروح بالليل من الشغل كنت ماشي بالراحة وداخل علي مطب والعربية بطلت منى فجأة فوق المطب..
اول مرة الحركة دي تحصل معايا.. بس كانت عندي ملاحظة قلتها للتوكيل لما كنت باعمل صيانة ال 15 الف: لما بادور الصبح واستني العربية تسخن وقبل ما تجيب شرطتين باسمع صوت غريب من موتور العربية والار بي ام بيعلي ويوطي بين ال1 وال 2 واول ما تجيب شرطتين ترجع لطبيعتها - فالمهندس قاللى ان ده طبيعي في وقت الشتاء ومفيش مشكلة ما دامت مش بتعطل معايا مثلاً على مطب او لما ادوس فرامل

ايه سبب المشكلة يا رجالة؟ وهل ممكن تحصل تاني؟ واروح التوكيل ولا انفض؟
اعذروني علشان ان خبرتي في السيارات قليلة
والله المستعان

حضرتك كاتب ان مهندس التوكيل قالك مافيش مشكله مدام العربيه موش بتبطل علي المطبات
اذن مدام انها بطلت علي المطب يبقا لازم تروح له احسن العربيع تعملها معاك وتتعرض لموقف موش ظريف

[mkaram84]

حضرتك كاتب ان مهندس التوكيل قالك مافيش مشكله مدام العربيه موش بتبطل علي المطبات
اذن مدام انها بطلت علي المطب يبقا لازم تروح له احسن العربيع تعملها معاك وتتعرض لموقف موش ظريف

شكراً لردك يا باشا
حضرتك كلامك سليم 100%
بس التوكيل بالنسبة ليا يعنى يوم اجازة من الشغل ومشوار طويل.. فعايز اعرف على الاقل المشكلة ايه وهيعمل ايه عشان مضربش مشوار ع الفاضي

[K.LOTFY]

غالبا ممكن تبقى بوابه او حاجه في دورة البنزين

ملحوظه:
انا لسه مغيرينلى البوابه كان عندى برضع الار بي ام بيعلى ويوطى وسحب بنزين لوحدها بس كانت لمبة الكهربا بتنور عندى عندك ممكن يبقى فيه سبب تانى

[walidzakzok]

بنزييييييييييييييييييييييييييين وحش

[tarek_742]

بوابة وعايزة تتنضف ويستحسن تتللك عليها فى التوكيل وتقول حصلت كذا مرة وتغيرها فى الضمان وتخلص من المشكلة دى نهائى لان هينضفوها وترجع تانى

[mkaram84]

شكراً يا شباب على الردود

بوابة وعايزة تتنضف ويستحسن تتللك عليها فى التوكيل وتقول حصلت كذا مرة وتغيرها فى الضمان وتخلص من المشكلة دى نهائى لان هينضفوها وترجع تانى

الحمد لله حتي الآن المشكلة لم تتكرر معي.. وان حصلت تاني هاطلع على التوكيل علطول باذن الله واغير البوابة

بنزييييييييييييييييييييييييييين وحش

بالنسبة للبنزين.. انا غيرت البنزينة نهائياً وربنا ييسر الامور

غالبا ممكن تبقى بوابه او حاجه في دورة البنزين

ملحوظه:
انا لسه مغيرينلى البوابه كان عندى برضع الار بي ام بيعلى ويوطى وسحب بنزين لوحدها بس كانت لمبة الكهربا بتنور عندى عندك ممكن يبقى فيه سبب تانى

انا عندي لمبة الكهربا مش بتنور وموضوع الار بي ام يعلي ويوطي مش بيحصل معايا الا وانا بادور الصبح وكمان مش كل يوم

[mkaram84]

بعد مرور اكثر من شهر على المشكلة حبيت اقولكم ان الحمد لله المشكلة محصلتش خالص معايا.. فمن الواضح انها كانت بسبب البنزين زي ما الاخ الفاضل walidzakzok قال..
شكرا لكل من شارك بالرد والله الموفق