انا محتار افيدونى من فضلكم

[لعقرب الاهلاوى]

لسلام عليكم ورحمة الله وبركاتة اولا
انا عايز اشترى لوجان الشكل الجديد
والناس مخوفانى منها ومن اسعار قطع الغيار غالية نار
بيقول لانوس 2015 وفيرنا 2015 احن فى سعر قطع الغيار متوفرة كدا
انا محتار جدا بس نفسى اركب الوجان الشكل الجديد بس قطع الغيار
اية رائيكم ياجودعان
فيرنا 2015 مانيوال gls
لانوس 2015 مانيوال
لوجان 2015 مانيوال m/t 1.6

[لعقرب الاهلاوى]

مافيش حد ولا اية
؟؟؟؟؟؟؟؟؟؟؟؟

[Yehya Badr]

قطع الغيار الداخلية هي هي قطع غيار اللوجان الشكل القديم و أسعارها عادية لا نار و لا حاجة أما عن جودة العربية فهي في رأيي أفضل من اللانوس الأوكراني - خلاص ما بقتش كورى -http://www.avtozaz.com/en/ و فيرنا اللى بقت أغلب قطعها صينى !!! علي الأقل العربية بتتباع في أوروبا.

أنا رأيي أن اللوجان الجديدة عربية حديثة بمواصفات معقولة كعربية أقتصادية لا بتاعة شد و جري و شغل اللعب على الطريق

الأحسن أنك تركب العربيات الثلاثة و تشوف أنهم تناسبك أنا عن نفسى ركبت الثلاثة و ما عجبتنش لا فيرنا و لا اللانوس !!!

[من غير اسم]

انا كنت محتار زيك كده, بين الفيرنا واللانوس واللوجان, وفى الاخر استقريت على اللوجان, عربية اقتصادية, وعالية عن الارض وصالونها واسع, وثابتة عن الاتنين التانيين

[Abo hamza far]

انا برضو فينفس حيرتك بساللي شوفتو في المنتدى وكل ماامشي في الشارع الاقي حد معاه لوجان اسالهعن رايه فيها يرشحهالي فان شاء الله استقريت على اللوجان

[tarek_742]

لوجان طبعا عربية اوربى
عالية عن الارض مش هتحك كل شوية فى مطب
فيها امان ضد السرقة اموليزر مش هتدور غير بمفتاحها ودى ميزة عن الفيرنا والانوس

[لعقرب الاهلاوى]

شكرا ليكم
للافادة

[hesham_tawfiq]

للامانه فقط
اسعار قطع غيار اللوجان للحاجات المستهلكه زى التيل والسيور والزيوت فعلا اغلى حبه انما مش معجزه لكن بعد خمس سنين زى حالاتى هتحتاج قطع غيار اسعارها فعلا عجيبه فالتوكيل
انا غيرت طلمبة بنزين ب 1500 جنيه و طقم طنابير فالتوكيل 1200 وجوز كبالن 4500 جنيه تقريبا
حبيت بس احطلك الصوره كامله والقرار لك فى الاول والاخر

[adel_edrees]

للامانه فقط
اسعار قطع غيار اللوجان للحاجات المستهلكه زى التيل والسيور والزيوت فعلا اغلى حبه انما مش معجزه لكن بعد خمس سنين زى حالاتى هتحتاج قطع غيار اسعارها فعلا عجيبه فالتوكيل
انا غيرت طلمبة بنزين ب 1500 جنيه و طقم طنابير فالتوكيل 1200 وجوز كبالن 4500 جنيه تقريبا
حبيت بس احطلك الصوره كامله والقرار لك فى الاول والاخر

ضيف على كده الفوانيس و الأكصدامات و حاجات تانية كتير لكن هى كعربية بالمقارنة مع اللانوس و الفيرنا و الأمجراند فرق كبير بينها و بين العربيات اللى فى نفس فئتها السعرية

[Yehya Badr]

يا سادة الكرام تلك هى أسعار قطع الغيار الأصلية لكل من الفيرنا و اللانوس !!! و أسالوا ملام العربيات و أسالوهم جودة القطع دى أية و جودة القطع التقليد أية !!!!

[م.أحمد جمال]

استخر الله اولا و اخيرا

السلام عليكم و رحمة الله و بركاته

اخى الكريم الاستخارة اولا و اخيرا

بالنسبة للسيارة المعادلة بسيطة

عايز سيارة امان ليك و لاهل بيتك و شكل عصرى حديث و بها وسائل امان للحفاظ ع حياة الاسرة و بها مميزات لا توجد ف نفس فئاتها السعرية و عالية و ثابتة و اتساع ما شاء الله عليها يبقا اللوجان

لو مش فارقة معاك يبقا اى من السيارات الاخرى