إعـــــــلان

Collapse

.

,
See more
See less

تـقـريـر مـبدئ عـن ريـنـو لـوجـان 2015

Collapse
X
 
  • Filter
  • الوقت
  • Show
Clear All
new posts

  • تـقـريـر مـبدئ عـن ريـنـو لـوجـان 2015

    بسم الله الرحمن الرحيم
    السلام عليكم و رحمة الله و بركاته

    لقد انضممت لكم يا شباب رينو :d
    الحمد لله اخيرا استلمت لوجي انهاردة باوفر برايس 3 فئة 3 و رخصتها
    البداية روحت استلم من المعرض الصبح بالرغم انها جاهزة عنده بقالها شوية بس طبعا الشغل و في نفس الوقت مش هستلم و اركن لكن زي ما متعود استلم و ع المرور عدل
    طبعا العربية اتفحصت شبر شبر و اللي شغالين في المعرض كانوا بيبصولي باستغراب و بيحاولوا يستعجلوني عشان الحق المرور لأنه نص يوم انهاردة قولتلهم لو حكمت مستلمش انهاردة و استلم يوم السبت و ارخص معنديش مانع :d استلمت و الحمد لله كله تمام التمام و استلمت مع العربية الآتي :
    3 كتيبات في جراب جلد ( دليل الراديو و دليل المستخدم و الصيانات ) - 4 طاسات - كوريك و مفتاحه و مفتاح عجل و طبعا استبن - مسمار القطر اللي بيركب في العربية للقطر - طفاية + ولاعة - اريال و يا رب مكونش سقطت حاجة طبعا بجانب الورق الخاص بالعربية للمرور و بعدين سميت و توكلت ع الله ع المرور و مونت صفيحة و ظبطت الكاوتش عشان كان ع 38 و كان جي معايا مندوب من المعرض الله يكون في عونه فضل قاعد جنبي متلبش من الغرز و ما صدق وصلنا المرور عايزين نلحق المرور اجدعان :d :d
    و الحمد لله تم الترخيص و ترخيص سنة التكلفة حوالي 800 ج بالمصاريف الجانبية : الضريبة + النماذج و الاوراق + الطفاية و شنطة الاسعافات و كالعادة خدت نمرة مضروبة بالنار و متبهدلة شوية بس ارحم من ناس كتيير انا شوفت حروف مكونة بلاوي قبلي و بعدي و ربن يستر عليهم :d و الحمد لله في مرور م نصر مبيجيش يقولك أصل البصمة و فرن الشكمان طلع العدة و اشتغل عالطول و رفع البصمة
    اما انطباعي المبدئي عن العربية العربية بسم الله ما شاء الله كويسة في فئتها و الاوبشنز اللي فيها ظريف و من وجهة نظري يعتبر الحد الادني للاوبشنز في اي عربية العربية سحبها افضل من بعد التاني و اعتقد ان شكلهم غيروا دواسة البنزين لكهربا في الجديد لأني ملاحظ ان فيه فرق ما بين الدوسة و عقبال ما تسمع بس هتأكد
    الفرامل معقولة جداا لكن ملاحظتي ان مشوارها طويل حبتين لكن انا مرتاح معاه
    العفشة متوسطة مقدرش اقل ناعمة اوي و لا اقول نشفة اوي لكن متوسطة
    النقلات مشوارها قصير
    التقفيل الداخلي ما شاء الله محترم و بيخفض صوت الموتور بشكل كبيير عن الصوت الحقيقي جوة بتحس انك معزول برة تحس ان فيه حمار في الموتور تفتح الكبوت تحس بعربجي :d
    الساوند سيستم ما شاء الله حلو بعد ما ظبطت البيز و التريبل و ده ع الراديو كمان
    ملاحظتي ع التقفيل في نقط كده زي اخر كاوتش الباب الخلفي مش مكملينه و ده لقيته في كل العربيات اللي واقفة في المعرض و كذلك نقط اللحام تقفيلها مش اد كده تحت الكاوتش و نقط التقاء الصاج هي مش عيوب قاتلة طالما فبريكة بس مستفزة و اي حد يشوفها هيعمل فيها خبير سمكرة و دهان و يقولك العربية ديه و ديه و ديه و افتي يا معلم
    موضوع تأخير الدوارة حله بسيط جدااا استني لما الانوار كلها تطفي و تدور هتدور الفكرة ان طلمبة البنزين تلحق تضخ الرعشة في الفتيس عادية مش محسوسة غير للي بيدقق اوي و ده طبيعي طالما الدبرياج ع واير
    موضوع تانك البنزين بالمفتاح مستفز الصراحة
    فيه حاجتين حصلوا معايا انهاردة و انا مروح اخر اليوم حسيت صوت الموتور بقي اعلي فجأة و ظهر صوت طقة لما باخد المطبات لكن الصوت مش موجود في التكسيرات و اعتقد ده حسب ما اتقالي انه بسبب الضفدعة محتاجة تتشحم بس لكن لسه هجرب تاني و نشوف
    في المجمل العربية ما شاء الله كويسة و تستاهل سعرها و مريحة في السواقة و تبقي قاعد شايف كل حاجة ماعدا الركن لو بترجع بضهرك انت محتاج كاميرا حتي الباركينج سينسور مش هيسد اوي نظرا لارتفاع الشنطة و ده ضايقني في الركنة في اماكن ضيقة
    و طبعا فيه اوبشنز لسه مجربتهاش و هي محدد سرعة و مثبت سرعة و البلوتوث و الحمد لله جابولي العربية الهيد يونت متفعل و لسه مشوفتش كومبيوتر الرحلات
    من وجهة نظري العربية محتاجة جنط 16 و كاوتش اعرض درجة او درجتين
    و اخيرا و ليس اخرا ده لسه تقرير مبدئي قبل 1000 ك و ان شاء الله انتظروا تقرير بعد اول 1000 و بعد 3000 لأن حسب الدليل افضل اداء بعد 3000
    و طبعا كالعادة اهم حاجة النور يا باشا يا كابتن اطفي النور يا ريس نورك والع
    حاضر يا باشا انت تؤمر و حسبي الله و نعم الوكيل :d
    و الحمد لله انهاردة ربنا سترها و انا مروح العربية كانت هتتخرشم الربع الامامي يمين نص نقل ماشي جنبي اكتشف انه هيدخل الشارع غلط راح كاسر شمال عالطول و انا جنبه لولا ستر ربنا و ضربت فرامل فجأة و رميت شمال و هو اتخض و وقف كان زمانها اتخرشمت لكن الحمد لله ربنا ستر و ربنا يكفينا شر الطرق و شر البهايم اللي بتسوق
    و اي استفسار اتفضلوا يا رجالة
    و بالتوفيق للجميع ان شاء الله
    [CENTER][SIGPIC][/SIGPIC]
    [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
    [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
    [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
    [/CENTER]

    AXEL سابقا

  • #2
    الف الف مبروك يا عمرو وتقرير جميل جدا ( ودا طبعا الطبيعي بتاعك ) ربنا يباركلك في العربية .
    وبالنسبة للاستفسارات سؤال عندي صديق ليا في الشغل بيفكر في اللوجان وانا شايف انها افضل اختيار بالنسبة للبيقارنها بيهم انا سؤالي ليه اتخرت اللوجان وكنت بتقارنها بأيه ؟!!
    : ) تحياتي ومبروك مرة تانية .

    Comment


    • #3
      الله يبارك فيك و يكرمك يا باشا :)
      بص يا باشا انا عايز اقولك ان المقارنة بدأت من فيرنا بالرغم مفيش وجه مقارنة لكن بدأت من الفيرنا و وصلت لحد الصني و الـ301 و الريو و لقيت انها قيمة مقابل سعر و ما شاء الله تعتبر افضل عربية في الفئة من 90-120 في الوقت الحالي بالاوبشن ده و فيها اوبشنز ممكن متلقيهاش في عربيات اقل فئة فيها معدية 140 و لاحظ ان اللي مساعد ع قلة سعرها هو انها بدون جمارك ديه لو بجمارك مش هتقل عن 110 من الاخر احسن عربيتين شايفيهم في الوقت الحالي لوجان و فلونس كسعر مقابلة قيمة لكن ده لا يمنع من وجود عربيات برده كويسة زي السيراتو بس مثلا شوف انت في فئة 150-160 في الفلونس تاخد تالتة اوتو في حين اللي توازيها في السيراتو توصل لـ190 لكن فيه نقطة لصالح الكورولا و الاوبل و هو esp اللي مش موجود في الفئة ديه لحد 200 الف غير فيهم
      و للعلم الاوتو بتاع اللوجان هينزل اوتوماك فورميلا الجاي ان شاء الله بس الاستلام غالبا مش قبل شهر 5 او 6 و هيبقي موتور اعلي 16 صمام 2 كامة عشان اوتو بس استهلاك اعلي الحالي كامة 8 صمام بيوفر معاك و مش هتقل عن فرق 10 الاف في الفئة و بصراحة مبعترفش بالاوتو هو المانيوال او التبترونك و احوله مانيوال :)
      [CENTER][SIGPIC][/SIGPIC]
      [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
      [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
      [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
      [/CENTER]

      AXEL سابقا

      Comment


      • #4
        ألف مبروك

        Comment


        • #5
          ألف مبروك و فعلاً انا شايف ان اللوجان صفقة رابحة فى الفئة بتاعتها
          منتظرين المزيد من التقارير الممتازة

          تحياتى
          م/هانى سعد
          Meggieboy سابقا
          [SIGPIC][/SIGPIC]

          Comment


          • #6
            حضرتك 3 فئة الي سعرها 87 + 3 اوفر برايس ؟ صح كدا ؟؟
            هما اصلن كام فئة 5 و 4 عاوز اعرف الاوبشن الى فيها انظمة امان تجهيزات ... الخ . اعلى فئة بيكون فيها جنوط رياضية ونافيجيتور صح كدا !
            .. تسلم على الرد يا كبير وانا في انتظار التقرير المفصل ان شاء الله .

            Comment


            • #7
              انا عندي البروشور بتاع العربية 2014 فلو Comfort يبقى فئة 3 وهما اربعة فئات لكن في المعارض ف 5 فئات ؟ أرجو التأكد من صحة المعلومة ؟ شكرا أ/ عمرو.

              Comment


              • #8
                المشاركة الأصلية كتبت بواسطة Amr Axel مشاهدة المشاركة


                3 كتيبات في جراب جلد ( شياكة )
                كان جي معايا مندوب من المعرض الله يكون في عونه فضل قاعد جنبي متلبش من الغرز و ما صدق وصلنا المرور عايزين نلحق المرور اجدعان :d :d
                ( ههههههه إحساس جامد لما تسوق سبور وتلاقي الى جمبك ماسك في الكرسي )


                الفرامل معقولة جداا لكن ملاحظتي ان مشوارها طويل حبتين لكن انا مرتاح معاه
                ( الموضوع تعود مش اكتر )
                العفشة متوسطة مقدرش اقل ناعمة اوي و لا اقول نشفة اوي لكن متوسطة
                ( لسة بعد اول 5000 كم تبدأ تحكم على العربية )
                مشوار النقلات قصيرة ! عشان 8 صباب
                التقفيل الداخلي ما شاء الله محترم و بيخفض صوت الموتور بشكل كبيير عن الصوت الحقيقي جوة بتحس انك معزول برة تحس ان فيه حمار في الموتور تفتح الكبوت تحس بعربجي :d
                ( هههههههه تشبية بردو )

                موضوع تانك البنزين بالمفتاح مستفز الصراحة
                ( انا معاك في دي )

                في المجمل العربية ما شاء الله كويسة و تستاهل سعرها و مريحة في السواقة و تبقي قاعد شايف كل حاجة ماعدا الركن لو بترجع بضهرك انت محتاج كاميرا حتي الباركينج سينسور مش هيسد اوي نظرا لارتفاع الشنطة و ده ضايقني في الركنة في اماكن ضيقة
                و طبعا فيه اوبشنز لسه مجربتهاش و هي محدد سرعة و مثبت سرعة و البلوتوث و الحمد لله جابولي العربية الهيد يونت متفعل و لسه مشوفتش كومبيوتر الرحلات
                من وجهة نظري العربية محتاجة جنط 16 و كاوتش اعرض درجة او درجتين
                و اخيرا و ليس اخرا ده لسه تقرير مبدئي قبل 1000 ك و ان شاء الله انتظروا تقرير بعد اول 1000 و بعد 3000 لأن حسب الدليل افضل اداء بعد 3000
                و طبعا كالعادة اهم حاجة النور يا باشا يا كابتن اطفي النور يا ريس نورك والع
                حاضر يا باشا انت تؤمر و حسبي الله و نعم الوكيل :d
                : )
                و الحمد لله انهاردة ربنا سترها و انا مروح العربية كانت هتتخرشم الربع الامامي يمين نص نقل ماشي جنبي اكتشف انه هيدخل الشارع غلط راح كاسر شمال عالطول و انا جنبه لولا ستر ربنا و ضربت فرامل فجأة و رميت شمال و هو اتخض و وقف كان زمانها اتخرشمت لكن الحمد لله ربنا ستر و ربنا يكفينا شر الطرق و شر البهايم اللي بتسوق
                ( ربنا يستر طريقك )

                Comment


                • #9
                  الله يبارك فيكم جميعا شكرا لذوقكم :)

                  arkoon
                  بص يا باشا هي 5 فئات الأولي و التانية في التمنينات
                  و التالتة بـ 92,5 و الرابعة 95,5 و الخامسة 97,5
                  ديه اسعار التوكيل حجز و استلام بعد 3-4 شهور و للعلم الحجز اتقفل دلوقتي
                  و بالتالي بتشتري من برة المعارض تسليم فوري باوفر برايس لا يقل عن 2000 و لا يزيد عن 5000
                  التالتة كل الامكانيات ماعدا جنوط سبور و باركينج سيسنور و ديه الكومفرت
                  الرابعة كل الامكانيات بالاضافة لجنوط سبور و باركينج سيسنور ديه هاي لاين
                  الخامسة كل الامكانيات بالاضافة لجنيوط سبور و باركينج سينسور و نافيجيشن ديه نافجيشن
                  [CENTER][SIGPIC][/SIGPIC]
                  [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                  [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                  [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                  [/CENTER]

                  AXEL سابقا

                  Comment


                  • #10
                    مبرووك يا باشا
                    عربيه محترمه للغاوى سواقه المانيوال
                    [CENTER][rmade]http://www12.0zz0.com/2015/02/12/19/718590391.jpg[/rmade][/CENTER]

                    Comment


                    • #11
                      الف مبروك و عربيه جميله فى فئاتها و الشكل الخارجى بتاعها بيعجبنى

                      اصبر شويه فى التليبن اكيد فيه حاجات لسه بتطبع و انت خبير و فاهم :)

                      مبروك مره تانيه و دايما مبسوط :)
                      اللهم بارك لنا فيما رزقتنا

                      [SIGPIC][/SIGPIC]

                      Comment


                      • #12
                        الله يبارك فيكم


                        الف مبروك و عربيه جميله فى فئاتها و الشكل الخارجى بتاعها بيعجبنى

                        اصبر شويه فى التليبن اكيد فيه حاجات لسه بتطبع و انت خبير و فاهم :)

                        مبروك مره تانيه و دايما مبسوط :)
                        اكيد يا باشا بعد التليين حاجات كتيير بتفرق
                        [CENTER][SIGPIC][/SIGPIC]
                        [SIZE=4][URL="http://www.nilemotors.net/Nile/252145-a.html"]سلسلة تعالوا نعرف التعليمية[/URL][/SIZE]
                        [SIZE=4][URL="http://www.nilemotors.net/Nile/195073-a.html"]أدوات يجب ان تكون في كل سيارة[/URL]
                        [URL="http://www.nilemotors.net/Nile/194027-a.html"]اسعار جميع كماليات و اكسسوارات السيارات[/URL][/SIZE]
                        [/CENTER]

                        AXEL سابقا

                        Comment


                        • #13
                          يعني مش عيب تبقى منسق قسم السوزوكي ورايح تشتري رينو :))))))))))
                          العربيه عاجباني جدا بس ناقصها الاوتو وياسلام لو نزلت بفيتيس cvt زي الفلوانس تبقى برنسيسه مع اني مظنش
                          بس السعر ده كان ممكن يجيب تيسان صني مانوال برضه بغض النظر عن مشكلة فرامل الصني بس مش عارف مين فيهم هيبقى افضل بس اعتقد موتور وفيتيس الصني هيكون افضل
                          [CENTER][SIGPIC][/SIGPIC][/CENTER]

                          Comment


                          • #14
                            المشاركة الأصلية كتبت بواسطة mfraig مشاهدة المشاركة
                            يعني مش عيب تبقى منسق قسم السوزوكي ورايح تشتري رينو :))))))))))
                            العربيه عاجباني جدا بس ناقصها الاوتو وياسلام لو نزلت بفيتيس cvt زي الفلوانس تبقى برنسيسه مع اني مظنش
                            بس السعر ده كان ممكن يجيب تيسان صني مانوال برضه بغض النظر عن مشكلة فرامل الصني بس مش عارف مين فيهم هيبقى افضل بس اعتقد موتور وفيتيس الصني هيكون افضل
                            يا عم الفتيس ال cvt ده اللى فى الفلوينس تمنه 40000 جنيه هههه

                            هاتنزل بفتيس اوتوماتيك فى الغالب 4 سرعات تقريبا هايكون فى شهر فبراير مع معرض السيارات القادم , بس اسمعت انه الحجز هايكون عليها 6 شهور
                            اللهم بارك لنا فيما رزقتنا

                            [SIGPIC][/SIGPIC]

                            Comment


                            • #15
                              أنا داخل مخصوص علشان أبارك لعمورة .
                              ألف ألف مبروك
                              وبكده قسم الرينو كسب مكسب كبيرة بوجود عمورة
                              وإحنا بقى فى قسم السوزوكى لينا ربنا .
                              ربنا يبارك لك فيها يا عمورة.
                              :36_1_61[1]:[B][SIZE=1] [/SIZE][SIZE=3][COLOR=navy]لما كلكم عاوزين تبقوا فتوات أمال مين إللى حينضرب[/COLOR][/SIZE][/B]

                              Comment

                              Working...
                              X