Tweet
مساء الخير.
مشاركة أولي بعد متابعة مُخلصة لسنين.
ملاحظ إن مفيش غير مشاركة واحدة عن الـ ستيب واي الجديدة، فحبيت أشارك تجاربتي.
اشتريت من حوالي أسبوعين ، سانديرو ستيب واي ٢٠١٥ من المصرية- المعادي.
العربية عملت ١٠٢،٤٠٠ بالظبط، تصادف إن جاتلهم دفعة جديدة فنزلت من الـ١٠٥ ألف للرقم إللي إشترتها بيه.
المواصفات متعارف عليها وسبق الناس ذكرتها ، زيها زي النيو لوجان.
تجربتي سريعًا مع العربية .. أنها عربية محترمة، تستاهل تمنها ده مش أكتر ومش أقل ، بفرض طبعًا إن الجمارك 0٪ طبقًا لأغادير زي مابيقولوا.
أنا جي من لانسر 2008 مرورًا بـ تريوس 2010 إنتهاءًا بالسانديرو.
- السحب ناعم والعفشة كويسة إلي حد كبير، بس لا يمكن إتهامها بإنها عربية جري.. العربية بتجري بس مش بتاعت غرز وشقلبظات.
- العزل يستحق 95٪ ، ال5٪ دي أصوات الشارع.
- السوند سيستم إبن ناس، شعور عام بإن المزيكا مالية العربية.
- أنوار العربية العادية مُركزة نحو الأسفلت مابتضربش في ماهو أمامها، ماعرفش إذا كان ده سلو رينو، بس الموضوع لطيف.
- مفيش صعوبة في التعود علي الكلاكس الجانبي ده، وإن كانت النرفزة أحيانًا بتخليك تضرب الطارة لكلاكس وهمي.
- إستهلاك البنزين، أعتقد إنه عالي سنة بسيطة بالنسبة للتريوس، بس مش مزعج.
- التكييف تلاجة.
- النافيجتور أو كومبيوتر الرحلات كما يُطلق عليه، لطيف وفيه أوبشنز كتير.
- الشنطة كويسة ، مع أوبشن تني الكنبة بس لسه ماجربتش الوسع بعد الكلام ده.
- العربية مُريحة في القعدة، بس هي أضيق نوعًا من التريوس بالنسبة لي.
- الفينش كما لكم أن تتوقعوا، ماهواش أعظم حاجة في الدنيا، التوكيل بيقول إنها تقفيل المغرب، ماعرفش هي المغرب ولا رومانيا الحقيقة.
- عملت صيانة ال1000.. القصة إتكلفت 430 جنيه لزيت ال10،000 .. وصيانة ال5000 مجانية، التوكيل لحد دلوقتي مش مقرف، قعدت في القصة دي 3 ساعات وكان عندي ملاحظات تانية علي العربية مع الصيانة.
- ملحوظة عجيبة: مفاتيح العربية معليهاش علامة رينو، مهندس التوكيل بيدعي إنه معاه لوجان 2012 وكان نفس القصة.. هل ده ليه علاقة بقصة داتشيا ورينو؟
بعد الإيجاز ده في وصف العربية.. عندي سؤال كونكم مخضرمين..
مع الفرامل كانت الطارة بتحدف شمال، تصورت إنه التيل ممكن مايكونش بيمسك من النحيتين، بس المهندس قال إن الكاوتش زيادة، خففوا ضغطه وجربتها راحت الحدفة بنسبة 98٪، في 2٪ من الحودة البسيطة في الطارة لنفس الجهة..ده ممكن يكون بسبب التيل ولا مازال في مشكلة في الكاوتش؟ .. ظبطته تاني في البنزينة وكان معمول علي 29 لل4 فرد، خليته تلاتين، بس لسبب ما حاسس إن ال29 كان مخلي أداء أحسن
الكاوتش بالمناسبة جوود يير ، صنع بولندا.
هل ممكن تكون في مشكلة في تيل الفرامل و إيه علامات المشاكل بتاعته بشكل عام؟
شكرًا مُقدمًا :)
مشاركة أولي بعد متابعة مُخلصة لسنين.
ملاحظ إن مفيش غير مشاركة واحدة عن الـ ستيب واي الجديدة، فحبيت أشارك تجاربتي.
اشتريت من حوالي أسبوعين ، سانديرو ستيب واي ٢٠١٥ من المصرية- المعادي.
العربية عملت ١٠٢،٤٠٠ بالظبط، تصادف إن جاتلهم دفعة جديدة فنزلت من الـ١٠٥ ألف للرقم إللي إشترتها بيه.
المواصفات متعارف عليها وسبق الناس ذكرتها ، زيها زي النيو لوجان.
تجربتي سريعًا مع العربية .. أنها عربية محترمة، تستاهل تمنها ده مش أكتر ومش أقل ، بفرض طبعًا إن الجمارك 0٪ طبقًا لأغادير زي مابيقولوا.
أنا جي من لانسر 2008 مرورًا بـ تريوس 2010 إنتهاءًا بالسانديرو.
- السحب ناعم والعفشة كويسة إلي حد كبير، بس لا يمكن إتهامها بإنها عربية جري.. العربية بتجري بس مش بتاعت غرز وشقلبظات.
- العزل يستحق 95٪ ، ال5٪ دي أصوات الشارع.
- السوند سيستم إبن ناس، شعور عام بإن المزيكا مالية العربية.
- أنوار العربية العادية مُركزة نحو الأسفلت مابتضربش في ماهو أمامها، ماعرفش إذا كان ده سلو رينو، بس الموضوع لطيف.
- مفيش صعوبة في التعود علي الكلاكس الجانبي ده، وإن كانت النرفزة أحيانًا بتخليك تضرب الطارة لكلاكس وهمي.
- إستهلاك البنزين، أعتقد إنه عالي سنة بسيطة بالنسبة للتريوس، بس مش مزعج.
- التكييف تلاجة.
- النافيجتور أو كومبيوتر الرحلات كما يُطلق عليه، لطيف وفيه أوبشنز كتير.
- الشنطة كويسة ، مع أوبشن تني الكنبة بس لسه ماجربتش الوسع بعد الكلام ده.
- العربية مُريحة في القعدة، بس هي أضيق نوعًا من التريوس بالنسبة لي.
- الفينش كما لكم أن تتوقعوا، ماهواش أعظم حاجة في الدنيا، التوكيل بيقول إنها تقفيل المغرب، ماعرفش هي المغرب ولا رومانيا الحقيقة.
- عملت صيانة ال1000.. القصة إتكلفت 430 جنيه لزيت ال10،000 .. وصيانة ال5000 مجانية، التوكيل لحد دلوقتي مش مقرف، قعدت في القصة دي 3 ساعات وكان عندي ملاحظات تانية علي العربية مع الصيانة.
- ملحوظة عجيبة: مفاتيح العربية معليهاش علامة رينو، مهندس التوكيل بيدعي إنه معاه لوجان 2012 وكان نفس القصة.. هل ده ليه علاقة بقصة داتشيا ورينو؟
بعد الإيجاز ده في وصف العربية.. عندي سؤال كونكم مخضرمين..
مع الفرامل كانت الطارة بتحدف شمال، تصورت إنه التيل ممكن مايكونش بيمسك من النحيتين، بس المهندس قال إن الكاوتش زيادة، خففوا ضغطه وجربتها راحت الحدفة بنسبة 98٪، في 2٪ من الحودة البسيطة في الطارة لنفس الجهة..ده ممكن يكون بسبب التيل ولا مازال في مشكلة في الكاوتش؟ .. ظبطته تاني في البنزينة وكان معمول علي 29 لل4 فرد، خليته تلاتين، بس لسبب ما حاسس إن ال29 كان مخلي أداء أحسن
الكاوتش بالمناسبة جوود يير ، صنع بولندا.
هل ممكن تكون في مشكلة في تيل الفرامل و إيه علامات المشاكل بتاعته بشكل عام؟
شكرًا مُقدمًا :)
Comment