سؤال عن سحب العربية

[Petereda]

كان عندى سؤال يا شباب بعد اذنكو

انا معايا لوجان 2 عاملة حوالى 1200 كم و عملت صيانة الالف الاسبوع اللى فات

عندى ملاحظة مش عارف ده طبيعي و لا العربية غيها حاجة

المشكلة : ان العربية مش بتجيب اكتر من سرعة 75 او 80 على الغيار الرابع . و لو حاولت اقرص اكتر من كدة صوت الموتور بيبقى فظيع
و لا زم اجيب الخامس.

كان معايا لانوس 1 الكورى و كانت مستهلكة جدا . بس كنت بجيب لحد 90 او 100 كمان و انا على الرابع

فهل ده بسبب ان الهوؤس باور بتاع العربية قليل و لا انا عندى مشكلة و لا ايه

سؤال تانى معلش : كنت بسمع انى لازم احرق على الغيار بعد صيانة الاف علشان اموتور يتفتح الكلام ده صح و لا لا . و لو صح ايه افضل طريقة و اقرص لحد ار بي ام كام على الغيار

اسف على التطويل و شكرا

[Salah Kamal]

العربيه معايا ما كملتش الألف . وبتشد على الرابع لسرعه اكبر عادى مفيش مشاكل

[kindy_ibrahim]

حاول متقرصشي الرابع لأكتر من الـ 80 علشان الـ rpm ميعلاش ويأثر على الماتور

[Petereda]

شكرا بجد

شكرا بجد لكل الناس اللى اهتمت و ردت

لكن انا سؤالى هى كدة طبيعي و لا محتاج اروح بيها التوكيل ؟

[Salah Kamal]

بصراحه انا بدأت اشوف الحركه دى فى عربيتى متابع ومنتظر أراء الناس

[bassemali]

لا طبعا مش طبيعي مافيش عربيه كده لازم تشيك مع التوكيل

[ham_2010]

جمد قلبك ودوس بنزين شوية ... انا اول ما جبتها كان اخرها 70 اصلا حتى لو واخدة الخامس ... استحملتها شوية كده لغاية 500 كم وبعد كده دوس بنزين واحرق ع الغيار شوية فى التانى والتالت والرابع وهاتلاقيها ظبطت معاك بعد كده عادى من غير ماتحرق.
بالنسبة للصوت العالى هو صوت الماتور كده للأسف عالى من بعد ال 2.5 ع rpm

بالنسبة لموضوع الحرق ع الغيارات ده...انا مش مقتنع انه يبقى اسلوب قيادة...لكن اللى مقتنع بيه انك محتاج كل فترة تحرق ع الغيار عشان العربية تفوق زي ما بيتقال.
انا عن نفسى طول مانا جوة البلد هنا بنقل على 3.0 rpm لكن لما ببقى طالع على طريق سفر ولا حاجة بحرق شوية على الرابع لغاية 100-120 كم وبعد كده بديها الخامس وبتلاقيها ناعمة معاك ع الطريق.
وربنا يستر طريقنا وطريقك ان شاء الله

[Salah Kamal]

يا مسهل الحال انا لسه ما وصلتش بيها لل 500

[corsair]

عايزك تجمد قلبك وتطلع علي طريق مفتوح واكبس مرتين ورا بعض علي الدواسه لحد الاخر وشوف وقولي الاخبار ايه

[Salah Kamal]

بس انا لسه ما وصلتش بيها 500 ك حتي

[م.أحمد جمال]

لو عملت صيانةة الالف يبقا اضغط ع الغيارات عادى انا من بعد الثانى بنقل الغيارات ع 5000 لفة و نتج عنه ارتفاع سرعة الثالث من 70 الى 90 كم/س

للمزيد ارجو المتابعه ع

.................................................. .................................................. ...............

غير مسموح بوضع روابط لمواقع ومنتديات اخرى دون الرجوع للاداره
يرجى مراجعه قواعد المنتدى
م.ع5
21/02/2015
pm