مفتاح العربية بيعلق لما اجي ادور

[Dr-Click]

السلام عليكم
فى مشكلة بتحصل معايا بقالها اكتر من اسبوع
مفتاح العربية كل ما احطه علشان ادور ميرداش يلف بسهولة ، حتى علشان الكونتاكت مش لازم ادور
بحس ان تقيل شوية ، ولما اجي ابطل العربية علشان اطلعه بيبطلع بالعافية ، بشده جامد شوية
مش عارف المشكلة ممكن تكون ايه ، وهل ينفع انضفه بـ wd40 و ارش جوه الطبلة نفسها ولا غلط ؟

[غزلة]

وهل ينفع انضفه بـ wd40 و ارش جوه الطبلة نفسها ولا غلط .....اه ينفع

[pepo2011]

ينفع بس غالبا مش هيأقر لانه كده عندك مشكلة في الفبرة والبلي
لازم يتغيرو بسرعة احسن عشان ممكن يقفش منك اي وقت ومايلفش خالص

[Dr-Click]

انا روحت لحمادة مفتاح ، فى العصافرة وطلع العيب فى سلاح المفتاح
عملي واحد جديد وغير القديم ، وشغال دلوقتي 100% ، تقريبا السلاح القديم اتلوح شوية وخلى في صعوبة دخول وخروج المفتاح
شكرا يا شباب

[Muhab Rabie]

نفس المشكله عندي ، وقت متحصلك تاني لف الدركسيون في الاتجاه اللي بيعمل اللوك بتاعه غالبا يمين ، خليك ماسكه و لف المفتاح هتلاقيه شغال

[Dr-Click]

نفس المشكله عندي ، وقت متحصلك تاني لف الدركسيون في الاتجاه اللي بيعمل اللوك بتاعه غالبا يمين ، خليك ماسكه و لف المفتاح هتلاقيه شغال

شكرا يا باشا ، بس خلي بالك لو عمل كده كتير يبقى لازم تشوف فيه ايه علشان ميقفش خالص منك وميرضاش يلف ، الحمد لله المشكلة عندي طلعت فى المفتاح مش فى الطبلة

[Mecha]

مكان المفتاح, بوخ فيه wd 40 ,او شحم سبراي هيفك زي الحلاوة
لكن واضح حد حاول يدور والدكسيون مكستن ,المفتاح هيتني وواضحة بالنظر

[Dr-Click]

مكان المفتاح, بوخ فيه wd 40 ,او شحم سبراي هيفك زي الحلاوة
لكن واضح حد حاول يدور والدكسيون مكستن ,المفتاح هيتني وواضحة بالنظر

تمام يا باشا ، الواضح انه حصل كده ، بس الحمد لله اتحلت من غير ما ارش wd40 غيرت السلاح بس وكله تمام ، زي السكينة فى الحلاوة