ساعدونى فى تسعير العربية دى ضروري

[m_medo]

السلام عليكم
انا معروض عليا لوجان اوتو 2013 وعاملة 30000 كيلو وفيها شوية تخبيط كدة من برة بس بسيط يعنى... العربية حالتها جيدة جدا وصاحبها مش عايز ينزل عن 82000.... ياريت تقولولى بسرعة اشترى والا اصرف نظر لأنه ممكن يبيعها واندم انا بعد كدة... هى فيها رخصة شهر
مستني الردود
شكرا

[Ahmed emad has]

انا في رايي سيبك منه . العربية اصلا وحشة وسعرها عالي. ممكن بالمبلغ ده تجيب حاجة احسن كتير جدا

[m_medo]

انا في رايي سيبك منه . العربية اصلا وحشة وسعرها عالي. ممكن بالمبلغ ده تجيب حاجة احسن كتير جدا

مشكور على الرد... بس ياريت توضح اجيب ايه احسن منها وبنفس رينج السعر

[Ahmed emad has]

Byd f3 مانيوال زيرو ب82 اوتو 91 و افضل كتييير من اللوجان المستعملة واعتماديتها افضل من اللوجان وادائها كمان . ممكن في المستعمل اللانسر 1600 مانيول او 1300 اوتوماتيك او ممكن تشوف الينترا الشكل القديم هتكون افضل من اللوجان بكتييييير ووممكن برضوا الصني الشكل القديم

[m_medo]

byd f3 مانيوال زيرو ب82 اوتو 91 و افضل كتييير من اللوجان المستعملة واعتماديتها افضل من اللوجان وادائها كمان . ممكن في المستعمل اللانسر 1600 مانيول او 1300 اوتوماتيك او ممكن تشوف الينترا الشكل القديم هتكون افضل من اللوجان بكتييييير ووممكن برضوا الصني الشكل القديم

مشكور على النصيحة يا باشا

[RamezAhmed]

لو كويسه و الصيانات فى التوكيل و فبريكه بالكامل حاول تخلصها على 78 او 79 الف.
اعتقد ان اللوجان الاوتو (موتور 16 صباب و 110 حصان) احسن شويه من ال byd و اللانسر ال 1300 , لكن اللانسر 1600 و الصنى الشكل القديم اكيد احلى منها , ده رايى الشخصى و أكيد فى ناس اكثر خبره منى وممكن يفيدوك اكتر.

[adel_edrees]

هى فعلا تعمل 78 79 80 لو فابريكا بره وحوه و صيانات التوكيل هو اللى بيبيع عايز 82 علشان 80 لو صيانات الوكيل و الضمان لسه سارى أتوكل على الله و فعلا فى بدايل مانيوال كتير قوى لكن اللأوتوماتيك صعب تلاقى حاجة حالتها كويسة ممكن الفيرنا الأوتوماتيك ده لو أنت عايز أوتوماتيك و أبعد عن الصينى ال بى واى دى عربية حلوة صحيح لكن أنا ممكن أشترى موبايل صينى تلاجة صينى تكييف صينى لكن عربيات و أرواح و كده يعنى لأ ياعم مش لاعب

[Ahmed emad has]

هى فعلا تعمل 78 79 80 لو فابريكا بره وحوه و صيانات التوكيل هو اللى بيبيع عايز 82 علشان 80 لو صيانات الوكيل و الضمان لسه سارى أتوكل على الله و فعلا فى بدايل مانيوال كتير قوى لكن اللأوتوماتيك صعب تلاقى حاجة حالتها كويسة ممكن الفيرنا الأوتوماتيك ده لو أنت عايز أوتوماتيك و أبعد عن الصينى ال بى واى دى عربية حلوة صحيح لكن أنا ممكن أشترى موبايل صينى تلاجة صينى تكييف صينى لكن عربيات و أرواح و كده يعنى لأ ياعم مش لاعب

مع كامل احترامي لحضرتك بس انا شايف الكلام عشوائي شوية بدون دلائل . و لو فيه وجه نظر عند حضرتك اتفضل اشرحها

[m_medo]

لو كويسه و الصيانات فى التوكيل و فبريكه بالكامل حاول تخلصها على 78 او 79 الف.
اعتقد ان اللوجان الاوتو (موتور 16 صباب و 110 حصان) احسن شويه من ال byd و اللانسر ال 1300 , لكن اللانسر 1600 و الصنى الشكل القديم اكيد احلى منها , ده رايى الشخصى و أكيد فى ناس اكثر خبره منى وممكن يفيدوك اكتر.

هى فعلا تعمل 78 79 80 لو فابريكا بره وحوه و صيانات التوكيل هو اللى بيبيع عايز 82 علشان 80 لو صيانات الوكيل و الضمان لسه سارى أتوكل على الله و فعلا فى بدايل مانيوال كتير قوى لكن اللأوتوماتيك صعب تلاقى حاجة حالتها كويسة ممكن الفيرنا الأوتوماتيك ده لو أنت عايز أوتوماتيك و أبعد عن الصينى ال بى واى دى عربية حلوة صحيح لكن أنا ممكن أشترى موبايل صينى تلاجة صينى تكييف صينى لكن عربيات و أرواح و كده يعنى لأ ياعم مش لاعب

اشكركم على النصيحة وانا فعلا قولتله 78 ومستني الرد.. انا معايا لانوس مانيوال من الزيرو ومش متضايق منها بس انا قلت ممكن دى تبقى لقطة ابقى ركبت اوتوماتيك يعنى

[adel_edrees]

اشكركم على النصيحة وانا فعلا قولتله 78 ومستني الرد.. انا معايا لانوس مانيوال من الزيرو ومش متضايق منها بس انا قلت ممكن دى تبقى لقطة ابقى ركبت اوتوماتيك يعنى

لو خلصت على 80 يبقى تمام بس أهم حاجة صيانات الوكيل و الضمان لسه سارى و طبعا تتأكد من كل حاجة و أنها تعمل بكفاءة التكييف مثلا

[aahmed96]

طب ماحضرتك تجيب لوجان شكل جديد ، أعلي فئة ب ٩٨٠٠٠٠، وأقل فئة تعمل ٨٢٠٠٠.
أو ممكن تحط المبلغ إللي معاك ده كمقدم وتجيب أي عربية معدية ال١٠٠٠٠٠ بالقسط، مش هايبقي كتير.
إنما تجيب عربية موديل ٢٠١٣ ، شكل قديم، وفيها خبطات بالسعر ده، فده مُبالغ فيه.
دلع نفسك.

[adel_edrees]

طب ماحضرتك تجيب لوجان شكل جديد ، أعلي فئة ب ٩٨٠٠٠٠، وأقل فئة تعمل ٨٢٠٠٠.
أو ممكن تحط المبلغ إللي معاك ده كمقدم وتجيب أي عربية معدية ال١٠٠٠٠٠ بالقسط، مش هايبقي كتير.
إنما تجيب عربية موديل ٢٠١٣ ، شكل قديم، وفيها خبطات بالسعر ده، فده مُبالغ فيه.
دلع نفسك.

أوافقك تماما على هذا الرأى الجديد جديد برضه و طالما أنت حتدفع فلوس يبقى بالمرة لكن رجاء أبعد عن الصينى