ثبات سانديرو ستيب واي

[bmwosama]

بسم الله الرحمن الرحيم
السلام عليكم جميعا
انا سعيد بانضمامي ليكم وباشكركم على المعلومات المفيده اللي بتقدموها على المنتدى
انا طول عمري باحلم بال جين ٢ وبالفعل العربيه معايا في الشغل بس مش ملكي
العربية اداءها ممتاز وسحبها كويس جدا وثباتها عالى جدا في السرعات العاليه والملفات
بس للاسف قطع غيارها نار والتوكيل سيء دا غير ان مشاكلها كتير جدا
انا ناوي باذن الله اشتري السانديرو ستيب واي ، وبما انها تقريبا نفس عفشة وابعاد اللوجان مع فارق ارتفاعها عن الارض فاكيد هايكىن ثباتها ضعيف زي اللوجان ان لم يكن اقل بسبب ارتفاعها عن الارض ، الموضوع ده مخليني متردد اني اشتريها وخاصة اني باسافر كتير
فهل في حد من اللي معاهم ستيب واي الشكل الجديد يقدر يفيدنا في الموضوع ده
وسؤال تاني لخبراء السيارات ، هل في طريقه اقدر ازود بيها ثبات العربيه
كمثال ، هل ممكن اركب جنوط سبور يكون وزنها اكبر بحيث اني اقلل مستوى مركز ثقل العربيه وبالتالي يزيد الثبات نسبيا
اسف على الاطالة
وشاكر ليكم مقدما ً

[ENG.MaRk]

ثباتها كويس لحد 140 و أعتقد لحد 160 مش وحش و أعتقد إنك مهما كنت بتجري مش هتجيب أكتر من كدة ... مش زي الجين 2 طبعاً بس في نفس الوقت not that bad

[monamize4]

وسؤال تاني لخبراء السيارات ، هل في طريقه اقدر ازود بيها ثبات العربيه
كمثال ، هل ممكن اركب جنوط سبور يكون وزنها اكبر بحيث اني اقلل مستوى مركز ثقل العربيه وبالتالي يزيد الثبات نسبيا
اسف على الاطالة
وشاكر ليكم مقدما ً

الجنوط اللى وزنها كبير ,, بتضر العفشة جداااااااا
و اتناقشنا ف الحكاية دى بشئ من التفصيل ف الموضوع دا

http://www.nilemotors.net/Nile/438036-2.html

[bmwosama]

جنوط وكاوتش السانديرو ستيب واي 2015

شكرا يا جماعة علي الرد
انا اتفرجت علي العربيه عند الطارق
الجنوط اللي راكبة فيها جنوط حديد عاديه والكاوتش نوعه جوود يير
هل فعلا وزن الجنوط السبور بتكون اخف من الجنوط الحديد العاديه ؟؟
وسؤال اخير !!؟ هل نوه الكاوتش الجود يير كويس ولا لأ .

[dodo2000]

العربية مش ثابته بالدرجة المرضية و اى مطب هواء او تريلا هتعدى جمبك او اى حاجة لا قدر الله هتبقى النتيجة مش مرضية

لو سواقتك هادية و مش بتجرى يبقى اتكل على الله

[bmwosama]

العربية مش ثابته بالدرجة المرضية و اى مطب هواء او تريلا هتعدى جمبك او اى حاجة لا قدر الله هتبقى النتيجة مش مرضية

لو سواقتك هادية و مش بتجرى يبقى اتكل على الله

هل حضرتك جربتها فعلا , ولا كلام متداول من اللي جربوها ؟
وهل ال ستيب واي فيه اعمده اتزان ولا محتاجه يضاف ليها بعد ما اشتريها ؟
ولو في اي حل تاني لموضووع الثبات يا ريت تفيدونا بيه لاني بسافر كتير ومحتاج عربيه تكون ثابته الي حد ما علي الطرق السريعه

[wmn]

أنا كانت عندي العربية موديل 2015، مهياش ثابتة إطلاقاً بداية من سرعات 90، انا كنت ببقى قلقان لو جبت التسعين دي ومظنش اني عديت بيها المية غير مرة او مرتين وكنت مرعوب ... أدائها على أي طرق مش متسفلتة كويس غير جدير بالثقة، مع النقر والمطبات البسيطة ومفصلات الكباري اللي بتبقى بارزة في الطريق حتلاقي العربية بتنط في الهوا والدركسيون تحس إنه ممكن يروح في أي اتجاه ... الباور بتاعها كان خفيف بشكل يضايق كمان، بس أكتر من حد اختلف معايا في النقطة دي فمش عارف هل ده شعوري الشخصي ولا عربيتي أنا اللي كان فيها مشكلة ... زي ما مكتوب فوق، مطبات الهوا والتريلات حتضايقك جداً مع كل ما سبق، باختصار لو بتحب تجري بالعربية فعلاً متجيبهاش ... أقترح عليك تبعد عن العربيات العالية عموماً والعربيات اللي مفيش حد جربها بشكل كفاية لو بتحب الجري وخليك في حاجة متجربة ومضمونة

[bmwosama]

موضوع ان البوار خفيف اول مره اسمعه من حضرتك
معظم اللي جربها بيقول انه تقيل نسبيا لو قارنته بالكوري
وموضوع الثبات ، فمش غريبه ان عربيه يكون فيه وسائل الامان دي كلها من ايه بي اس واي بي دي واير باجز، وتكون فقيره في عامل مهم من عوامل الامان زي الثبات، يعني لو قلنا ان الثبات بيقل بعد ١٣٠ ممكن تكون مقبوله، انما ٩٠ دي حاجه مخيفه فعلا
يا ريت لو حد تاني جرب ستيب واي ٢٠١٥ يفيدنا في الموضوع ده

[AhmeedElbahy]

انا معاياواللوجان السيدان عمتا والله جبت بيها 160 علي طريق السخنه وكانت عادي ولا بتتنطط ولا اي حاجه وكمان العربيه عشان عاليه تحس انها هتتقلب لاو خدت بيها ملف انا خدت بيها ملفات العين السخنه 120 وكانت شغاله لكن كان فيه خوف نسبيا
الباور مش خفيف دا تقيل و مدايقني الحوار دا اوي

[bmwosama]

انا معاياواللوجان السيدان عمتا والله جبت بيها 160 علي طريق السخنه وكانت عادي ولا بتتنطط ولا اي حاجه وكمان العربيه عشان عاليه تحس انها هتتقلب لاو خدت بيها ملف انا خدت بيها ملفات العين السخنه 120 وكانت شغاله لكن كان فيه خوف نسبيا
الباور مش خفيف دا تقيل و مدايقني الحوار دا اوي

تقصد اللوجان ٢٠١٥ ولا الشكل القديم ؟

[ashrafwolf]

مع اعتذاري للجميع مفيش عربيه زيرو في السعر ده هتديك الثبات اللي بتدور عليه

[RamezAhmed]

انا معايا لوجان 2014 اوتوماتيك شكل قديم و جبت بيها فوق ال 170 كم , و ركبت مع صحبى لوجان شكل جديد الفئه التالته , حاسس ان اللى معايا احسن فى الثبات حاجه بسيطه.
اللوجان ممكن تكون احسن من الفيرنا و اللانوس فى الثبات لكن لا تقارن بالجين 2 و اللانسر مثلا.
يعنى انا بعد ال 130 كم بمسك الدريكسيون بأيدى ال2 و لازم اكون مركز معاها , ده غير انها فى مطابات الهوا تحس انها بتنط شويه لكن الدريكسيون بيفضل ماسك نفسه.

[bmwosama]

انا معايا لوجان 2014 اوتوماتيك شكل قديم و جبت بيها فوق ال 170 كم , و ركبت مع صحبى لوجان شكل جديد الفئه التالته , حاسس ان اللى معايا احسن فى الثبات حاجه بسيطه.
اللوجان ممكن تكون احسن من الفيرنا و اللانوس فى الثبات لكن لا تقارن بالجين 2 و اللانسر مثلا.
يعنى انا بعد ال 130 كم بمسك الدريكسيون بأيدى ال2 و لازم اكون مركز معاها , ده غير انها فى مطابات الهوا تحس انها بتنط شويه لكن الدريكسيون بيفضل ماسك نفسه.

طيب صاحب ماشي بالكاوتش بتاع الفبريكة ولا غير لنوع تاني
وايه النوع اللي العربيه جاية بيه ؟

[bassemali]

متابع