قياس زيت الموتور

[omda_asem]

السلام عليكم
مبدئيا كده انا اول مره اجرب اقيس الزيت لعربيتى (لسه جايبها من شهر لوجان 2010)
انا كنت عملت صيانة ال 100 الف (يعنى غيرت زيت فى التوكيل ) ومشيت بعدها حوالى 300 كم منهم 200 سفر (100 رايح و 100 راجع) قولت اجرب واقيس الزيت .. لقيتة اكتر من الماكس بحوالى 1سم .. دا عادى ولا انا اللى بقيس غلط .. ... العربيه ممكن تكون مايلة شويه بس دا ممكن يعلى القياس سم بحالة

[DOCTOReng]

للأسف العامل بيفضى جركن الزيت كله فى الموتور دون الاهتمام بمقاس الزيت وهذا يحدث فى التوكيل وخارج التوكيل الا اذا أصر صاحب السيارة على رأيه . أتذكر فى مرة من عدة سنوات أخبرت العامل فى محطة بنزين أن يضع كمية معينة ويترك الباقى فى الجركن فقال لى أن هذه السيارة تأخذ الجركن كله فقلت له اعمل ما أقوله لك ويبدو أنه اعتبر هذه اهانة له ففوجئت بأنه عمل اللى فى دماغه وكأنه خبير وكانت وقعته سودة معايا حتى أننى أصريت أنه يفتح الطبة مرة أخرى ويفضى كمية من الزيت من الكارتير

[omda_asem]

للأسف العامل بيفضى جركن الزيت كله فى الموتور دون الاهتمام بمقاس الزيت وهذا يحدث فى التوكيل وخارج التوكيل الا اذا أصر صاحب السيارة على رأيه . أتذكر فى مرة من عدة سنوات أخبرت العامل فى محطة بنزين أن يضع كمية معينة ويترك الباقى فى الجركن فقال لى أن هذه السيارة تأخذ الجركن كله فقلت له اعمل ما أقوله لك ويبدو أنه اعتبر هذه اهانة له ففوجئت بأنه عمل اللى فى دماغه وكأنه خبير وكانت وقعته سودة معايا حتى أننى أصريت أنه يفتح الطبة مرة أخرى ويفضى كمية من الزيت من الكارتير

شكرا للرد
هو لو حصل كده وكان فضىا الجركن كله .. فى حاجات المفروض انى احس بيها .. لانى مش حاسس بأى مشكله .. ومعنديش مشكله فى العربيه .. بس يمكن لانى جديد واساسا مش بجرى بالعربيه .. فيمكن مخدش بالى .. انا اخرى بالعربيه كان 90 كم على الغيار الرابع .. ولو فعلا كان الزيت ازيد ربع لتر مثلا ايه الخطورة اللى ممكن تحصل

[DOCTOReng]

لو مستوى الزيت أعلى من العلامة العليا على مقاس الزيت مش ها تحس بأى حاجة لكن المشكلة ان الكرنك أثناء دورانه يصطدم بالزيت بسرعة عالية مما يغير من خواص الزيت بعد فترة صغيرة وهذا يؤثر على عمر الموتور على المدى البعيد

[omda_asem]

شكرا ياباشا والناس كان عندها حق لما قالولى بعد 100 الف ابقى غير زيت 5000 مش 10000 .. انا غالبا هقيس تانى بس فى مكان اكون متاكد انه مستوى 100 %