إعـــــــلان

Collapse

.

,
See more
See less

تغيير مياه الردياتير لرينو لوجان 2014

Collapse
X
 
  • Filter
  • الوقت
  • Show
Clear All
new posts

  • تغيير مياه الردياتير لرينو لوجان 2014

    السلام عليكم
    انا عربيتي لوجان اوتو 2014 - عاملة حتى الان 26 الف كيلو
    انا سبق وغيرت مياه ردياتير من سنة تقريباً والعربية كانت عاملة 8 الاف كيلو
    من اسبوعين وانا باغسل العربية في البنزينة العامل قاللى انها محتاجة تغيير مياه عشان المياه الموجودة مصدية
    فهل فعلاً ضروري اغيرها؟ واغيرها بنوع ايه؟ وتكلفة التغيير كام تقريباً في البنزينة؟

    استفسار تاني رجاءً: ايه الاماكن اللى اقدر اجيب منها اكسسوار للرينو وخاصة اللوجان وتكون قريبة من المعادي؟

    وجزاكم الله خيراً
    محمد كرم

  • #2
    دول شوية نصابين الماية دي بتتغير بس مع صيانة الستين كل 3 سنين او 4 سنين او 60 الف كيلو
    انما الماية اللي هي فيها اللي هي اصلا توتال الحمرا ... دي اصلا فيها مواد مانعة للصدا والكلام ده كلام
    ما تسمعش حضرتك لاي حد خاصة بتوع البنزينات دول شوف التوكيل بيعمل ايه واعمل زييه ثم انك لسه في الضمان ماية ايه اللي تتغير دي

    Comment


    • #3
      فين البنزينة دى .

      كلام جورج صح
      لو عندك صدا روح التوكيل
      واصلا المياة تتغير على 50 كمتوسط للعربيات تزيد او تقل حسب الماركة
      لكن مش 20 وكل سنة
      لو عايز حد ثقة
      بنزينة موبيل اللى فى اول ش الطيران من ناحية رابعة
      عم جعفر هناك وهو امين
      الجمعة اجازة
      باقى الاياام من 5
      يشوف المياة ويقولك
      A.Saad

      Comment


      • #4
        أولا لك وحشة يا أستاذ محمد فينك واحشنا
        ثانيا تصدق بالله أنا المية عندى بزودوها كل صيانة فى التوكيل حاجة بتاعة ربع كوباية ميه اللى قاللك أن الميه تتغير أول مرة ده نصاب و دى أشتغالة من الناس بتوع محطة البنزين
        صدى أيه ياعمنا دى عربية ماكنلتش سنة و نص عايز تريح دماغك روح التوكيل و خليه يغير لك الميه بالكامل و بعد كده ماتقربش منها و لو حد قاللك بعد كده الميه فى صدى قوله أنا عايزها كده هو فى أحلى من الميه المصدية فى ردياتير العربية
        [COLOR=red][fot1]
        [COLOR=red][blur][COLOR=red]عادل ادريس[/COLOR][/blur][/COLOR]
        [/fot1][/COLOR]

        Comment


        • #5
          شكراً georgedada82 و A.Saad و adel_edrees على الرد
          انا فعلاً غيرت الماية في بنزينة كالتكس وكانت نصباية محترمة للاسف عشان كنت يادوب لسه جديد في العربيات مكملتش كام شهر
          ولكن المرة دي قلت اسأل واعرف الاول من ناس عندها خبرة زي حضراتكم - والحمد لله استفدت منكم كتير ربنا يبارك فيكم
          البنزينة دي بنزينة وطنية على الاوتوستراد قبل نزلة زهراء المعادي - وسبحان الله العامل اللى قاللى على تغيير الماية هو هو اللى نصب عليا في المرة الاولي في بنزينة كالتكس - شاب رفيع كده بنضارة

          المشاركة الأصلية كتبت بواسطة adel_edrees مشاهدة المشاركة
          أولا لك وحشة يا أستاذ محمد فينك واحشنا
          الله يكرمك يا استاذ عادل وشكراً جداً لذوق حضرتك - عندي زنقة الفترة الاخيرة دي في الشغل

          الله المستعان
          محمد كرم

          Comment

          Working...
          X