طرنبة ابنزين !!!

[Egyzizo]

لوجان 2010 - ماشية 120 الف كيلو

امبارح وانا بادور العربية الصبح عاكست شوية .. تحس انها عايزة تدور وتبطل على طول، يعنى المارش مش بيلف على الفاضى ، لأ ، بتبقى خلاص هتدور تقوم تبطل على طول.
4 ، 5 مرات كده ودارت
مع العلم ان البوابة اللى راكبة هى البوابة الألومنيوم الجديدة
باقى اليوم العربية مشيت كويس
كدا داخلين ف طرنبة واللا ايه؟

وتحسبا لو كانت طرنبة ..
هى طرنبة البنزين بكام ومن فين؟
وحكاية تغيير الموتور فقط ، ايه هو الموتور اللى المفروض نجيبه؟

[ali_333]

نفس الحالة بتاعتي بالظبط شوف الموضوع http://www.nilemotors.net/Nile/485985-180.html

[Egyzizo]

شكرا على نقل تجربتك ، طيب معلش يا ريت تقول لى لما فكيت الغطا البلاستيك الأسود اللى بيربط الطرمبة ، هل كان فيه جوان أو أستك ؟

لأنى من ساعة ما الطرنبة اتفكت واتربطت اخر مرة ، وكل ما اجى افول بنزين بعد التكة الأولى ، البنزين بيخرج من حوالين الغطا ده.

[ali_333]

شكرا على نقل تجربتك ، طيب معلش يا ريت تقول لى لما فكيت الغطا البلاستيك الأسود اللى بيربط الطرمبة ، هل كان فيه جوان أو أستك ؟

لأنى من ساعة ما الطرنبة اتفكت واتربطت اخر مرة ، وكل ما اجى افول بنزين بعد التكة الأولى ، البنزين بيخرج من حوالين الغطا ده.

لا شكر على واجب
ايوة لما تفك الغطا البلاستيك اللي تحت الكرسي هتلاقي غطا ألاووووظ مثبت الترمبة عشان متتهزش ولا تتحرك ده لما تفكه وانت بتشد الطرمبة هتلاقي جوان دائري الترمبة ساندة عليه عشان يمنع تسريب ريحة البنزين او البنزين نفسه لان الترمبة بلاستيك لو حطتها كده وخلاص على حديد العربية مينفعش هتسرب ريحة وبنزين

[Egyzizo]

أشكرك ، طيب هو الجوان الدائرى ده وارد انه يقع جوه التانك عند فك الطرنبة؟
لأن فيه ميكانيكى فك الطرنبة لأول مرة من شهرين للاشتباه فى انها بايظة ، بس كانت المشكلة مش فى الطرنبة وكانت المشكلة ان العربية بطلت عشان التانك كان فاضى تماما ، فربطها تانى ، وماطلعهاش حتى بره العربية ومن ساعتها والبنزين بيسقط من حواليها لما بافول للآخر. رحت لميكانيكى تانى وفكيتها امبارح وخليته يربطها كويس ، بس ماكانش فيه أي جوانات. أنا متحير ، الميكانيكى الأولانى ودا الجوان فين.

[ali_333]

أشكرك ، طيب هو الجوان الدائرى ده وارد انه يقع جوه التانك عند فك الطرنبة؟
لأن فيه ميكانيكى فك الطرنبة لأول مرة من شهرين للاشتباه فى انها بايظة ، بس كانت المشكلة مش فى الطرنبة وكانت المشكلة ان العربية بطلت عشان التانك كان فاضى تماما ، فربطها تانى ، وماطلعهاش حتى بره العربية ومن ساعتها والبنزين بيسقط من حواليها لما بافول للآخر. رحت لميكانيكى تانى وفكيتها امبارح وخليته يربطها كويس ، بس ماكانش فيه أي جوانات. أنا متحير ، الميكانيكى الأولانى ودا الجوان فين.

وارد ياباشا انها توقع لاني وانا بركب الطرمبة مخدتش بالي والجوان كان عاوز يوقع بس الحمد لله لحقته هو جلدة دائرية رفيعة قطرها كبير زي قطر الطرمبة كبير يعني قول 3 اضعاف حجم الاستك العادي اللي بنربط بيه باكو الفلوس

وممكن ميكنش وقع يكون الجوان ملبسش كويس مع الطرمبة

[Egyzizo]

لأ ، أنا فكيتها امبارح ومالقيتش جوانات خالص. بس مافكرتش ابص جوه التنك عشان كان مليان على الآخر.
انا هاستنى لما التنك يفضى شوية وافكها تانى واحاول امد ايدي جوه التنك ادور عليه.

أنا عرفت شكله فعلا من الفيديو ده فى الدقيقة التالتة :

https://www.youtube.com/watch?feature=player_detailpage&v=-2NapiPrP3E

[ali_333]

لأ ، أنا فكيتها امبارح ومالقيتش جوانات خالص. بس مافكرتش ابص جوه التنك عشان كان مليان على الآخر.
انا هاستنى لما التنك يفضى شوية وافكها تانى واحاول امد ايدي جوه التنك ادور عليه.

أنا عرفت شكله فعلا من الفيديو ده فى الدقيقة التالتة :
https://www.youtube.com/watch?featur...&v=-2NapiPrP3E

متابع معاك ابقى طمني عملت ايه

[Egyzizo]

متابع معاك ابقى طمني عملت ايه

الجوان كان واقع جوه التانك فعلا
طلعته وركبته وكله بقى تمام.