ايه معنى لمبة الاعطال دي

[beginner1983]

اللمبه بتنور معايا في السفر بس لكن جوه المدينه المشاوير بسيطه مش بتنور خالص. لما بتنور في السفر العربيه بتبقى طبيعيه جدا . لما بقف بالعربيه واجيب ال n بتروح ولما ارجع امشي واعدي سرعه ٩٠ بترجع تاني . ملحوظه انا من المنصوره ومشوار التوكيل ده صعب عشان شغلى . السياره سانديرو ٢٠١٤ شكل قديم اوتوماتك. يا ريت حد يقدر يفيدني اعمل ايه[ATTACH][ATTACH]12808[/ATTACH][/ATTACH]

[besso]

Electronic. Fault العربيه فيها مشكله ومحتاجه يتكشف عليها بالجهاز عشان تشوف ايه المشكله

[beginner1983]

لازم يعني ولا استنى للصيانه. انا مش بسافر كتير ومافيش اي مشاكل في المدينه

[assaf]

اللمبه دي معناها اما مشكله كهرباء او البوابه . غير البنزينه اللي بتمون منها جايز يكون البنزين مش نظيف و ياريت تحط منظف للرشاشات لو مظبطتش يبقي تروح التوكيل اضمن

[mkaram84]

اللمبة دي فعلاً معناها Electronic. Fault
والأفضل لك انك ما دمت لسه في الضمان تروح للتوكيل في اسرع وقت ممكن
نفس اللمبة دي نورت معايا من سنة تقريباً ولما رحت التوكيل في صيانة ال 30 الف قلتلهم على اللمبة دي - وبعد الكشف غيرولي مكنة الستوب

http://www.nilemotors.net/Nile/470826-a.html

[beginner1983]

اللمبة دي فعلاً معناها electronic. Fault
والأفضل لك انك ما دمت لسه في الضمان تروح للتوكيل في اسرع وقت ممكن
نفس اللمبة دي نورت معايا من سنة تقريباً ولما رحت التوكيل في صيانة ال 30 الف قلتلهم على اللمبة دي - وبعد الكشف غيرولي مكنة الستوب
http://www.nilemotors.net/nile/470826-a.html

يعني ايه مكنه الاستوب

[ashrafsaied]

السلام عليكم و رحمة الله و بركاته
الكاتالوج بيقول
الشكل الى فوق لو نور برتقالى يبقى امشى بحرص وتابع اداء وعدادات العربيه واكشف فى اسرع وقت ممكن
اما لو نور أحمر اركن وطفى المكنه ولا تعيد تشغيلها واتصل بالصيانه
اما الشكل الى تحت دا سخان للمكن الديزل