إعـــــــلان

Collapse

.

,
See more
See less

اشتريت لوجان 2016 اول فئه

Collapse
X
 
  • Filter
  • الوقت
  • Show
Clear All
new posts

  • اشتريت لوجان 2016 اول فئه

    واخيرا وبعد ما دفعت الي ورايا والي قدامي جبتها ب130000 ج
    كان نفسي في اوبشن اكتر بس يلا الحمد لله احسن من الشاهين الي كنت راكبها
    وعلي ذكر الشاهين انا مش فاهم حاجه في العربيه الرينو كلها كومبيوتر وماسك الكاتالوج بتاع 200ورقه عمال اذاكر فيه
    وموضوع الrpm في كلام كتير انه مهم بس انا مش فاهم حاجه فيه وخصوصا لو في اعطال ممكن تبان منه
    وفي حاجه مضيقاني اني مش شايف ابعاد العربيه من قدام انا اول ماركبت بسال هو فين الكابوت
    مش لاقيه والركنه برضه رخمه شويه
    في اسلاك تحت الكرسي متوصله بيه معرفش بتاعه ايه
    وقريت في الكاتالوج عن سينسور لضغط الكوتشات معرفش ده عندي ولا في الفئات التانيه
    وعايز اعرف صيانه الالف كيلو بتتعمل فين وبكام وزاي احجز
    دواسه البنزين اوطي من دواسه الفرامل معرفش ده عادي ولا لا
    وهل سواقه الرينو الاوتوماتيك اني اجيب الفتيش علي الD وادوس بنزين واسبها تمشي ولا في حاجات المفروض اخد بالي منها وانا سايق عشان افهم العربيه واعرف قدراتها
    ياريت ياجماعه الي يعرف اي معلومه يكتبها عشان شكلي عايز كورس تدريب في العربيه دي

  • #2
    الف مبروك يا باشا
    ربنا يباركلك فيها ويكغيك شرها
    بالنسبه للفتيس حط على ال d ومتشغلش بالك ودوس حسب الحاجة
    والابعاد حتتعود علبها لا تقلق ولو عايز ركب سنسور بارك او كاميرا خلفيه او الاثنين عادى المهم الكهربائى يكون محترم ودا مهم جدااااااا
    والاسلاك اظن انها خاصه بحزام الامان
    اما بالنسبه للصيانه اتصل بالتوكيل الاول احسن
    والله اعلم

    Comment


    • #3
      الف مبروك انا عايز اشتريها وفلوسها معايا بس متردد يا ريت اللي جرب يقولي رايه

      Comment


      • #4
        الطريقة الصحيحة للتعامل مع الفتيس الاوتوماتيك للوجان والسانديرو 2016

        المشاركة الأصلية كتبت بواسطة وطني مصري مشاهدة المشاركة
        واخيرا وبعد ما دفعت الي ورايا والي قدامي جبتها ب130000 ج
        كان نفسي في اوبشن اكتر بس يلا الحمد لله احسن من الشاهين الي كنت راكبها
        وعلي ذكر الشاهين انا مش فاهم حاجه في العربيه الرينو كلها كومبيوتر وماسك الكاتالوج بتاع 200ورقه عمال اذاكر فيه
        وموضوع الrpm في كلام كتير انه مهم بس انا مش فاهم حاجه فيه وخصوصا لو في اعطال ممكن تبان منه
        وفي حاجه مضيقاني اني مش شايف ابعاد العربيه من قدام انا اول ماركبت بسال هو فين الكابوت
        مش لاقيه والركنه برضه رخمه شويه
        في اسلاك تحت الكرسي متوصله بيه معرفش بتاعه ايه
        وقريت في الكاتالوج عن سينسور لضغط الكوتشات معرفش ده عندي ولا في الفئات التانيه
        وعايز اعرف صيانه الالف كيلو بتتعمل فين وبكام وزاي احجز
        دواسه البنزين اوطي من دواسه الفرامل معرفش ده عادي ولا لا
        وهل سواقه الرينو الاوتوماتيك اني اجيب الفتيش علي الD وادوس بنزين واسبها تمشي ولا في حاجات المفروض اخد بالي منها وانا سايق عشان افهم العربيه واعرف قدراتها
        ياريت ياجماعه الي يعرف اي معلومه يكتبها عشان شكلي عايز كورس تدريب في العربيه دي
        مبرووووووك من الاعماق وبالتوفيق يارب



        الطريقة الصحيحة للتعامل مع الفتيس الاوتوماتيك للوجان والسانديرو 2016 الشكل الجديد كليا

        لازم تركيز عالى مع صوت الفيديو والتحكم بالفتيس !!


        Comment


        • #5
          المشاركة الأصلية كتبت بواسطة Colin Chapman مشاهدة المشاركة
          مبرووووووك من الاعماق وبالتوفيق يارب



          الطريقة الصحيحة للتعامل مع الفتيس الاوتوماتيك للوجان والسانديرو 2016 الشكل الجديد كليا

          لازم تركيز عالى مع صوت الفيديو والتحكم بالفتيس !!


          مش دا الفتيس المستخدم في مصر ! اللوجان في مصر بستخدم فتيس اسمه DPO اللي كان في الميجان و الكليو اتوماتيك !

          الEasy R دا AMT مانيوال من غير دبرياج !

          Comment


          • #6
            الEasy R دا AMT مانيوال من غير دبرياج !

            المشاركة الأصلية كتبت بواسطة Yehya Badr مشاهدة المشاركة
            مش دا الفتيس المستخدم في مصر ! اللوجان في مصر بستخدم فتيس اسمه DPO اللي كان في الميجان و الكليو اتوماتيك !

            الEasy R دا AMT مانيوال من غير دبرياج !
            لو كلام سيادتك صحيح يبقى يا ريت يكون هو ده اللى كان ينزل مصر !!!!
            الEasy R دا AMT مانيوال من غير دبرياج !

            Comment


            • #7
              الف مبروك يا ياباشا وربنا يبارك لك فيها
              موضوع الكبوت ده في كل العربيات الجديدة لابتشوف كبوت ولا شنطة
              ده التصميم الجديد
              انت بس اللى متعود على القديم لما كان كرسي السواق اعلى من الكبوت
              واحدة واحدة هتتعود
              وي ابعادها زي ابعاد الشاهين
              اعتبر نفسك لسه راكب الشاهين لحد ما تتعود

              الفتيس الاوتوماتيك مفيهوش مشكلة بس مش بيحب الرجل التقيله
              يعني تجيب الd وتاخد الدواسة واحدة واحدة ومتضغطش على الدواسه لاخرها الا لو اتزنقت في غرزة
              لان الفتيس بيحس بالدواسه
              الضغطة الجامدة للاخر بتخلي الموتور يجمع اسرع وتخلى النقلة على عدد لفات موتور اعلى يعني حرق على الغيار ومتعملش كده الا لو اتزنقت في غرزة انما غير كده خده واحد واحده
              الاهم انك قبل ما تدي اي غيار تدوس فرامل الاول منعا ان العربية تنط منك او تتحرك وانت في مكان مزنوق
              انما لو الشارع فاضي عادي براحتك

              دواسة البنزين اوطى من دواسة الفرامل ده العادي جدا
              والطبيعي ان دواسة الفرامل هي اعلى دواسة وده مقصود عشان لو حصل موقف مفاجئ متقومش تدوس بنزين بالغلط
              لان الفرامل هي الاعلى وهي اللى هتقابلها الاول

              الصيانه بتتعمل في رينو ابو رواش - او الميكانيكيون العرب
              كلم الخط الرقم المختصر بتاع رينو وهما هيقولوا لك

              متهيالى مفيش صيانه 1000
              اول صيانه هي ال10000

              بخصوص الاعطال متشغلش بالك انت لسه العربية زيرو انسى بقى الشاهين انك كل اسبوع لازم تروح تصبح على الميكانيكي

              وبخصوص الاعطال اطمن لان الرينو لو دبانه وقفت على الزجاج بيديك اشاره ويقولك هش الدبانه
              كل حاجة فيها بتظهر في التابلوه متشغلش دماغك

              وربنا يبارك لك فيها

              Comment


              • #8
                مبروك اولا
                بس 130 الف الفئة الاولي !

                Comment


                • #9
                  مبروك ياباشا وربنا يكفيك شرها
                  انا ليا سؤال بعد ازنك فى الفئة الاولى دى هى 2 ايرباج صح ؟

                  Comment


                  • #10
                    الف مبروك..

                    Comment


                    • #11
                      اولا الف مبروك
                      وربنا يديك خيرها ويكفيك شرها.

                      ثانيا حضرتك تقصد الفئة الاولى فى الفئات الاربعة للاوتوماتيك؟
                      لأن فيه فئتين مانيوال غيرهم.

                      Comment

                      Working...
                      X