قطع غيار اللوجان 2016

[Mohamed EG]

اخر اسعار بعض قطع الغيار من التوكيل
لاتعليق على عربية المفروض انها اقتصادية
.....
كبود 2887.5
مفصلات كبود 835
كالون كبود 715
صدر صاج 2420
شاسيه اكصدام حديد 1628
اكصدام امامي 2227.5
كشاف امامي 1507
رفرف امامي 1157
شبكة اكصدام سفلية 1265
فانوس شبورة 1050

والمفجأة الكبيرة علامة الرينو بالاكصدام الامامي 1232 !!!!
علي اساس انها علامة مرسيدس مثلا

الاسعار دي الشهر الحالي 8/2016 بالضريبة

علي كدا اسعار قطع الغيار للسيارات المنافسة زي
نيسان صني
بيجو 301
بروتون جين 2 او بيرسونا
شيفوليه اوبترا
سوزوكس سياز
كدا برضو ولا فى استهبال من رينو

[tasaka]

كدا برضو ولا فى استهبال من رينو

اعتقد كلمه " استحمار " للعميل هى الوصف الادق

العربيه اللوجان دى عمرى ما قدرت اهضمها نهائى

[Yehya Badr]

حضرتك روح و هات اسعار قطع الغيار العربيات التانية مع مراعاة الأتي

1) أنها متوفرة في التوكيل مش تعالي كمان اسبوع و حضرتك لازم تروح المركز الاصلي
2) صناعة و مواصفات وجودة مش قطع غيار انتاج مصانع بير السلم زي موديل مصري مشهور

و حط الأرقام و قولنا رأيك

[adel_edrees]

أعتقد أنها متقاربة أن لم تكن أعلى حضرتك ذكرت البيرسونا و الجين 2 أعتقد أن الأتنين دول بالذات أسعار قطع غيارهم بلا منافس

[Colin Chapman]

اعتقد كلمه " استحمار " للعميل هى الوصف الادق

العربيه اللوجان دى عمرى ما قدرت اهضمها نهائى

[Mohamed EG]

بس بصراحة قطع غيار اللوجان كلها اوروبي وجودة عالية
ايطالي ، الماني، فرنساوي،تركي، اسباني علي حسب القطعة
.......
مشكلة الاسعار فى توافر العملة
وبالاخص ان استيراد القطع من اوروبا يعني عملة اليورو
مش دولار الى ممكن تجيبو ولو سوق سودا.

[Colin Chapman]

القائمة السوداء للمحلات والتجارالجشعين والحرامية.

بس بصراحة قطع غيار اللوجان كلها اوروبي وجودة عالية
ايطالي ، الماني، فرنساوي،تركي، اسباني علي حسب القطعة
.......
مشكلة الاسعار فى توافر العملة
وبالاخص ان استيراد القطع من اوروبا يعني عملة اليورو
مش دولار الى ممكن تجيبو ولو سوق سودا.

اولا القائمة السوداء للمحلات والتجارالجشعين والحرامية.
1- ميشيل حليم ( رينو هوم ) بتاع شارع الترعة البولاقية - شبرا ( ودا من غير مبالغة هو اللي كره الناس في الرينو نتيجة انه بيبيع باسعار غالية جداااااااااااا وبيبيع الصيني على انه فرنساوي يعيني جشع ونصب في نفس الوقت )
2- ادوار فريد بتاع شارع رمسيس اللي عند نزلة معروف كوبري 6 اكتوبر( اسعارة مبالغ فيها ولو واحد زيه سيطر على السوق هيعذب ملاك الرينو ويبهدلهم)
3- محل اسمه رينو منصور في 150 الترعة البولاقية - شبرا بيروح يجيب شغلة من التوفيقية ويبيع بهامش ربح اكتر من 200%(وخصوصا عنده واحد اسمه عصام انتهازي جدااااااااا)
4- اسحاق اسكندر في شارع البورصة في سوق التوفيقية في وسط البلد عايز يبيع جوان غطا التاكيهات الصيني ابو 7 جنية بـ 30 جنية ( ودا راجل كبير وعفى عليه الزمن وفاكر نافسة في ايام السبعينات لما كان هو ومشيل حليم وادوار فريد بس اللي في السوق وبيبيع الحاجة باربع اضعاف سعرها ويمكن اكتر زي الحرامي اللي اسمه ميشيل حليم)
5- رينو المهندسين في شارع وادي النيل في المهندسين بعد النفق مباشرة ( نفس حشو العصايا الفتيس في التوفيقية بـ 35 وعنده بـ65 )
6- محل ماضي في 7شارع زكي في منطقة التوفيقية - اسمه ماهر عياد ( بيروح يجيب قطعة الغيار من عند غيرة ( ويكذب ويقول هجيبها من المخزن) ويبعهالك اغلى بكتير ولو القطعه فيها حاجة وحبيت ترجعها يقولك اصل انا جايبها من برة ومش هعرف ارجعها
7- محل توشكى فرانس بردو بتاع ماهر عياد اللي في رقم 6 بجوار جريدة الجمهورية
8- الصاوي في الوكالة لازم تفاصل معاه في اكتر من نصف الثمن.


اما التجار اللي انا اتعاملت معاهم ولمست فيهم الامانة وهامش ربحهم مقبول هم كالتالي:
1- مدحت ومحسن وديع - رقم 1 في الاسعار والمعاملة المحترمة - سنتر ابو غالي التوفيقية
2- نعيم زاخر ورضا اسعارهم مقبولة ومحترمين - سنتر ابو غالي في التوفيقية
3- جمال البدري - احسن من غيره واسعارة معقولة بس لو انت مش عارف القطعة كويس ممكن تروح وتيجي اكتر من مرة لانه بيجرب وبيجتهد احيانا
4- محل اسمه رينو عين شمس امام احمد عصمت بالنسبة للقطاعي تعتبر اسعارهم كويسة
5- محل سان جورج ودا في شارع عين شمس بعد النفق قريب جدا من رينو عين شمس وبردوا بالنسبة للقطاعي اسعارهم معقولة.

منقول

[Colin Chapman]

tasaka

tasaka

[adel_edrees]

اعتقد كلمه " استحمار " للعميل هى الوصف الادق

العربيه اللوجان دى عمرى ما قدرت اهضمها نهائى

اللوجان دى عمرى ما قدرت اهضمها نهائى ليه ؟؟؟؟؟؟؟؟؟؟؟؟؟؟؟ زمان من خمس سنين كانت العربية ب 71000 زيرو و كانت الأوتوماتيك ب 78000 و كانت نازلة بمواصفات و كماليات هايلة و كانت المنافسة محصورة بين خمس عربيات هى ثلاثة صينى بي واى داى و سبيرانزا أيه 516 و شيفروليه لانوس و لوجان و بروتون ساجا أحسنهم كانت اللوجان طبعا بلا نظير لكن دلوقتى بسعرها الحالى أن ما أشتريهاش غير كده أنا كان لى سابق تجربة فى الموضوع ده اللى هو موضوع قطع الغيار أنا المرايا أتكسرت سألت تعليها فى التوكيل و كانت الأجابة كالتالى
المرايا 1200 10 % ضريبة مبيعات 1320 + فك وتركيب 300 جنيه مصنعية فك وتركيب و 250 جنيه دهان للجزء اللى فى المرايا اللى هو أصلا ممكن يتفك من القديمة و يتغير لوحده و العربية تفضل عندهم يومين يعنى داخلين على الفين جنيه ايه رأيك أنا جبت المرايا تايوانى من صقر قريش ب 260 جنيه كهرا و الراجل خد 30 جنيه فك و تركيب فى صقر قريش برضه و 10 جنيه بقشيش مع فك الضهر اللى بلون العربية و تركيبه فى المرايا الجديدة نفس اللى حصل ده حصل فى الأزاز الأمامى سألت عليه فى التوكيل 2000 جنيه تركيب مع بقشيش فى د جريش 400 جنيه التوكيل انا بأروح له و ما زلت فى الصيانة الدورية و الأعطال لكن أكتر من كده لأ على فكرة مشكلة اللوجان أن القديمة قطع غيارها متوفرة عن الجديدة و أرخص كمان . المشكلة التانية هى أك لو روحت تشترى ردياتير للفيرنا و ده عن تجربة شخصية لقيت الراجل بيقوللى أن عنده أكتر من ست أنواع ردياتير صينى و تايوانىو ماليزى و كورى درجة أولى و تانية و تالتة الموضوع ده بيدى للعميل حرية أتخاذ القرار مابين أنواع كتيرة وأو هكذا يهيأله لكن اللوجان قطع غيارها مصدرها أتنين تركى أو فرنسى و ده بيخلى العميل بيعتقد أن الموضوع ان قطع غيار اللوجان غالية لكن علينا أن نقارن قطع الغيار اللى ذكرها أخونا الفاضل صاحب الموضوع مع قطع غيار عربيات فى نفس الفئة السعرية ( شيقرولية أوبترا سوزوكى سياز بيجو 301 سيتروين أليزيه سكودا رابيد نيسان صنى - بوتون جين 2 و بيرسونا ) مع ملاحظة أن سعر اللوجان الأوتوماتيك كاملة وصل الأن 161000 و شقيقتها السانديرو ستيب واى 171000 العربيات عاليه سعرها يتراوح بين 145000 و 175000 أى فى نفس الفئة السعرية أعتقد أن حضرتك لو روحت لأى توكيل من التوكيلات بتاعة العربيات المذكورة عاليه الأرقام ممكن تبقى متقار بة مع الأرقام اللى ذكرها صاحب الموضوع أن لم تكن أزيد هذا ليس دفاعا عن العربية و أسف على الأطالة

[ahmed rabei]

السلام عليكم وشكر وتقدير لكل اعضاء المنتدى الكرام
قدامى لوجان mcv 7 راكب اوتماتيك
والميكانيكى خذرنى من قطع الغيار وقالى يعر الكوبلن او ال 2 ب 4000 جنيه

رجاء اﻹفاده ودمتم بخير

[tasaka]

اللوجان دى عمرى ما قدرت اهضمها نهائى ليه ؟؟؟؟؟؟؟؟؟؟؟؟؟؟؟ زمان من خمس سنين كانت العربية ب 71000 زيرو و كانت الأوتوماتيك ب 78000 و كانت نازلة بمواصفات و كماليات هايلة و كانت المنافسة محصورة بين خمس عربيات هى ثلاثة صينى بي واى داى و سبيرانزا أيه 516 و شيفروليه لانوس و لوجان و بروتون ساجا أحسنهم كانت اللوجان طبعا بلا نظير لكن دلوقتى بسعرها الحالى أن ما أشتريهاش غير كده أنا كان لى سابق تجربة فى الموضوع ده اللى هو موضوع قطع الغيار أنا المرايا أتكسرت سألت تعليها فى التوكيل و كانت الأجابة كالتالى
المرايا 1200 10 % ضريبة مبيعات 1320 + فك وتركيب 300 جنيه مصنعية فك وتركيب و 250 جنيه دهان للجزء اللى فى المرايا اللى هو أصلا ممكن يتفك من القديمة و يتغير لوحده و العربية تفضل عندهم يومين يعنى داخلين على الفين جنيه ايه رأيك أنا جبت المرايا تايوانى من صقر قريش ب 260 جنيه كهرا و الراجل خد 30 جنيه فك و تركيب فى صقر قريش برضه و 10 جنيه بقشيش مع فك الضهر اللى بلون العربية و تركيبه فى المرايا الجديدة نفس اللى حصل ده حصل فى الأزاز الأمامى سألت عليه فى التوكيل 2000 جنيه تركيب مع بقشيش فى د جريش 400 جنيه التوكيل انا بأروح له و ما زلت فى الصيانة الدورية و الأعطال لكن أكتر من كده لأ على فكرة مشكلة اللوجان أن القديمة قطع غيارها متوفرة عن الجديدة و أرخص كمان . المشكلة التانية هى أك لو روحت تشترى ردياتير للفيرنا و ده عن تجربة شخصية لقيت الراجل بيقوللى أن عنده أكتر من ست أنواع ردياتير صينى و تايوانىو ماليزى و كورى درجة أولى و تانية و تالتة الموضوع ده بيدى للعميل حرية أتخاذ القرار مابين أنواع كتيرة وأو هكذا يهيأله لكن اللوجان قطع غيارها مصدرها أتنين تركى أو فرنسى و ده بيخلى العميل بيعتقد أن الموضوع ان قطع غيار اللوجان غالية لكن علينا أن نقارن قطع الغيار اللى ذكرها أخونا الفاضل صاحب الموضوع مع قطع غيار عربيات فى نفس الفئة السعرية ( شيقرولية أوبترا سوزوكى سياز بيجو 301 سيتروين أليزيه سكودا رابيد نيسان صنى - بوتون جين 2 و بيرسونا ) مع ملاحظة أن سعر اللوجان الأوتوماتيك كاملة وصل الأن 161000 و شقيقتها السانديرو ستيب واى 171000 العربيات عاليه سعرها يتراوح بين 145000 و 175000 أى فى نفس الفئة السعرية أعتقد أن حضرتك لو روحت لأى توكيل من التوكيلات بتاعة العربيات المذكورة عاليه الأرقام ممكن تبقى متقار بة مع الأرقام اللى ذكرها صاحب الموضوع أن لم تكن أزيد هذا ليس دفاعا عن العربية و أسف على الأطالة

العربيه دى لو كان سعرها بسيط ( زى ما انت بتقول كانت ب 71000 ) كنت افهم و اقدر انها مناسبه لسعرها .. و اتفق مع رأى من يريد شرائها نسبيا .. يعنى كنت قدرت اهضمها شويه

و لما تكون عربيه ب 71 الف لمن يرغب فى سياره زيرو على قدر امكانيته .. يبقى موش المفروض نهائى ان قطع اسعار غيارها تبقى اسعار خمس نجوم .. لان اصلا ده ضد فكره تسويقها بسعر منخفض

اما بالاسعار الخزعبليه دى .. لا طبعا .. يعنى لو حكمت احط 20 او 30 الف زياده و اجيب حاجه احسن ( فلوسها فيها )

معلش ده رأيئ الشخصى .. كل انسان له خبرته و تجاربه .. و ده رأيئ فى العربيه دى .. و على فكره انا كنت بافكر فى عربيتين و درستهم كويس هم السنترا و الفلوانس

روح موقع اختبارات السلامه الاوروبيه و دور على موديل لوجان تحي اسم رينو .. موش حتلافيه .. اختباراتها تحت اسم داشبا موش رينو

يعنى الميجان و الفلونس حاجه .. و اللوجان حاجه تانيه .. بصراحه موش بعتبرها رينو

طبعا مع كامل الاحترام و التقدير لجميع الاراء المخالفه

تحياتى و تقديرى

[Yehya Badr]

1) للمرة المليون داتشيا شركة مملوكة لرينو من التسعنيات و منذ نشأة داتشيا في الستنيات كانت تستخدم تكنولوجيا فرنسية زيها زي النصر و شركة فيات !
2) تقدر حضرتك تقولي كام عربية نسيان صني و لا اسبيرانزا اتصدروا من مصر لدول ثانية ؟ لاحظ أن الجمارك علي المنشأ المصري صفر في اتفاقية اغادير ( مغرب-مصر - تونس - الاردن ) صفر ! لية جودة مافيش ! فمعلهش الكلام عن الاختبارات الأمان الاوروبية دا يعتبر مستوي تاني في التعامل و مقارنة من غير اساس لأن كل العربيات في مصر مش مطابقة إلا من رحم ربي !

[ahmed rabei]

السلام عليكم وشكر وتقدير لكل اعضاء المنتدى الكرام
قدامى لوجان mcv 7 راكب اوتماتيك
والميكانيكى خذرنى من قطع الغيار وقالى يعر الكوبلن او ال 2 ب 4000 جنيه

رجاء اﻹفاده ودمتم بخير

[adel_edrees]

العربيه دى لو كان سعرها بسيط ( زى ما انت بتقول كانت ب 71000 ) كنت افهم و اقدر انها مناسبه لسعرها .. و اتفق مع رأى من يريد شرائها نسبيا .. يعنى كنت قدرت اهضمها شويه

و لما تكون عربيه ب 71 الف لمن يرغب فى سياره زيرو على قدر امكانيته .. يبقى موش المفروض نهائى ان قطع اسعار غيارها تبقى اسعار خمس نجوم .. لان اصلا ده ضد فكره تسويقها بسعر منخفض

اما بالاسعار الخزعبليه دى .. لا طبعا .. يعنى لو حكمت احط 20 او 30 الف زياده و اجيب حاجه احسن ( فلوسها فيها )

معلش ده رأيئ الشخصى .. كل انسان له خبرته و تجاربه .. و ده رأيئ فى العربيه دى .. و على فكره انا كنت بافكر فى عربيتين و درستهم كويس هم السنترا و الفلوانس

روح موقع اختبارات السلامه الاوروبيه و دور على موديل لوجان تحي اسم رينو .. موش حتلافيه .. اختباراتها تحت اسم داشبا موش رينو

يعنى الميجان و الفلونس حاجه .. و اللوجان حاجه تانيه .. بصراحه موش بعتبرها رينو

طبعا مع كامل الاحترام و التقدير لجميع الاراء المخالفه

تحياتى و تقديرى

أسمح لى فى البداية أن أشكرك على كلامك الصريح و بصراحة أستحضرت من الذاكرة رد قمت بالرد على صاحب موضوع كان عامله واحد زميلنا هنا فى القسم و أرجو ان حضرتك تعتبر أن كلامى ده مجرد أجتهادات
__________________________________________________ ___________________





الموضوع ده تجربة شخصية اللى عايز يستفيد يستفيد و أنا نيتى خالصة لوجه الله تعالى
لقد أخذت وقت كبير و مش عارف أردأقول أيه و لكن تعالوا نشوف أولا ماهى اللوجان
داتشيا لوغان 2004-2012 (أه داتشيا فى حاجة )
الشركة المصنعة رينو لوجان
الشركة الأم مجموعة رينو الأنتاج تم على مرحلتين بشكلين مختلفين
الإنتاج مرحلة 1 : 2004--- 2008
مرحلة 2 : 2008---2012
سيارة من الفئة الأقتصادية و أكرر من الفئة الأقتصادية موجهة لفئة معينة من البشر اللى هو عايز عربية معقولة بتمن معقول موجهة لفئة عمرية معينة موجهة للعائلة موجهة لبلاد معينة (البلاد التى يتم التجميع بها رومانيا ـ روسيا ـ كولومبيا ـ إيران ـ الهند ـ البرازيل - المغرب و تنتج فى المكسيك تحت أسم نيسان أبريو )فيها طبيعة بشر أقتصادى عربية أقتصادية من الأخر
أنا قبل ما أشتريها كنت بأقول أيه العك ده عربية متصنعة فى رومانيا ملصوق عليها علامة رينو متجمعة فى المغرب زى ماحضرتك كنت بتقول كده برضه و بعدين قلت داتشيا بدعم رينو و ألا لانوس موتور صينى و شاسيه عفا عليه الزمن و ألا فيرنا موتور قوى جدا و شاسيه مش نفس قوة الموتور برضه أنت بتقارن مابين عربيات فى نفس الفئة السعرية يعنى ماينفعش تقول باقارنها بتويوتا أو بنيسان أو بلانسر و بعدين لما عربيتى أتخبطت (شاهين 2001) فاضية و بعدين أنا ركبت لها تكييف(أكتر حاجة كنت بأدور عليها التكييف يكون كويس ) المهم علشان ما أطولش على حضرتكوا أنا كنت فى حيرة مابين أربع عربيات لانوس و دى كانت مستبعدة و بي وادى دى و فيرنا و لادا و أستبعدت اللادا لأنى و أنا بأفكر أجيبها شفت واحدة جديدة المقص اللى أدام أتكسر فالعربية وقعت و قلت دى رسالة من ربنا أنى أبعد عن العربية و البى واى دى كانت مستبعدة لأن الصينى صينى ما تضمنوش و أنا ما بأحبش قوى المخاطرة و الفيرنا كانت هى اللى داخلة دماغى علشان غبور الوكيل بتاعها كويس و غير كده موتورها جامد جدا و صيانتها بسيطة وسهلة و فجأة لقيتنى بأشوف اللوجان بنظرة تانية المهم كنت رايح أشترى و أحجز الفيرنا المهم ركبت تاكسى فيرنا و قعدت فيه ورا حسيت أنى مفعوص و أبوبيا كان راكب معايا ورا قاللى هى دى العربية اللى رايح تحجزها دلوقتى قلت له أه يابابا لكن حسيت فى كلامه بالرفض المطلق خصوصا أنه قعد يتكلم مع السواق و السواق كان ما بينه و بينها تار بايت ماقلتش أنا بقى أن السواق ده هو اللى بهدلنى كل ده كان علشان أبص للوجان تانى تعالوا نبص للوجان من ناحية المبيعات
المبيعات
السنة

السنة Renault Dacia
2004 22,833
2005 135,184 9,915
2006 184,472 63,134
2007 230,294 136,742
2008 218,887 206,059
2009 160,120 150,603
2010 126,598 189,898
2011 95,365 253,698
2012 102,175 221,752
المجموع 1,275,928 1,231,801
تعالوا نبص على المواتير اللى نزلت فى اللوجان
المحركات :
1.4 لتر 75 حصان
1.5 لتر 70 حصان سولار
1.5 لتر 85 حصان
1.6 لتر 90 حصان
1.6 لتر 105 حصان
السرعة القصوى:
162 كم بالساعة ← 1.4 لتر
158 كم بالساعة ← 1.5 سولار
167 كم بالساعة ← 1.5 لتر
175 كم بالساعة ← 1.6 لتر
183 كم بالساعة ← 1.6 لتر
كود محرك المانيوال و السيارات التى أستخدمت فيها هذا المحرك
K7M Renault megane 1
K7M Renault scenic 1
Dacia logan 2008----Dacia sander 2008


كود محرك الأوتوماتيك و السيارات التى أستخدمت فيها هذا المحرك
K4m
Renault Laguna Renault Mégane (II)
Dacia Logan
Dacia Duster
Dacia Sandero
نيجى بقى لعيوب العربية
• تسعيرها غلط العربية الهاف ب 67500 و الفول أوبشن ب 71000 رغم أن الفرق فى الكماليات كتير جداااا الأوتوماتيك نفس الحكاية موتور أكبر 16 صباب و عمود الأتزان (2000 جنيه لوحده ) و فتيس أوتوماتيك ب ستبترونيك كل ده ب 78000 جنيه ماعلينا العربية كانت صفقة رابحة بكل ما تحمله الكلمة لما كانت بالأسعار دى و أعتقد أن كل اللى فى المنتدى أشتراها بالأسعار دى
• عيوب تصنيع مقبولة جدا جدا خصوصا لما نعرف ان مصنع سوماكا بيعمل 360 ألف عربية رينو فى السنة يا حسرة عليكى يا مصر و سمعت أن نيسان الشريك اليابانى بصدد أنشاء مصنع لها فى المغرب و أن فى شركات تانية كتير جاية فى السكة يا حسرة عليكى يا مصر و طبعا لما نيسان تعمل مصنع مش حتعمله أقل من رينو ما علينا المهم أن فى توحيد للعيوب يعنى العربيات كلها فىها عيب واحد مش حتلاقى عربية فيها و عربية تانية ما فيهاش
• الكاوتش اللى نازل فى العربية كاوتش أقتصادى نظرا لطبيعة السيارة الأقتصادية
• موضوع العزل الحرارى عادى جدا و أهم حاجة أنه فى كل العربيات عربية أقتصادية مصممة لدول أوروبا الشرقية درجة حرارة فظيعة تحت الصفر زيها زى اللادا تشتغل كويس فى الشتاء و تهيس فى الصيف
• زرار الكلاكس اللى فى ناس متضايقة منه ما كان موجود فى ال بيجو 504 و ال 128 و ألا كلنا نسينا و ماحدش كان بيشتكى ولاحاجة
• الزراير الخلفية للأزاز اللى ورا بيبوظوا بسرعة ليه لأن فيه رجلين أطفال بيعدوا عليهم ممكن يتغطوا ببلاستيك الشفاف اللى بيتلف فيه السانوتشات
• أنا لما عرفت موضوع عمود الأتزان فقدت الثقة فى العربية بعض الشئ و بعض الوقت وده عيب أنك تنزل عربية فيها حاجة ناقصة و ده كان أكتر حاجة ضايقتنى فى العربية
• العربية فعلا كرسى السواق بيتحرك و الكرسى اللى جنبه لكن أنا مستغرب أن ده فى ناس بتقول أنه عيب ده ميزة أفرض سعادتك ضربت فرملة جامدة اللى وراك ده حيخبط فى الكرسى اللى أدامه و بالتالى لازم الكرسى يتحرك علشان يمتص صدمة وحركة اللى قاعد وراه فيبقى ده مش عيب ده ميزة
• صوت الموتور ( موتور المانيوال بالفتيس هو الميجان 1 اللى واخد ه أعلى تقييم فى وقتها وموتور الأوتوماتيك بالفتيس هو موتور السينيك 2 عربية جامدة جدا و عاملة مبيعات جامدة ) و هو عالى سنة ده راجع للأقتصادية فى العزل نظرا لطبيعة السيارة الأقتصادية أعتقد حضرتكوا زهقتوا منى و من طبيعة السيارة الأقتصادية
• سعر قطع الغيار المبالغ فيه أحنا عايزين نعرف حضرتك لما تشترى فانوس خلفى لفيرنا من الوكيل حتقوللى و أنا ليه أشتريه من الوكيل ماهو عند الراجل اللى على الناصية و بخمس جنيه مش ب 50 جنيه لازم هنا المقارنة تكون بين سعر وكيل وسعر وكيل تانى مابين صيانة وكيل و صيانة وكيل تانى هو ده المقياس
• لما روحت التوكيل فرع المقطم أسوء وورشة صيانة فى مصر ندمت أنى جبت العربية لكن لما روحت فرع العبور و حسيت بالفرق فى كل حاجة عرفت ساعتها أنى كان لازم أفكر قبل ما أتسرع و أخد قرار فى العموم
• الناس هنا فى المنتدى ناس مميزة جدا و ذوق و أخر جدعنة و مش معنى أن الواحد يبقى متحمس شوية لفكرة ما أنه بيضلل اللى أدامه طيب و فين عقل اللى أدامه فين نصيب اللى أدامه ماشى ياعم أنا بأقول على العربية أنها كويسة فى حدود سعرها أنا لو معايا أزيد كنت جبت حاجة فى حدود المبلغ اللى معايا و لو كان معايا أقل كنت جبت حاجة فى حدود المبلغ اللى معايا برضه
• سعر أعادة البيع فى أوروبا و الدول المتقدمة العربية بتقل كتير جدا بعد أول سنة و تانى سنة و تالت سنة لدرجة أنهم عاملين جدول فى مجلة العربيات الجامدة جدا يوضح لك القيمة بعد كل سنة لكن هنا فى مصر أنت عايز تركب العربية و تستهلكها و لما تيجي تبيعها تكسب فيها مرة واحد صاحبى أشترى عربية و لما جه يبيعها كسب فيها بما فيها تمن البنزين اللى حطه فيها تطلع أشاعة فى السوق يقوللك الرينو دى عربية معقدة و فشلة تبص تلاقى العربية سعرها نزل التراب للأسف أحنا ما عندناش معايير تقييم موضوعية لسعر اعادة البيع
• العربيات دلوقتى كله فى الفطسان يا معلم العربية تقعد فيها تحس أنك بتسوق بالبركة فين أيامك يا شاشا شاهين يعنى كنت بأسوق و حاسس أنى فوق السقف العربيات كلها كده مش الرينو بس

[tasaka]

الاستاذ adel_edrees

+1

رد متوازن .. و اختيار جيد لسياره تم تسعيرها وقتها بسعر مدروس ( 67 الى 71 الف ) ..

و ان كان وقتها على ما اتذكر اللانسر كانت ب اقل من 90 الف .. يعنى انا شخصيا كنت سافضل اللانسر

تقبل تحياتى