مفتاح اللوجان

[mr_3m]

يا جماعه أنا نفسي مش مقتنع بالكلام ده و كلام سياده العقيد بيطمن أكتر مش ممكن سعر مفتاح اللوجان هيكون ضعف ثمن الميجان!!
بس ياريت حد من المنتدي يكون رايح قريب التوكيل و يتأكد و ياريت يصور قائمة بأسعار كل قطع الغيار و يحطها هنا.
علشان كل الألسنه تخرس. دول وصلوا ثمن طقم البوجيهات لـ 1000 جنية؟؟؟؟
متهيئلي من كتر ما خايفين من العربية دى أبتدي الضرب تحت الحزام

[Col. Eng. Khaled]

حاول حضرتك تتأقلم مع الوضع

لسه حتسمع كتيييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييير

[mr_3m]

ده دليل قوه تأثير العربية دي على السوق
عموما أنا حطيت الكلام ده كلة ورا ظهري و حجزت انهاره لوجان 2010 أسود
تخيل التسليم أمتي؟؟؟ شهر يناير

[Col. Eng. Khaled]

تستلم على خير إن شاء الله

صدقني مفيش أسرع من الوقت

[Egyzizo]

ده دليل قوه تأثير العربية دي على السوق
عموما أنا حطيت الكلام ده كلة ورا ظهري و حجزت انهاره لوجان 2010 أسود
تخيل التسليم أمتي؟؟؟ شهر يناير

حضرتك ليه حجزت مع التوكيل
وماحجزتش مع معرض من المعارض اللى بتسلم بسرعة ..
أنا حاجز التلات اللى فات وهاستلم التلات ده ان شاء الله ..

[mr_3m]

أنا ساكن في أسيوط و عاوز أرخص هنا
كان نفسي أنزل القاهرة عند محمد ذكي بس لقيت هستلم العربية فى يوم و أستني 2- 4 أيام علشان الورق و بعدين هرجع بيها أزاي على أسيوط (آخد نمر تجاري لغاية ما ارخصها و أرجعها تاني القاهرة
و طبعا في الشغل محدش هيسيبك كل ده
مضطر استني أعمل اية !!! عموما أنا كل يوم بأخد خبره جديده من الأعضاء الي ذى العسل دول.
ده انا بقيت خبير هنا فى اللوجان وأعرف حاجات أصحاب العربية نفسها مش عارفينها.
ادعولي أستلم بقي. لو الصبر موجود في مستعد أخد.

[Col. Eng. Khaled]

حضرتك ليه حجزت مع التوكيل
وماحجزتش مع معرض من المعارض اللى بتسلم بسرعة ..
أنا حاجز التلات اللى فات وهاستلم التلات ده ان شاء الله ..

الله أعلم بالظروف في أسيوط حسب ما أنا شايف محل السكن في بيانات الزميل

[mr_3m]

صحيح هي النمر التجارية بتكلف قد أية؟؟

[georgedada82]

من 50 جنيه ل 70 جنيه في اليوم
في ناس بتزود
بس انا اجرتها فعلا ب 70 لليوم الواحد

[Egyzizo]

:oc_sun1[1]:أنا ساكن في أسيوط :b4_611: و عاوز أرخص هنا
كان نفسي أنزل القاهرة عند محمد ذكي بس لقيت هستلم العربية فى يوم و أستني 2- 4 أيام علشان الورق و بعدين هرجع بيها أزاي على أسيوط (آخد نمر تجاري لغاية ما ارخصها و أرجعها تاني القاهرة
و طبعا في الشغل محدش هيسيبك كل ده
مضطر استني أعمل اية !!! عموما أنا كل يوم بأخد خبره جديده من الأعضاء الي ذى العسل دول.
ده انا بقيت خبير هنا فى اللوجان وأعرف حاجات أصحاب العربية نفسها مش عارفينها. :oc_sun1[1]:
ادعولي أستلم بقي. لو الصبر موجود في مستعد أخد.

أجدع ناس واللاهى ، الوالد برضه من أبوتيج ..
أنا ظروفى زى ظروفك .. عايش بعيد عن القاهرة ، فى المنوفية
حجزت من معرض فى القاهرة ، وان شاء الله أروح استلم وأرجع بالعربية فى نفس اليوم
ولما ييجى الورق أبقى أروح من غير العربية أجيبه وآجى
وهارخص فى المنوفية عادى.

أما عن الشراء من عندنا فأحلى سعر لقيته كان أوفر برايس بـ 4 آلاف جنيه ، يعنى 71 ألف جنيه.


وبالنسبة للرجوع بيها من غير نمر ، ناس كتير قالوا لى ان طالما معاك عقد ومحضر استلام مؤرخ بنفس يوم تحركك بالعربية ، فالمرور مش هايعمل لك مشكلة ، يعنى ليك انك تسافر بلدك بالعربية فى خلال الـ 24 ساعة اللى استلمت فيهم ، وأحد الناس اللى سألتهم كان أمين شرطة فى أحد الكمائن المرورية.
والجماعة بتوع المعرض اللى حجزت فيه قالوا لى كده برضه.
ولا الحوجة لنمر تجارية أو غيره.

[Egyzizo]

الله أعلم بالظروف في أسيوط حسب ما أنا شايف محل السكن في بيانات الزميل

ما أنا كان قصدى يجيب من معرض فى القاهرة ، فيبقى يومين تعب فى السفر ولا كذا شهر انتظار ..