أسعار قطع غيار سيتروين c4 السيدان خارج التوكيل

[zimoo]

استاذ نديم من ساعة ما كتب الاسعار الوهميه دي ولا حس ولا خبر وسألته كذا مره في اكتر من مره في اكتر من مكان مابيردش
واضح ان الموضوع طلع فشنك
ارجو من استاذ كريم غلق الموضوع حرصا علي المصداقيه
شكرا

[waelbaha]

يا استاذ نديم انت فين
انت مطنشنا ليه بس
لعل المانع خير
لسه منتظر ردك على تساؤلاتي
وشكرا

[waelbaha]

للرفع
في لنتظار تعطف الاستاذ نديم بالرد على تساؤلاتنا

[amrrashed]

ياريت استاذ نديم يرد او حد يسأل اى محل قطع غيار ستروين يعرفه الكلام ده صح ولا غلط

[baz1]

علي فكرة الاسعار دي صح عشان انا عامل حدسة قريبة
سعر سنسور الكسجين 250
بدال 350 استيراد
اكصدام امامي فاضي 900
شبكة امامي 450
طقم دبرياج كامل استيراد 700
فانوس امامي 600 خلفي 500
فانوس شبورة 100
صدر بالمروحة 600
المصفحة 650
كارتيرة 300
كبوت 600
العربية قطع غيارها رخصية مش غالية وكل حاجة موجودة

[amrrashed]

الف شكر ليك يا baz1 وربنا يحفظنا واياك من الحوادث بس ياريت تقولنا فين عناوين الحاجات دى ؟؟؟

[baz1]

لا شكر علي واجب
في نافع بتاع شارع دمشق و في التوفيقية اسمو اسحاق والثلاثية الي في الحرفيين وبتوع الاستيراد
شاشة المعلومات الي في نص الصغيرة استيراد 500
مراية يمين بالسنسور الحرارة 450
كحكة الشكمان 350
قاعدة المتور الي فوق 800
دنجول استيراد 1150 بتاع 307
دنجول استيراد 1500 بتاع سي 4
العربية ال سي4 ي ال 307 في كل حاجة

[solycar]

لا شكر علي واجب
في نافع بتاع شارع دمشق و في التوفيقية اسمو اسحاق والثلاثية الي في الحرفيين وبتوع الاستيراد
شاشة المعلومات الي في نص الصغيرة استيراد 500
مراية يمين بالسنسور الحرارة 450
كحكة الشكمان 350
قاعدة المتور الي فوق 800
دنجول استيراد 1150 بتاع 307
دنجول استيراد 1500 بتاع سي 4
العربية ال سي4 ي ال 307 في كل حاجة

طب الناس دى عندهم اجزاء الكبيوتر و السنسورز بتاعت العربية

و فى حد بيشتغل فى العربية غير التوكيل؟؟؟

[baz1]

amir we josef

[nadeem2009]

أنا آسف جداً يا جماعة أنا غبت الفترة إللي فاتت دي بسبب الشغل والله ... وشوية ظروف مدربكة كده ... بس إنشاء الله خير .. وهاحاول أرد على كل تساؤلاتكم بإذن الله لأن تجربتي مع العربية دي بصراحة مذهلة ... وأرجو إنكم تعذروني بجد لأن ظروفي كانت صعبة فعلاً وشكراً

[nadeem2009]

شكرا على مجهودك جزاك الله كل خير بالنسبة للاسعار هل هى خارج التوكيل

الأسعار دي أصلي خارج التوكيل عند نافع بشارع دمشق

[nadeem2009]

[QUOTE=samomodrek;3872271784]شكرا يا استاذ نديم بس عايز اعرف الأماكن اللي ممكن اعمل فيها صيانة للعربية والمحلات اللي بتبيع قطع الغيار اللي حضرتك ........

بالنسبة للسي 4 محمود بدر نص نص ... نافع كويس ... عشماوي ممتاز ... عز العرب ناس زي الز.... (لا تعليق) وخصوصاً فرع الصحراوي وفرع أسكندرية كويس ... أمير وجوزيف أسعار قطع الغيار عنده غالية بس أصلي ومضمونة والمصنعية رخيصة جداً بس خبرتهم ممتازة بصراحة ... والجدول المرفق ده في كل التجار و مراكز الصيانة بالعناوين وقطع الغيار وأنا إقتبسته من المنتدي نفسه بس إللي أنا قلت عليهم دول متخصصين في السي 4 وأنا إتعاملت معاهم ..

[nadeem2009]

شكرا يا استاذ نديم على المجهود الجميل ده
بس ياترى قطع الغيار دي اصليه ولا تقليد؟
وشكرا مقدما على ردك

وبالمناسبه نفسي اعرف راي حضرتك في سؤال كده لاني بصراحه كنت معجب بالعربية دي بس حبيتها فعلا من كلامك عنها واتمنى من الله ان يرزقني بواحده تكون كويسه ونظيفه
والسؤال هو
هل في موديل سنه معينه بيكون هو افضل موديل ولا كل الموديلات زي بعضها؟
يعني مثلا يكون موديل 2008 احسن من 2007 او 2006 احسن من 2008 يعني اقصد ايه هو الموديل اللي كل الناس شكرت فيه وكان احسن موديل للعربيه دي حتى الان؟
طيب لو ماكانش زي ما انا فاهم كده وكل الموديلات كويسه - ياترى حضرتك لو عاوز تشتري عربية لنفسك تختار سنة كام؟
وسعر العربية دي كام تقريبا علشان ماحدش يضحك علي؟
واخيرا بقه ياريت تقوللي ايه الحاجات اللي اهتم بالكشف عليها ولازم تكون شغاله وسليمه لاني اعرف ان العربية دي فيها تكنولوجيا عاليه علشان كده الواحد لازم يكون عارف ايه اللي يخللي باله وهو بيكشف على اعربية علشان مايكونش في حاجه بايظه في التكنولوجيا دي وماياخدش باله منها
لانها مش زي اي عربيه
ارجو ان اسمع رايك بسرعه وبدقه لاني باحترم رايك في العربيه دي جدا
وشكرا

قطع الغيار أصلي خارج التوكيل ... والإجابة عن السؤال الثاني إن أحسن موديل 2008 وانت جاي ... أنا راكب 2005 ... بس مش حاسس بفرق كبير بصراحة .. موديل 2006 كان فيه عيب في الجير بوكس الأوتوماتيك وتم تعديله إبتداءً من 2007 .. وبلاش موديل 2010 علشان حساسة جداً كل حاجة فيها حساسة ... ولو كنت أنا لقيت واحدة موديل 2008 أو 2009 ونفس الحالة بتاعة العربية ال 2005 إللي معايا كنت جبتها ... ومتوسط السعر من 62000 وحتي 85000 حسب الحالة والموديل .
ولما تيجي تعاين العربية لو دخلت دماغك أحسن حاجة تعملها إنك تعمللها تقرير حالة عند عز العرب .. هو غالي ( 500 ) جنيه .. لكن التقرير مكون من 6 صفحات و بيقوللك حالة كل مسمار في العربية ....
وأخيراً أوعى تلعب في كهربة العربية دي لحسن مش هاتلاقيها تاني ..

[nadeem2009]

الموتور موجود بكام vts 180 bhp

معلش يا مان ... بس على حد علمي مفيش للسي 4 موتور بالإسم ده ... ولا حتى ديزل أو بنزين ...

[nadeem2009]

علي فكرة الاسعار دي صح عشان انا عامل حدسة قريبة
سعر سنسور الكسجين 250
بدال 350 استيراد
اكصدام امامي فاضي 900
شبكة امامي 450
طقم دبرياج كامل استيراد 700
فانوس امامي 600 خلفي 500
فانوس شبورة 100
صدر بالمروحة 600
المصفحة 650
كارتيرة 300
كبوت 600
العربية قطع غيارها رخصية مش غالية وكل حاجة موجودة

شكراً يا باز على المعلومات القيمة .. وحمدالله على سلامتك .. وخللي بالك من نفسك .. الأسعار دي ماكنتش أعرفها فعلاً ... وبشكل عام أنا دلوقتي إتأكدت إن أسعار قطع غيار العربية دي وكمان الصيانة زيها زي اللانسر والكورولا ويمكن أرخص من النيسان الصني والفيكترا وحاجات كتير ممكن تبقي أقل منها في الأوبشن ...