السي 4 باختصار كالآتي ....

[nadeem2009]

العربية دي 109 حصان ، فيها abs - ebd و 4 أير باجز ، جنوط 15 ، طولها 4.3 متر وعرضها 1.8 متر يعني بالنسبة للإستقرار والأمان علي السرعات العالية العربية دي ممتازة ، التكييف بتاعها تاتش وبيشتغل على مستويين الأول زيه زي أي عربية عاديو في مصر والتاني بيشتغل لما الدنيا بتبقي حر أوي يعني بيخللى الكومبرسور بتاع التكييف يشتغل بضعف طاقة المستوى الأول ، يعني زي الكور تو ديو كده في الكمبيتر ، التارة بتاعتها الوحيدة من نوعها في مصر علشان الملتي فانكشن اللى فيها مش بيلف مع الدركسيون ، الكمبيوتر اللى فيها أو الكنترول يونت بتاعتها تاني أحسن كمبيوتر في العالم بعد البي إم دبليو والكلام ده من بق مهندسين التوكيل إللى هم برضه وكلاء بي إم دبليو ( عز العرب ) ، نظام الصوت إللى فيها تحفة 8 سماعات وكاسيت سي دي إم بي ثري و يو إس بي و مدخل أي بود آبل مالوش حل ، حساس مطر و حساس نور و كروز كنترول ومثبت سرعة ، العربية مش عربية لما تسوقها تحس إنك راكب طيارة ، صيانتها مش غالية وقطع غيارها أرخص من التويوتا كورولا والمتسوبيشي اللانسر ، أهم حاجة فيها إنك ماتركبش فيها أي حاجة غير عند ميكانيكي أو كهربائي بتاع سيتروين عشان الكمبيوتر مايضربش ، توكل علي الله وإركب بقي عربية ركوبة أنضف من الياباني والكوري التعبان ده ، وإسأل مجرب

[zimoo]

الف شكر على المعلومة بس عايز اسأل سعر موديل 2007 او 2006 كام لوسمحت

[nadeem2009]

بص يا زيموووووووو ... من 65000 لغاية 72000 جم علي حسب الحالة يا نجم ..

[Mohamed.Ramah]

بص يا زيموووووووو ... من 65000 لغاية 72000 جم علي حسب الحالة يا نجم ..

دة بالنسبة ل2007 وشكرا

[amadjoo]

حلوة المعلومات الكتيرة المركزة دى

ماتنساش يا نديم ان الC4 وال307 يعتبروا عربية واحدة من حيث التكنولوجيا والكماليات تقريبا وده لأن البيجو والستروين شركة واحدة
يعنى إحنا ولاد عم

[amrrashed]

thanks a lot

[zimoo]

استاذ نديم تعرف حد عايز يبيع

[Hondawy_2008]

استاذ نديم تعرف حد عايز يبيع

لأ أصل أستاذ نديم شغال في التوكيل و العربية سوقها نايم حبتين فبيصحيه ههههههههههههه (مفقوس أوي)

[wal]

هى الc4 فيها سقف بانوراما ولو فيها يبقى سعرها كام وهل فى النسخة الهاتشباك ام الكوبيه

[nadeem2009]

على فكرة يا أستاذ هنداوي ... قصدي هونداوي .. أنا ضابط مهندس في الجيش ومتخصص في مجال الإتصالات .. والمرة الوحيدة إللي دخلت فيها التوكيل كنت بأعمل تقرير حالة للعربية السي 4 إللي إشتريتها .. علي فكرة أنا سعيد جداً إني إتعرفت على أذكى واحد في الكون ....

[Sameh]

سعر المستعمل تحفة

[nadeem2009]

أستاذ وال ... عربيتى موديل 2005 وسقفها بانوراما وفول أوبشن ... لحد موديل 2007 في سي 4 بانوراما للهاتش باك والكوبيه .. من أول 2008 مافيش بانوراما .. عربيتى كانت عاملة 54000 كلم وحالتها ممتازة بناءاً على تقرير التوكيل ( عز العرب ) بانوراما أعلى فئة وجبتها ب 75000 جنيه في 1/1/2010 .. ودى كانت أغلى عربية سي 4 بانوراما .. العادى بتاعها من 65000 لغاية 72000 .. عربيتي كمان فيها كاركيت بلوتوث ألمانى متركب في التوكيل وتمنه جديد 6000 جنيه عند رضوان العجيل .. على فكرة البانوراما مش بتتفتح .. زجاج فيميه ثابت لا يتحرك .. شكراً

[zimoo]

استاذ نديم
ايه اخبار قطع الغيار؟
اسعار واماكن لو سمحت

[د.محمود صلاح]

الف شكر لحضرتك على المعلومات , وربنا يبارك لك فيها و السؤال : -حضرتك ذكرت ان فتحة السقف فيها عبارة عن زجاج لا ينفتح ؟

هل تتذكر حضرتك مواصفات اعلى فئة فيها جنوط ؟

[dynamic_alpha]

موديل 2010 ناقص كماليات كتير لما سالت عند التوكيل
من ضمنها حساسات الركن و راديو cd