طلب بسيط ستروين ax

[FnoOO]

بسم الله الرحمن الرحيم
انا ان شاء الله هاجيب عربية ستروين ax
وليا شوية اسئلة
1- ايه مميزات وعيوب العربية دي
2- هيا احسن ولا الفيات اونو
3- ابص علي ايه اهم حاجة في العربية الستروين الي هاشتريها وايه الي لو لقيته اجيبها علي طول وايه الي لو لقيته اصرف نظر عنها خالص
4- لما اجيبها واعوز اكشف عليها قبل ما اشتري اروح فين ولمين واديله كام
5- هل هيا بيتحطلها بنزين 80 ولا لا
6- هل هي مناسبة في السفر ولا لا

[elghrory]

انا كنت راكب أونو وبعدين ركبت ستروين ZX
طبعا الستروين أفضل بكتيييييير

www.sol.net.eg/citroen.html

[FnoOO]

شكرا لردك ياباشا
اتمني بقية الناس تشاركني برأيها
وكمان لو حد يقدر يرد علي الاستفسارات بتاعتي

[FnoOO]

ماحدش هيساعدني ؟؟

[abosamra]

zx

ارشح زد اكس اكبر هى معى من خمس سنوات ممتازه قطع غيار معمرة ورخيصه

[azkol2005]

معايا ax ممتازه ومعمره وحمالة أسيه
وتمشي مع ال 80
وموزونه ع الطريق
مفيهاش مشاكل
حلوه

ربنا يسترها علينا جميعا

[sasoha]

طيب قطع غيارها اسعارها نار زي م بسمع ولا ايه انا جبت ax موديل 1998 1200cc, وهل قطع غيار ال 1200 زي 1400 ولا اغلي و مش موجودة ياريت حضرتك تفيدني بدام معاك العربية دي

[Romeo26222]

اولا ال ax مفيش منها 1200
هي 1100 او 1400
ابعد عن ال 1100 تماما لانها مش كويسة
ال 1400 عربية جميلة ومعمرة وسريعة ومتزنة علي الطريق وتكييفها لما بيكون سليم بيبقي زي الفل
ما فيهاش عيوب معينة غير ان قطع غيارها الاصلية غالية شوية بس معمرة جدا
م/رامي

[sasoha]

انا خلاص اشتريت ال1100لية كدة انا زعلت جدا هي اية عيوبها بالضبط ياريت حد يقولي مصاريف نقل الملكية كام و هل فيه ترخيص و دفع ضريبة مع نقل الملكية ولا لا و كمان اجرائات استخراج الرخصة و تكلفتها الرسمي وهل فيه استحالة انها تستخرج بدون رشوة زي ما بسمع 500 600 جنية يعني لو مدفعتش حيسقطوني وشكرااااااااا

[sasoha]

لية محدش رد عليا؟؟

[ramy_gamal]

اولا حضرتك سجل فى الشهر العقارى وبعدين تروح المرور وترخص واعمل كل دة قبل الرخصه ماتنتهى بشهر يعنى استفيد من الرخصه لحد ماتخلص وضريبه ال 1100 اعتقد 173.5 غير التامين الاجبارى 60 ولو عايز نمر جديدة هتدفع 115 تشترى ملف ب 15 يعنى مش صعبه

[waelelgazawey]

الاستاذ الفاضل
طبعا الاستروين افضل من الاونو بس الفرق ان قطع الغيار اغلى شوية بس بتعيش
وممكن تحط 80 انا معايا واحدة موديل 96 وبحط لها 80 عادي
وبحط زيت تعاون سوبر ابو 60 جنية تقريبا
العربية ممتازة في السفر
وممكن ترفعها في البنزينة او عند ميكانيكي انت تعرفه ويفضل رفعها في البنزينة
العربية محتاجة بس اهتمام في موضوع الهوا وهتلاقي موضوع مخصوص عن كدة انك تاخد هوا العربية وانت بتزود الميه
مميزاتها انها سريعة لو بتحب السرعة ومش خفيفة اوي بالعكس ثباتها معقول على حجمها

[waelelgazawey]

انا خلاص اشتريت ال1100لية كدة انا زعلت جدا هي اية عيوبها بالضبط ياريت حد يقولي مصاريف نقل الملكية كام و هل فيه ترخيص و دفع ضريبة مع نقل الملكية ولا لا و كمان اجرائات استخراج الرخصة و تكلفتها الرسمي وهل فيه استحالة انها تستخرج بدون رشوة زي ما بسمع 500 600 جنية يعني لو مدفعتش حيسقطوني وشكرااااااااا

طبعا تقصد استخراج رخصة القيادة انا طلعتها من حوالي 6 شهور والامتحان مش مستحيل ولا حاجة ولا الكلام اللي يقولك مش هتطلعها الا بالفلوس دة كلام مش صح وياسيدي انا مدفعتش لاني مستحرم زيك كدة
وعلى فكرة معايا الستروين الـ 1100 وممتازة والحمد لله ومفيهاش عيوب ولا حاجة والف مبروك وربنا يجعلها ادم السعد عليك
واستخدام البنزين 80 عادي ليها
بس المهم انك تاخد بالك من موضوع التبريد هو سهل
ولو في اى استفسار هى معايا من فترة والحمد لله كويسة
وربنا يسترها علينا جميعا

[hakam]

بسم الله الرحمن الرحيم
انا ان شاء الله هاجيب عربية ستروين ax
وليا شوية اسئلة
1- ايه مميزات وعيوب العربية دي
2- هيا احسن ولا الفيات اونو
3- ابص علي ايه اهم حاجة في العربية الستروين الي هاشتريها وايه الي لو لقيته اجيبها علي طول وايه الي لو لقيته اصرف نظر عنها خالص
4- لما اجيبها واعوز اكشف عليها قبل ما اشتري اروح فين ولمين واديله كام
5- هل هيا بيتحطلها بنزين 80 ولا لا
6- هل هي مناسبة في السفر ولا لا

المميزات:
ناعمة , تتحمل السفر , اقتصادية في البنزين , بصفة عامة السيارة كاساسيات محترمة جدا باستثناء مشكلة تحجر الفرامل
العيوب :
قطع الغيار مبالغ في اسعارها جدا , معظم الميكانيكية بيهربوا من الشغل فيها لان معظمهم مبيشتغلوش فيها مع ان صيانتها مش صعبة اوي ,
هي في الاساس افضل من الاونو ولكن مشكلة قطع الغيار والصيانة تخلي الاونو برقبتها - ودا مش عيبها دا عيب السوق المصري المتخلف
اهم حاجة في اي عريية القوايم - الشاسية - وحالة الموتو متقلش عن 70% ولو محتاج تكييف ويفرق معاك يبقى متاخدهاش الا اذا كان تكيفها سليم 100% لان تكيفها ممكن تصرف على صيانتة 2000 جنية وياريت لو تخلي ميكانيكي ستروين متخصص يكشفلك عليها وبالنسبة لاجرة الكشف اديلو بزيادة عشان يقولك اللي فيها بوضوح ولو لقيت مشكلة في الشاسية او موتور مستهلك يبقى ابعد عنها خااااالص
بالنسبة لبنزين 80 بيتحطلها وزي الفل واسال بتوع التاكسي بس الافضل انك تحترم العربية وتحطلها 90 خصوصا انك مش هتشغلها تاكس بالاجرة
في السفر ممتازة وثبات على الطريق بنسبة ممتازة بس فيها مشكلة السخونة في حالة ما اذا كانت دورة التبريد فيها خلل او هناك مشكلة في الماكينة ( زيها زي اي عربية ) الخلاصة ان العربية دي هي والـzx ممتازين بجد بس العيب فينا احنا المصريين اللي رفعنا عربيات حقيرة زي الـ128 والـ 127 واهملنا وتجنبنا عربيات زي ax , za , رينو اوبتيما ونوفا داتشيا وكثير من السيارات التي هي افضل بكثير من السيارات المنتشرة بمصر فالمصريين يا اخي الكريم شعب الشيئ الواحد تلاقي المشروب الاول هو القهوة تلاقي 80% ماسك نوكيا وبيشجعوا نفس الفريق فنحن لا نحب التغيير ونقلد فقط لاغير ؟؟؟
ارجو ان اكون افدتك