ستروين ax

[waelmegahd]

معروض عليه ستروين ax موديل 1993 ب 10000 وهى عربيه اساسا كانت تاكسى بس صحبها بيقولى موتورها كويس وهى طبعا عايز يتغير ورقها وعيزه وش نظافه فبرجاء عايز ردودكم واشتريها ولا ايه بس سعرها مناسب ليه وظروفى وهل قطع غيارها غاليه وشكرا للجميع

[speed demon666]

اوعا تعملها ..... تاكسي يعني مدعوكة ياباشا ... انا طول عمري بقول ان المستغمل بييجي بعفاريته بس تاكسي كمان دي ممكن تكون مصيبة ...
انا عارف السعر مناسب و كل حاجه بس في رأيي الشخصي انت ممكن تزود 7 كمان و تجيب واحدة خرج بيت و هتكون أنضف بكتيييير من لما تكون تاكسي ... يالهوييي تاكسي وبيقولك موتورها حلو ده شوف كام سواق ركبها و كل رجل مختلفة عن التانيا و اللي بيلبس مطبات و اللي بيحمل فوق طاقة العربية و الي والي .... انا لو قعدت أحكيلك فيها هتتعقد , بالنسبة لقطع الغيار فهي في المعقول مش زي ما بتسمع ... انا عندي اتنيين منها و الحمد لله معطلتش في أي حاجة قبل كدة

[azkol2005]

ممكن تلاقي حاجه كويسه على 17
18
في الحدود دي

اضمن واحسن

[sasoha]

ممكن يا جماعة حد يفيدني بامانة عن السيتروين ax 1200cc موديل1998 بالنسبة لقطع غيارها نار ولا اية انا خلاص جبتها بس ندمانة اوي و زعلانة من الكلام عن اسعار قطع غيارها و وهل ال1200 ccموديل 1998 زي موديل 1994 و1996ولا سيئة ياريت ال معاه ال ax يجاوبني بس عن تجربة و كمان اسعارتركيب السنتر لوك اية و فين معلش دي اول مرة اسوق

[rahoma]

ممكن يا جماعة حد يفيدني بامانة عن السيتروين ax 1200cc موديل1998 بالنسبة لقطع غيارها نار ولا اية انا خلاص جبتها بس ندمانة اوي و زعلانة من الكلام عن اسعار قطع غيارها و وهل ال1200 ccموديل 1998 زي موديل 1994 و1996ولا سيئة ياريت ال معاه ال ax يجاوبني بس عن تجربة و كمان اسعارتركيب السنتر لوك اية و فين معلش دي اول مرة اسوق

اهلاً بيكى يا اختى انا كمان زيك لسة جديدة فى السواقة بس بالنسبة للسيارات بفهم فيها لأنى كنت بشوف معلومات كتير من كل المنتديات قبل ما ابدأ اشترى وبخصوص سيارتك
اولاً مبروك وربنا يجعلها وش خير
المهم انتى ليه قلقانه علشان قطع الغيار غالية بس؟.. ولا انتى حاسة ان عربيتك فيها مشاكل معينة ؟؟؟؟ على العموم ما تقلقيش هنا هتلاقى كل المساعدات وبالنسبة لموضوع قطع الغيار انها غالية هى فعلا غالية للأسف بس ما دمتى راكبة عربية حلوة وبتحاولى تحافظى عليها يبقى ربنا يستر
اما بقى لو انتى اصلا شرياها على عيوبها وعايزة تظبتيها تبقى غلطانة علشان كدة هتتكلف عليكى اكتر من ثمنها وخصوصاً لو كنتى دفعتى فيها اكتر من 13000 لأن ال1100 cc على ما سمعت مش كويسة وثمنها مش زى ال1400cc ومفيش حاجة اسمها 1200 cc على فكرة هى اكيد 1100
ان شاء الله خير وما تقلقيش قولى ساكنة فين وهقولك تتعاملى مع مين فى الصيانة

[sasoha]

الف شكر لحضرتك علي اهتمامك انا في المعادي والعربية متورها وعفشتها كويسين جدا هي بس عاوزة اوكر للباب و سقاطات كماليات بسيطة

[rahoma]

الف شكر لحضرتك علي اهتمامك انا في المعادي والعربية متورها وعفشتها كويسين جدا هي بس عاوزة اوكر للباب و سقاطات كماليات بسيطة

ولا يهمك حبيبتى اصلى انا كمان محتاسة كدة
بالنسبة للأوكر هتلاقى الأوكر الجديدة غالية شوية 130 جنية الواحدة لكن تقدرى تركيبلها اوكر مش اصلية مش بتاعت ستروين اعتقد هتوفى الغرض وبقيت الكماليات قولى محتاجة ايه تانى وانا هقولك الأسعار بإذن الله
واعتقد ان فى توكيل قريب منك فى المعادى برده هشوفهولك وأقولك
ولو عندك اسئلة تانى قولى ما تتكسفيش احنا اخوات

[yaco_nil]

الاوكر

الاوكر بتاعة الابواب ايه البديل بتعها او اللى يمشى مكان الاصليه
شكرا

[sasoha]

مرسي جدا يا رحوما هي الاوكر بس هو يمشي معاها اي نوع اوكر؟ يعني ال مش اصلي اسعارة اية ؟ ومحتاجة مرايات جانبية جديدة و سقاطات الابواب و كاسيت شرايت عادي بس معرفش اسعارهم و مسئلتش لاني بعد ما جبت العربية لقيت نفسي خايفة جدا اسوق وفكرت ابيعها تاني من كتر الرعب اني اسوق بولادي في السيرك ال في شوارعنا

[sasoha]

فية توكيل سيتروين فعلا علي طريق اوتستراد المعادي انة شفتة اليوم

[sasoha]

يا جماعة اية اجرائات استخراج الرخصة و تكلفتها الرسمية؟ وهل فعلا هيسقطوني في امتحان السواقة لو مدفعتش رشوة 600 او 800 جنية؟ وكمان اجرائات نقل الملكية للسيارة اية تكلفتها وهل برخص و بدفع ضريبة العربية مع نقل الملكية معلش انا طولت عليكم بس انا مش عارفة حاجة و عايزة اعمل حسابي علي التكلفة

[windofchange]

مدفعتش رشوة وجبت الرخصة عادي اتقي الله ساسو ويكفيك شرهم ويديك خيرهم وادعي بكده طالما بتعرفي تسوقي وحافظة الأشارات ورقة بتجيبيها من هناك تحفظيها عشان امتحانات الأشارات ده اللي اعرفه دلوقتي بالتوفيق

[waelelgazawey]

ممكن يا جماعة حد يفيدني بامانة عن السيتروين ax 1200cc موديل1998 بالنسبة لقطع غيارها نار ولا اية انا خلاص جبتها بس ندمانة اوي و زعلانة من الكلام عن اسعار قطع غيارها و وهل ال1200 ccموديل 1998 زي موديل 1994 و1996ولا سيئة ياريت ال معاه ال ax يجاوبني بس عن تجربة و كمان اسعارتركيب السنتر لوك اية و فين معلش دي اول مرة اسوق

يا استاذة بالنسبة لموضوع الاوكر طبعا الافضل انك تجيبي الاصلي عشان اوكر الباب مهمة طبعا عشان متتسرقش وممكن تلاقيها استيراد في وكالة البلح او عزبة شلبي عموما انتي هتلاقيهم بس لازم تفاصلي كويس اوي عشان الاسعار متفاوته في الاستيراد
وبالنسبة للكاسيت هتلاقي حاجات كويسة في كارفور
وقولي انتي محتاجة لايه كمان عشان نقدر نفيدك
موضوع انك خايفة تسوقي يا اما تتغلبي على خوفك ويكون في حد يعلمك كويس او انك تتكلي على الله وتبيعي العربية

[waelelgazawey]

معروض عليه ستروين ax موديل 1993 ب 10000 وهى عربيه اساسا كانت تاكسى بس صحبها بيقولى موتورها كويس وهى طبعا عايز يتغير ورقها وعيزه وش نظافه فبرجاء عايز ردودكم واشتريها ولا ايه بس سعرها مناسب ليه وظروفى وهل قطع غيارها غاليه وشكرا للجميع:s_thum1[1]::s_thum1[1]::s_thum1[1]:

انصحك بان تبحث عن غيرها لان العربية اللي بتكون تاكس بتكون متهانة ع الاخر حتى لو شكلها كويس

[sasoha]

الف شكر ليكم كلكم انا توكلت علي اللة و اخذت دروس سواقة وبدائت اسوق في المعادي مع اولادي