ليه قسم الستروين ..............؟

[aymangalal510]

السلام عليكم
فى سؤال فى دماغى بالنسبة لقسم الستروين
ليه القسم ده فيه اقل عدد من المشاركات بفارق كبير جدا عن باقى الاقسام؟؟؟؟؟؟
على الرغم انها ماركه رائده جدا فى صناعة السيارات
وليه الناس بتتجنب التعامل مع العربية دى؟؟؟؟؟؟
على الرغم ان فيها اوبشن عالى جدا بالنسبة لاقل سعر ليها
وليه ماحدش بيشكر فيها غير اللى جربها (وبرضه مش معظمهم)؟؟؟؟؟
على الرغم ان ليها قطع غيار استيراد وجديد وفنيين متخصصين فى انحاء القاهرة


هل من مجاوب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[samagroup]

بصراحه المشكله مش في العربيه المحترمه دي المشكله في العقليه الاستهلاكيه بتعتنا انتا ممكن تلاقي عربيه 128 بدون اوبشن الاقبال عليها اكثر من العربيه الستروين اللي مليانه اوبشن وامان وتلاقيهم في نفس السعر احنا لما بندور علي عربيه ما بنفكرش مين انتج السياره وهل هي شركه عريقه شغاله في المجال من سنين وخبرتها وعوامل الامان اللي حطاها في العربيه اغلبنا بنفكر في بيع العربيه قبل شراها ومش مهم عوامل الامان في السياره ولا الاوبشن بتاعها عايز اقولك مثل بسيط هنا في مصر اي سلعه تغلي شويه تلاقي كل الناس بتشتريها يقوم التجار مغلينها كمان وكمان ولما سلعه ترخص شويه تلقيها مرترته في السوق مش لاقيه اللي يشتريها ودمتم

[aymangalal510]

صح كلامك 100*100
الناس فعلا بتفكر تبيع قبل ماتشترى ودى نظرة تجارية شويه مش عشان المكسب لأ عشان عدم الخسارة
الفكرة الشائعة عن الفيات عموما سهوةلة الصيانة (ده لان الميكنيكا بتاعة 128 و 127 بسيطة مش معقدة) لذلك اى ميكانيكى ممكن يشتغل فيها بخلاف انتشار الفئة دى بيخلى الفنى يكتسب خبرة كبيرة وبسرعة وده برضه لكثرة الاعطال
على عكس الماركات العريق زى ماحضرتك بتقول ليها عوامل امان وخبرة حتى وان كان التركيب الميكانيكى معقد لكن بيقابل ده (مع ارتفاع سعر قطع الغيار)ان قطع الغيار نفسها معمرة
وبحسبة بسيطة لما اغير قطعة مثلا فى الفيات بـ 30 ج كل 4 شهور ان لم يكن اكثر يقابلها قطعة بـ 100 فى الماركات العريقة بس كل سنة او اكتر فعلى المدى البعيد الاقى ان قطع الغيار الغالية موفة اكتر من الرخيصة (مجرد اعتقاد شخصى)

[yaco_nil]

العربيه جميله بس هى مش عاليه مع المطبات الغريبه اللى فى البلد تسمع احلى احتكاك لو معاك ناس راكبه العربيه
الحااجه التانيه انك تلاقى ميكانيكى محترم,,,,,,,,,,,,,,؟؟؟؟؟؟؟؟؟؟؟؟؟؟؟ لانه ممكن تروح على العيب كذا مره ولو لقيت ممكن تلاقى السعر للمصنعيه حراق

[sherifghanem]

لما فكرت اشتري عربيه شوفت الاكسارا و كل ما اسأل حد عليها يقول انت مجنون اوعى تجيبها و شوفت انواع اخرى كتير هونداي اسنت و لانوس و اوبل فكترا 95 و اخيرآ اتفئت على اكس بلوجن 2008 و قبل الشراء مباشرتآ دخلت على المنتديات لاول مره و عرفت مايقال عن الاكس بلوجن فسئلت كتير و بدأت اعرف و افهم و بعد فتره طويله رسيت على ستروين اكسارا2 و اشتريتها يوم 23 - 6 و الحمد لله سياره ممتازه و البركه في نايل موتورز لاني عرفتها من المنتدى و لم يشجعني على شرائها غير المنتدى
اهم حاجه اني اتعلمت اني لا اخذ رأي اي شخص لا يفهم و عرفت من استشير او اكيف اختار من استشيرهم

[eng.m7md.ali]

اعتقد سيتروين مش هتقل عن رينو في صعوبة الصيانة مع ذلك الرينو منتشرة اكتر بكتير بس هو السبب الوحيد اللي ممكن يخليها متنتشرش كلنا عارفينو وبنعاني منو في سيارات بروتون وهو التوكيل اللي مبيكلفش نفسو يعمل دعاية عن عربياتو (بروتون وسيتروين مشتركين في نفس الوكسة قصدي التوكيل وهو عز العرب)

[Trickster]

اعتقد سيتروين مش هتقل عن رينو في صعوبة الصيانة مع ذلك الرينو منتشرة اكتر بكتير بس هو السبب الوحيد اللي ممكن يخليها متنتشرش كلنا عارفينو وبنعاني منو في سيارات بروتون وهو التوكيل اللي مبيكلفش نفسو يعمل دعاية عن عربياتو (بروتون وسيتروين مشتركين في نفس الوكسة قصدي التوكيل وهو عز العرب)

الكلام ده حقيقى و السبب ببساطه انه الوكيل از مكسب صافى بدون اى قدر من الدعايه ولا حتى المطبوعه و دى مش عقليه توكيل عايز يعمل اسم للماركه بتاعته دى عقليه تاجر زى اللى بيجيب ال 128 علشان بتمشى ب 80 و ممكن تجبلها قطع غيار بشلن و البواب بتاعك بيفهم فيها عادى يعنى مشى حالك

[nouranwar]

اعتقد سيتروين مش هتقل عن رينو في صعوبة الصيانة مع ذلك الرينو منتشرة اكتر بكتير بس هو السبب الوحيد اللي ممكن يخليها متنتشرش كلنا عارفينو وبنعاني منو في سيارات بروتون وهو التوكيل اللي مبيكلفش نفسو يعمل دعاية عن عربياتو (بروتون وسيتروين مشتركين في نفس الوكسة قصدي التوكيل وهو عز العرب)

ههههههههههه
عندك حق والله كلامك 100 * 100 سليم
و ضيف عليهم الفولفو كمان ما هي تابعة لعز العرب

[eng.m7md.ali]

ههههههههههه
عندك حق والله كلامك 100 * 100 سليم
و ضيف عليهم الفولفو كمان ما هي تابعة لعز العرب :t_thum1[1]:

ربنا يستر على فولفو وميجبهاش الارض انا بصراحة شايفها اجمل وافخم من عربيات تانية منتشرة في مصر بس تعمل ايه في عقلية المصريين (الالماني الماني)

[nouranwar]

ربنا يستر على فولفو وميجبهاش الارض انا بصراحة شايفها اجمل وافخم من عربيات تانية منتشرة في مصر بس تعمل ايه في عقلية المصريين (الالماني الماني)

لا والله فيه ناس بتقدر الامان و الراحة و عايز صفحتين اقولك علي مميزات الفولفو بس مش لاقية وكيل محترم تعتمد عليه بعكس الالماني
انا عن نفسي لو معايا ثمنها كنت جبتها وقتي ال C30

[aymangalal510]

يا ريت لو حد قديم شوية فى الستروين وخصوصا الـ ax يحكى عنها شويه

[speed demon666]

حضرتك عايز تعرف عنها ايه ؟

[FrozenFire]

حقول رأيي بصراحة مطلقة وبدون أي تحيز لمنتدى الستروين....
الناس اللي هنا في المنتدى بحبوا مبدأ خير الكلام ما قل ودل.
فتلاقي مثلا موضوع وافي تماما من نواحيه في كل حاجة وكل كبيرة وصغيرة، الأحلى بقى إنك ما تلاقيش مواضيع متكررة حتى لوكانت على نفس العربية وعشان كده المواضيع محدودة وماتلاقيش الواحد عمال يدور على إبرة في كوم قش.
وده على فكرة جاي من العقلية المنظمة بتاعة الناس اللي بتحب العربية دي. أدخل مثلا على منتدى من السيارات الكوري حتلاقي المواضيع هي هي متكررة مش أقل من عشر مرات فتلاقي نفسك تايه أكتر مما كنت داخل أصلا.
أنا مش بجرح ولا بتهكم على حد عشان ماحدش يتلكك ويرمي التهم.
بس أتحدى أي واحد عايز اي معلومة عن ستروين، إنه ياخد أكتر من 10 دقايق في البحث عنها.
نفس القصة في رينو بس المواضيع أكتر شوية عشان هي عربية منتشرة حبة عن الرينو.
والسلام ختام

[germin82]

عربيه ممتازه جدا ولكن للاسف الشعب المصرى لايقدر قيمتها رغم انها افضل من اى سياره كورى انا امتلك c4وهى عربيه ممتازه جدا