اجيب سيترويين ايه في حدود 180 الف

[ahmed_fathi]

يا جماعه الخير

عايز بعون الله اجيب عربيه في حدود 180 الف سيترويين ومش عارف اجيب نوع ايه

انا عايز عربيه واسعه عموما وفيها تحكم في السرعه cruze control
اتوماتيك ومانيوال triptronic
وفيها سي دى او دى في دى

وبرضه يا ريت الى بيروح توكيل سيتروين في مصر يبلغنى اخبارهم ايه كويسيين ولا حراميه ؟

[blazer]

هى اوسع عربيه سيتروين فى حدود السعر دا
سيتروين c4 بيكاسو ديزل 7 راكب 1600cc
ContactCars | Citroen ستروين - Picasso C4 C4 بيكاسو - 1.6 Diesel F/O M/T 7 Seats - 198,800 - 2010
معلش ممكن سؤال ؟أشمعنى سيتروين :)

[ahmed_fathi]

انا مش اعرف اجيب ايه الصراحه كنت مهتم بالفولكس واجن golf varient

بس كل المنتدى بيزم في التوكيل بتاع الفولكس واجن انه سيئ جدا في مصر

انت رايك ايه ؟

[amrseba]

يا باشا جيب فيات برافو ال 150 حصان تربو

[ahmed_fathi]

يا باشا جيب فيات برافو ال 150 حصان تربو

بس ده مانوال
ايه رايك في الاتوماتيك بتعها ؟ بس هيكون 90 حصان

العربيه ده اول مرة اشوفها ممكن معلومات عن الداخلى بتعها والجير بوكس الاتوماتيك وتوكيلها في مصر ؟

[eng.m7md.ali]

توكيل فولكس فاجن ارحم بكتييييييييييير من عز العرب واسأل مجرب

[ahmed_fathi]

يعنى اجيب ايه يا جداعان

[eng.m7md.ali]

ممكن هوندا سيفيك

[ahmed_fathi]

الهوندا سيفيك بيقولوا واطيه قوى ودايما هتتخبط مع مطبات مصر

[blazer]

واضح انك عاوز عربيه واسعه
اوكتافيا فانتازيا
باسات فاريانت والتوكيل مش سىء بس العربيه سحبها فى الضياع
رينو فلونس تحففففففففه عربيه ملهاش حل وانا شايف انها احسن عربيه فى الفئه دى

[amrseba]

بس ده مانوال
ايه رايك في الاتوماتيك بتعها ؟ بس هيكون 90 حصان

العربيه ده اول مرة اشوفها ممكن معلومات عن الداخلى بتعها والجير بوكس الاتوماتيك وتوكيلها في مصر ؟

90 حصاااااااااااان !!!!!!!!!!!!!!!!!!!!!!!!

يا باشا الفيات برافو مبتنزلش 90 حصان ديه 120 حصان تربو يا باشا مش 90 خالص سيبك من كونتكت كارز و العربيه ديه بقه معلش لا تقولى هوندا ولا بتاع بصراحه عربيه من الاخر وانا ركبتها مش عايز اقولك فوق الممتازه

[redredzone]

السيتروين و الرينو عربيات للثبات العالي والراحه في القباده بس للاسف توكيلاتهم صعبه اوي في خدمات ما بعد البيع
وعشان كده عربيات كتير اقل منهم ومبيعاتها اعلي بكتير.....ربنا يوفقك في عربيه كويسه ان شاء الله

[elgazzar2]

نصيحة لك.. بلاش تجيب سيتروين بالمبلغ ده,و شوف السينيك الجديدة او اي حد من عيلة الرينو
انا كان معايا ميجان و لاقيت فرصة استبدلها ببيكاسو اكسارا و هاخد فرق كويس , و لما الموضوع ده حصل اكتشفت اني اخدت مقلب كبير , لأن ببساطة السيتروين مالهاش توكيل , عز العرب دول شوية ميكانيكية و حاطنهم في ورشة كبيرة علشان الناس تروحلهم و هما يقعدو يعذبوا في الناس و يقرفوهم , و طبعا مفيش حاجة في عز العرب اسمها (ادارة) او قسم شكاوى او اي حاجة من الكلام اللي (امثالنا ) من راغبي الخدمة الجيدة متوقعين انهم يلاقوه فيما يعرف بال (توكيل )
اما لو حضرتك متفاعل مع ميكانيكي الشارع البسيط و معندكش مشكلة انك تخليه يمد ايده الطاهرة في عربيه تمنها 180 الف هاقولك و كلي ثقة (روح هات سيتروين يا استاذ )

[ahmed.mohy]

نصيحة لك.. بلاش تجيب سيتروين بالمبلغ ده,و شوف السينيك الجديدة او اي حد من عيلة الرينو
انا كان معايا ميجان و لاقيت فرصة استبدلها ببيكاسو اكسارا و هاخد فرق كويس , و لما الموضوع ده حصل اكتشفت اني اخدت مقلب كبير , لأن ببساطة السيتروين مالهاش توكيل , عز العرب دول شوية ميكانيكية و حاطنهم في ورشة كبيرة علشان الناس تروحلهم و هما يقعدو يعذبوا في الناس و يقرفوهم , و طبعا مفيش حاجة في عز العرب اسمها (ادارة) او قسم شكاوى او اي حاجة من الكلام اللي (امثالنا ) من راغبي الخدمة الجيدة متوقعين انهم يلاقوه فيما يعرف بال (توكيل )
اما لو حضرتك متفاعل مع ميكانيكي الشارع البسيط و معندكش مشكلة انك تخليه يمد ايده الطاهرة في عربيه تمنها 180 الف هاقولك و كلي ثقة (روح هات سيتروين يا استاذ )

مع احترامي لكلام حضرتك انا معايا ستروين بيكاسو الموضوع مش بالسؤ اللي بتكلم فيه خالص دى مبالغة زيادة عن اللزوم
العربية معايا خمس سنين العربية ماشاء الله تحفة بالنسبة للتوكيل في الاول كانو متعبين من ناحية المواعيد وطريقة تعامل المهندسين مع العملة
نتيجة ان الضغط كان عالي وعدد المهندسين والورش ضعيف
لكن الموضوع من سنة فرق جامد من حيث توسيع الورش وعدد المهندسين وتنظيم الادارة والتعامل مع العملة بحيث يبقي معاك موظف استقبال
بيتابع معاك لغاية استلام عربيتك ويسمع شكواك كويس وممكن كمان تكلم المهندس مباشرة ويوجد مدير للورش ومدير عام لصيانة ستروين تقدر ترجع لهم لو في مشكلة مش عارف تحلها مع المهندسين "الكلام الي انا بقوله من واقع تجارب "
المهم انك لازم تروح بدري من ٩ علي الاقل عشان تعرف تخلص العربية لكن بتخرج من التوكيل وانت عامل اللي انت عايزه وطبعا زيه زي اي توكيل قطع غيار ومصنعية عالية لكن مشكلة التوكيل انه في ابو رواش اي نعم له مركز معتمد الي هو امير وجوزيف في مدينة نصر
والجميل في الموضوع اي سامع اني هما بيعملو مركز خدمة كبير في التجمع الخامس

وعلي كل حال ستروين C4 بيكاسو من السيارات الرائعة من نوعية سيارات "MPV car" سيارات ذات المهام المتعددة
وهى لا تقارن مع الجولف والبرافو ولاحتي الفلوانس "مع احترامي الشديد انها عربيات رائعة" ولكن دى فئة تانية خالص من العربيات زى ما ذكرت تقدر تقارنها بالسينك او النسيان قشقاى او الكارينز او السيات جراند التيا او بيجو ٣٠٨ sw مثلا

دة شئ حبيت اوضحه لو حضرتك حابب تركب النوعية دى من العربيات "ميني فان"
والمهم تنزل تتفرج علي العربيات بعد لما تستقر علي اربعة او تلاتة وابتدي اسال علي قطع الغيار والتوكيل وربنا يوفقك واحنا تحت امرك

[ahmad--ezzat]

يا باشا جيب فيات برافو ال 150 حصان تربو

يا راجل هو كل حاجه فيات برافو فيات برافو

فى ناس مش بتحب المانيول وبتحب العربيات الواسعه...والبرافو مش عربيه عائليه...