دخانه بيضه مع ريحه من الشكمان

[maroguidehouse]

مش عايزه يتنصب عليه تاني من الميكانيكيه
السياره / ستروين اكسارا2 مانيوال موديل 2002 عامله 155440كيلو
1- الميه بتنقص جامد و عرفت ان كوعه المياه بتنقط و الريداتير مخروم و اشتريتهم و ان شاء الله حركبهم بكره
2- الزيت بينقص و انا ماشيه و عرفت ان السبب من الفلتر و ميكانيكي غير متخصص قرصلي عليه و خف التنقيط جدآ و لكنه لسه موجود و حغير القطعه البايظه ايضآ
3- و هي المشكله الكبرى
من حوالي اسبوع و انا في الجراج سايس الجراج دور العربيه و لاحظت خروج دخان ابيض من الشكمان و بعد شويه سمعت فرقعه من الشكمان فقالو لي دا عيب كهربه فرحت للكهربائي و كنا اخر يومين في رمضان فبص عليها بسرعه و كشف على الكمبيوتر و بص على البنزين و قال لي مفيش مشكله بعد العيد نظبتها لأن فيها شغل لظبت التكييف و ريموت السياره
بعد العيد مباشرتآ اشتريت الريداتير باقي المستلزمات و عديت على اكثر من ميكانيكي لأن دي اول مره اتعامل مع الميكانيكيه دول و السياره معي من اخر يونيو و فور الشراء تم ظبتها بالكامل عند فريد شوقي ما عدا التكيف معرفش يظبته لانه كان مسافر و اللي معاه مش بنفس الكفائه و بالصدفه عرفت انه بيسرب فريون و اتصلح عند متخصص تكيفات و مكنتش انا اللي رحت اصلحه كان احد اقاربي و مخدش باله ان الراجل وصله على وصله خارجيه مش الكونترول و اول لما جيت اشغله العربيه بدئت تسخن شويه ففصلته فورآ و قررت عدم تشغيله حتى يراه الكهربائي و هذا ما حدث قبل العيد
المهم لما روحت للميكانيكيه بسبب الزيت و المياه سألتهم ايضآ على الدخانه البيضاء اللي شفتها و كل واحد منهم سألني هل العربيه سخنت اوي منك ارد عليهم بلا و احكي لهم موضوع التكيف فيطلبو مني القرص علي البنزين فيخرج دخان ابيض مع رائحه عند القرص الشديد
منذ فتره او بعد استلامي من فريد شوقي مباشرتآ بقول صوت العربيه عالي و بشم ريحه دخان او حرق من الشكمان يقولون لي دا عادي
الشكمان مسود اوي و الميكانيكي المتخصص في الستروين عمل مقياس لكبس الموتور و وجده 100%
فمذا يحدث للسياره و هل هي فعلآ محتاجه نص عمره ولا جوان وش سلندر فقط ولا طقم شمبر و كاوتش صباب و لا كاوتش صباب فقط
كل ميكانيكي برأي
اعمل ايه
شكرآ و منتظره الرد سريعآ جدآ

[pharonicking]

الموضوع ملخبط كدة مش قادر افهم كويس"

[tananybasha]

مفيش كبس موتور 100%
اقصى كبس للموتور لا يتجاوز 94%
دى نقطه
اللى عند حضرتك يا اما طقم شنبر و ده ممكن التأكد منه فى حالة وجود تعريق على البوجيهات من الزيت
او وجود اثار مية على الزيت ( عامل زى لون الطحينه ) و ساعتها العربية هتكون جابت جوان وش سلندر

[redredzone]

مفيش طبعا محرك 100% وكمان الدخان الابيض اما من وش السلندر او طقم شنبر؟؟؟؟قبل ماتخدي قرار ممكن تكشفي عند حد متخصص ترتاحي ليه لان التكلفه مش هتبقي قليله وحرام انت دفعت كتيير.....وربنا يوفقك

[redredzone]

مين الميكانيكي المتخصص اللي كشف علي العربيه وحددلك العيب؟؟؟وايه سبب العيب المفاجيء ده؟؟؟

[scaniax]

انا يا جماعة من الناس اللى بتفكر تشترى ستروين اكسارا و فعلا قابلت عربيه بالكلام اللى انتوا بتقولوا عليه ده و فيها كمان دخانه بيضه
ارجو بس لو سمحتم تكملوا الموضوع ده و نفكر مع بعض العيب ده من ايه علشان ربنا يوفقنى و اجيب عربيه كويسة
جزاكم الله كل خير

[maroguidehouse]

مين الميكانيكي المتخصص اللي كشف علي العربيه وحددلك العيب؟؟؟وايه سبب العيب المفاجيء ده؟؟؟

اكثر من ميكانيكي لأن زي ما بيتئال اللي اتلسع من الشوربه يخاف من الزبادي ملم اعد اصدق اي صنايعيه مهما كان المستوى او التعليم او الشهره من غير ما اتأكد لكن اهمهم امجد ستروين في الحرفين و هو اللي قاس كبس الموتور و ناس بعتوني لواحد تاني برده في الحرفين و متخصص ستروين وبيجو لكن مش فاكره اسمه و واحد في شارع عين شمس متخصص بيجو فقط و كده كده ما كنش هو اللي حيصلحها و قال لي انا بشتغل بيجو فقط و هو هو نفس موتور عربيتك لكن لو متخصص ستروين يكون افضل مني و اخر واحد هو اللي صلحت العربيه عنده و كنت رايحه عنده من طرف واحد في الحرفين على اساس انه كهربائي فقط و لما رحت عنده طلع مركز متكامل فصلحت عنده كل حاجه و للامانه هما ناس محترمه اوي و اسعارهم مناسبه و ملتزمين بالمواعيد و بيحاولو يقللو التكلفه على قدر المستطاع يعني اللي ممكن يتصلح يصلحوه مش كل حاجه نغير و طبعآ بما لا يضر السياره
و لما فتحو الموتور طلع متركبله جوانين وش سلندر و مقشوط من قبل و لما حسبت التكلفه + نتيجه الاصلاح فضلت شراء شورت بلوك استيراد و حليآ بجرب العربيه و بكمل التجديدات لأني غيرت و بغير حاجات كتير مثل علبه الفيوزات و طقم الدبرياج و طرمه الباور و حساسات و ظبط الريداتير و لسه عاوزه اظبط التكيف لأن صوته عالي اوي
ادعولي ربنا يوفئني و اخلص العربيه على اكمل وجه لأني مبحبش العك او قطع الغيار المقلده او الغير اصليه
و في نفس الوقت انا حابه العربيه و مش عايزه افرط فيها و خصوصآ اني صرفت عليها كتير اوي عشان تبئى زيرو

[redredzone]

اكثر من ميكانيكي لأن زي ما بيتئال اللي اتلسع من الشوربه يخاف من الزبادي ملم اعد اصدق اي صنايعيه مهما كان المستوى او التعليم او الشهره من غير ما اتأكد لكن اهمهم امجد ستروين في الحرفين و هو اللي قاس كبس الموتور و ناس بعتوني لواحد تاني برده في الحرفين و متخصص ستروين وبيجو لكن مش فاكره اسمه و واحد في شارع عين شمس متخصص بيجو فقط و كده كده ما كنش هو اللي حيصلحها و قال لي انا بشتغل بيجو فقط و هو هو نفس موتور عربيتك لكن لو متخصص ستروين يكون افضل مني و اخر واحد هو اللي صلحت العربيه عنده و كنت رايحه عنده من طرف واحد في الحرفين على اساس انه كهربائي فقط و لما رحت عنده طلع مركز متكامل فصلحت عنده كل حاجه و للامانه هما ناس محترمه اوي و اسعارهم مناسبه و ملتزمين بالمواعيد و بيحاولو يقللو التكلفه على قدر المستطاع يعني اللي ممكن يتصلح يصلحوه مش كل حاجه نغير و طبعآ بما لا يضر السياره
و لما فتحو الموتور طلع متركبله جوانين وش سلندر و مقشوط من قبل و لما حسبت التكلفه + نتيجه الاصلاح فضلت شراء شورت بلوك استيراد و حليآ بجرب العربيه و بكمل التجديدات لأني غيرت و بغير حاجات كتير مثل علبه الفيوزات و طقم الدبرياج و طرمه الباور و حساسات و ظبط الريداتير و لسه عاوزه اظبط التكيف لأن صوته عالي اوي
ادعولي ربنا يوفئني و اخلص العربيه على اكمل وجه لأني مبحبش العك او قطع الغيار المقلده او الغير اصليه
و في نفس الوقت انا حابه العربيه و مش عايزه افرط فيها و خصوصآ اني صرفت عليها كتير اوي عشان تبئى زيرو

كويس اوي فعلا تغيير شورت بلوك احسن من عك الموتر وخصوصا اني سالت وعرفت ان المحرك ده مينفعش يركب ليه 2جوان وان الوش كده خرب....بس لازم تتاكدي ايه سبب التلف للمحرك القديم عشان القصة متتكررش..وان شاء الله يكون كويس...

[AHMDMONIR]

موتور كامل بدون ادوات تغذية احسن حاجة وتمنه 2000جنيه عند واحد اعرفه وبالضمان تليفونى 0185168666

[germin82]

اختى العزيزه احسن حاجه تقلبيها توك توك