هل الاكسارا سيارة ابو لهب ؟؟

[scaniax]

الاخوة الاعضاء السلام عليكم و رحمة الله و بركاته
انا كنت فى فترة من الفترات متخصص عربيات ابو لهب اللى هى تحس ان قطع غيارها للكفار فقط غاليه و ضعيفة و بتحتاج مصاريف كتير بس دلوقتى مش هقدر اعمل كده علشان قريش اخدت فلوسى كلها :b4_611:

انا بفكر بجدية انى اشترى ستروين اكسارا نظرا لانها عربيه مريحة و سبقت جيلها بس المشكلة انى اتفرجت على اكتر من عربيه و كل واحدة منهم مواصفاتها تختلف عن التانية المقصود انى مثلا شوفت اكسارا 2 و التابلوه بتاعها اكسارا 1 يعنى متجمعة و حاجات كتير مش بتاعيتها و بعدين فراملها مايعة عذار لالفاظى بس هى بتزحف كتير قوى و ده خوفنى منها ده غير انى حسيت انها بتسخن جامد لما فتحت الكبوت
و اسعار قطع غيارها ناااااااااااااااار يا حبيبى نااااااااااااااار

فهل فى حد يقدر يوصلى المعلومة و يتكلم على العربيه ؟
و اتمنى من الساده القائمين على المنتدى جمع معلومات عن اسعار قطع الغيار للاكسارا و تثبيت الموضوع ياريت
اخوكم فى الله
احمد سمير

[Ahmed Hassan]

شوف يا سيدي... العربيه مش بتاعة ابو لهب ولا حاجه. العربيه ممتازه جدا جدا جدا. قطع الغيار موجوده جديده و مستعمله و باسعار معقوله جدا. العربيه ممتازه في السفر و ثباتها ممتاز و مريحه جدا. التكييف ممتاز جدا. و صاج العربيه موجود استيراد ببلاش. كل الكلام ده على اكسارا ١. العربيه فيها موتور بيجو ١٦٠٠سي سي. موتور معمر جدا جدا و كمان سعره استيراد حوالي ٢٥٠٠ جنيه. بس بلاش تجيب اكسارا ١ اوتوماتيك لان الفتيس دايما فيه مشكله و خليك في المانيوال احسن. لو عايز اوتوماتيك يبقى خليك في الاكسارا ٢ و كده هتدخل في موتور اقوى و فرامل ايه بي اس بس قطع الغيار اغلى كتير و كمان سعر العربيه اعلى.

[fepsceasar]

يا سيدي الفاضل لو تصفحت قسم الستروين ستجد ضالتك فهذه السيارة ممتازة عن تجربة وثابتة فى الطرق السريعة يعنى توصل 140 وانت سايق بايد واحدة، قطع الغيار مش غالية قوى بالنسبة لاكسارا 1 بالذات اللى هى موتور n6 أما اكسارا2 أغلى شوية، لكن قطع غيارها تعتبر رخيصة أنها الحمد لله معمرة، بالنسبة للصيانة ما تقلقش فى كتير بيشتغلوا فيها، ولو جبت عربية وحابب تكشف عليها ممكن أوديك لواحد كويس اسمه ايهاب جلال فى المعادى على الأوتوستراد وفى كمان كهربائى ويس أعرفه فى عين الصيرة أمام حديقة الفسطاط وفى ميكانيكى أعرفه كده فى القصر العينى ده ميكانيكى عادى خالص وبيعمل فيها الحاجات الخفيفة، وعلى فكرة قطع غيارها هى نفس قطع غيار بيجو اكسارا 1 306 واكسارا2 307 وقولى ايه الحاجات اللى مخوفاك وانا جاوبك عليها واحدة واحدة، وما تقلقش ما بيزمش فى العربية دى غير اللى مركبهاش، وصدقنى مش هتلاقى عربية بالامكانيات دى والسعر دة، والكورى تجاربى معاه مش حلوة قوى يعنى بحس ان كبيره خمس سنين بخلاف الاكسارا ما شاء الله يعني

[redredzone]

يا سيدي الفاضل لو تصفحت قسم الستروين ستجد ضالتك فهذه السيارة ممتازة عن تجربة وثابتة فى الطرق السريعة يعنى توصل 140 وانت سايق بايد واحدة، قطع الغيار مش غالية قوى بالنسبة لاكسارا 1 بالذات اللى هى موتور n6 أما اكسارا2 أغلى شوية، لكن قطع غيارها تعتبر رخيصة أنها الحمد لله معمرة، بالنسبة للصيانة ما تقلقش فى كتير بيشتغلوا فيها، ولو جبت عربية وحابب تكشف عليها ممكن أوديك لواحد كويس اسمه ايهاب جلال فى المعادى على الأوتوستراد وفى كمان كهربائى ويس أعرفه فى عين الصيرة أمام حديقة الفسطاط وفى ميكانيكى أعرفه كده فى القصر العينى ده ميكانيكى عادى خالص وبيعمل فيها الحاجات الخفيفة، وعلى فكرة قطع غيارها هى نفس قطع غيار بيجو اكسارا 1 306 واكسارا2 307 وقولى ايه الحاجات اللى مخوفاك وانا جاوبك عليها واحدة واحدة، وما تقلقش ما بيزمش فى العربية دى غير اللى مركبهاش، وصدقنى مش هتلاقى عربية بالامكانيات دى والسعر دة، والكورى تجاربى معاه مش حلوة قوى يعنى بحس ان كبيره خمس سنين بخلاف الاكسارا ما شاء الله يعني

الاكسارا عربية جميلة ... ومفيش مقارنة بينها وبين الكوري.....وقطع غيارها في كل مكان.............

[FrozenFire]

هاهاهاهاهاهاهاها
حلوة أبو لهب دي
وحلوة قوي عربيات الكفار هاهاهاهاهاه
إنت كده بقى قصدك على كل الأوروبي والأمريكي
ربنا يكرمك، ضحكتني والله
شكرا

[amrmaismail]

زي مالأعضاء مشكورين قالولك عربيه ممتازه مش هتلاقي نفس المستوي بنفس السعر ابدا
تابلوه الاكسارا واحد في 1 و 2 مافيش اي فرق خالص
قطع غيارها متوفره انا عمري ما لفيت علي قطعة غيار سواء مستعمل او جديد ( وده كمان وانا من اسكندريه )
فيها مميزات مش هاتلاقيها في اي عربيه
ثابته علي الارض جدا
صاجها تقيل و معالج عمره ما بتمسك فيه بارومه
تكييف زي الياباني ومش بيأثر علي سحب العربيه خالص
دور فالمنتدي هتلاقي ناس كتير اتكلمت عنها

انا معايا 1 وفعلا فراملها بتسحف شويه ماحدش عارف ليه بس ده مش عيب عام في الموديل لاني ركبت اختها قبل كده عند الميكانيكي كانت فراملها عالشعره ممتااااااااااااااااااااااااازه

وسيبك من اللي يقولك كمبيوتر العربيه وكهربتها معقده كل ده هجس واللي بيفتي فيه ماشفش العربيه قبل كده اصلا انا بصلح عربيتي بأيدي سعات وعمري ما خربتها
اللي بيعمل مشاكل كهربائي نص كم ركبلك انزار غلط
واحد جه يصلح تكييف خادله وصله مباشره من غير مايعديه علي كمبيوتر العربيه ... والعباقره كتيير

نصيحه ماتلعبش في الكهرباء عند ( بيسو و الكني ) روح لواحد فاهم
غير كده اي ميكانيكي بيشتغل فيها عاااااااااااااااااااااااااااااااااادي جدا

وتحت امرك يا باشا في اي حاجه

وارجو تقبل مروري

[Moe86]

هاهاها, طريقة الكلام ضحكتنى قوى برضو

[mmffor]

انا نفسي في اكسارا 2 تكون لقطه و حاله شاذة

[scaniax]

شوف يا سيدي... العربيه مش بتاعة ابو لهب ولا حاجه. العربيه ممتازه جدا جدا جدا. قطع الغيار موجوده جديده و مستعمله و باسعار معقوله جدا. العربيه ممتازه في السفر و ثباتها ممتاز و مريحه جدا. التكييف ممتاز جدا. و صاج العربيه موجود استيراد ببلاش. كل الكلام ده على اكسارا ١. العربيه فيها موتور بيجو ١٦٠٠سي سي. موتور معمر جدا جدا و كمان سعره استيراد حوالي ٢٥٠٠ جنيه. بس بلاش تجيب اكسارا ١ اوتوماتيك لان الفتيس دايما فيه مشكله و خليك في المانيوال احسن. لو عايز اوتوماتيك يبقى خليك في الاكسارا ٢ و كده هتدخل في موتور اقوى و فرامل ايه بي اس بس قطع الغيار اغلى كتير و كمان سعر العربيه اعلى.

انا فعلا اتعرضت عليا اكتر من عربيه بس مش عارف اختار علشان اغلبهم فيهم شغل بس اللى شاغل بالى انى مش عارف اقيم الشغل هيكلف كام بالظبط بس تسلم على المشاركة المؤثرة

[scaniax]

يا سيدي الفاضل لو تصفحت قسم الستروين ستجد ضالتك فهذه السيارة ممتازة عن تجربة وثابتة فى الطرق السريعة يعنى توصل 140 وانت سايق بايد واحدة، قطع الغيار مش غالية قوى بالنسبة لاكسارا 1 بالذات اللى هى موتور n6 أما اكسارا2 أغلى شوية، لكن قطع غيارها تعتبر رخيصة أنها الحمد لله معمرة، بالنسبة للصيانة ما تقلقش فى كتير بيشتغلوا فيها، ولو جبت عربية وحابب تكشف عليها ممكن أوديك لواحد كويس اسمه ايهاب جلال فى المعادى على الأوتوستراد وفى كمان كهربائى ويس أعرفه فى عين الصيرة أمام حديقة الفسطاط وفى ميكانيكى أعرفه كده فى القصر العينى ده ميكانيكى عادى خالص وبيعمل فيها الحاجات الخفيفة، وعلى فكرة قطع غيارها هى نفس قطع غيار بيجو اكسارا 1 306 واكسارا2 307 وقولى ايه الحاجات اللى مخوفاك وانا جاوبك عليها واحدة واحدة، وما تقلقش ما بيزمش فى العربية دى غير اللى مركبهاش، وصدقنى مش هتلاقى عربية بالامكانيات دى والسعر دة، والكورى تجاربى معاه مش حلوة قوى يعنى بحس ان كبيره خمس سنين بخلاف الاكسارا ما شاء الله يعني

المشاكل كالاتى
1 السخونة هل العربية دى بتسخن جامد و هل مكتوب فى الكتالوج زى ما واحد قاللى انها لو سخنت ل 90 عادى
2 زحف الفرامل مشكلة هل يمكن علاجها
3 كمبيوتر العربية و الحساسات و الكهربا عموما تكلفة اصلاحها غالية و هل قطعها متوفرة غالية ولا رخيصة ؟؟
و انا متشكر جدا على مساعدتك

[scaniax]

amrmasmail
تسلم يا جميل على المشاركة الحلوة

[fepsceasar]

المشاكل كالاتى
1 السخونة هل العربية دى بتسخن جامد و هل مكتوب فى الكتالوج زى ما واحد قاللى انها لو سخنت ل 90 عادى
2 زحف الفرامل مشكلة هل يمكن علاجها
3 كمبيوتر العربية و الحساسات و الكهربا عموما تكلفة اصلاحها غالية و هل قطعها متوفرة غالية ولا رخيصة ؟؟
و انا متشكر جدا على مساعدتك

بص اللى هقولك عليه ده وجهة نظرى انا مش خبير اصلاح السيارة لكن من اللى بسمعوا
1- بخصوص السخونة عادى جدا العربية توصل لتسعين طالما ترموستات والمروحة ما بتشتغلش مع الموتور على طول
2- بخصوص الفرامل فى ناس بتركب دونجل اكسارا2 ورا بدل طنابير ا
3- اهم حاجة زى ما قالك زميلنا بلاش حد يشتغل بلدى فى الكهربا مباشرة وما يعديش الحاجة على الكنترول خلى اللى بيشتغل فيها واحد كان بيشتغل فى التوكيل او عنده فكرة عنها فى ابراهيم الكهربائى فى عين الصيرة قدام باب الفسطاط ده بيشتغل فى التوكيل اصلا بخصوص قطع الغيار انا راييى انها بالنسبة لواحد مش غالية لكن اكسارا2 أغلى شوية اتصل بجمال البدرى بتاع قطع الغيار هتلاقى نمرته فى موضوع مثبت هنا هيقولك على قطع الغيار اللى انت مقلق منها سواء اكسسوار او ميكانيكا فى التليفون عادى وانت تقرر بقى، صدقنى هو قرار انا قعدت سنة متردد وبعدين توكلت على الله وانا موسوس جدا فى موضوع العربية ولو حسيت باى حاجة بروح اعملها على طول الحمدلله حاسس ان الاكسار بتكلفنى اقل من 128 القديمة مما شاء الله يعنى ده لحد دلوقتى
4- دى من عندى انا ما تشتريش عربية فيها شغل كتير خلى صاحبها يعملوا وبعد كده اشتريها منه او تبقوا متفقين الشغل اللى هيتعمل على مين وهيتكلف كام وسيبك من اللى يقولك اصل الباور هيتكلف 75 جنيه ويبقى تمام والانذار بيعلق بس يتصلح بعشرة جنيه والكاسيت مش عارف ماله لأن الكاسيت الاصلى اللى بيشتغل على الطارة بـ 3000 والمفتاح بحوالى ألف دى آخر مرة سالت مش عارف الأسعار دلوقتى

[scaniax]

fepsceasar
تسلم يا غالى على نصايحك المهمة و هحاول اتصل بالراجل و اعرف قطع الغيار بكام

[germin82]

الاكسار 2 عربيه قويه وثابته جدا على الطريق لو كانت العربيه نظيفه وليست مشغوله

[maroguidehouse]

انا معايا اكسارا2 هي فعلآ عربيه ممتازه و كل الردود المكتوبه صحيحه و انا لما اشتريتها مكنتش اعرف حاجه فيها و اتضحك عليه كثير و صرفت عليها مبالغ كبيره اغلبها بلا داع لكن الان و الحمد لله عرفت كل حاجه فيها و عرفت مين اللي يشتغل فيها كويس و مين لا بجد تعبت و صرفت كتير اوي فنصيحه
1- اهم حاجه اكشف عليها في التوكيل بيخدو 150ج تقريبآ لكن بيدوك ريبورت كامل عن العربيه و حالتها و تقييم سعرها و بكده تبئى في الامان و على مسئوليتهم
2- متسترخصش و اختار عريه كويسه حتريحك و مش حتصرف عليها كتير
3- انا بفضل اكسارا2 لان الفرق بينها و بين اكسارا1 كبير
4- قطع الغيار متوفره جديده و مستعمله و اسعارها معئوله لكن حاول دايمآ تركب قطع الغيار الاصليه هي بتكون اغلى شويه لكن معمره و بتحافظ على عربيتك حتى لما تيجي تبيع بتفرق و خصوصآ لو عندك ريبورت كامل عن صيانه السياره و تاريخ تركيب كل قطعه و نوعها
ربنا يوفئك و لو احتجت حاجه انا في الخدمه